អន្តរជាតិ
ជប៉ុនចង់ទិញមីស៊ីលដែលល្មមបាញ់ដល់កូរ៉េខាងជើង ដើម្បីទុកការពារខ្លួន
មីស៊ីលចម្ងាយឆ្ងាយ AGM-158 Joint Air-to-Surface Standoff Missile ដែលផលិតដោយក្រុមហ៊ុនអាមេរិក Lockheed Martin (រូបភាព៖ Wikimedia Commons)
×![]()
ដោយ: តន ចាន់រិទ្ធារ៉ា
ស្របពេលដែលការគំរាមកំហែងពីកូរ៉េខាងជើងកើនឡើងជាលំដាប់តាមរយៈការសាកល្បងនុយក្លេអ៊ែរ និងមីស៊ីលជាបន្តបន្ទាប់ ជប៉ុនកំពុងរៀបចំជើងព្រួលដើម្បីទុកការពារខ្លួនពីការវាយប្រហារណាមួយ។ ប្រភពមន្ត្រីជប៉ុនបានបង្ហើបថា ជប៉ុនចង់ទិញមីស៊ីលបំពាក់លើយន្តហោះដែលមានសមត្ថភាពបាញ់ដល់ទឹកដីកូរ៉េខាងជើង។ ប៉ុន្តែជប៉ុនត្រូវដោះស្រាយរដ្ឋធម្មនុញ្ញសន្តិភាពនិយមរបស់ខ្លួនជាមុន ដែលចងដៃជប៉ុនពីការពង្រីកអានុភាពយោធារបស់ខ្លួន។
ជប៉ុន មានផែនការដកទុកថវិកាប្រចាំឆ្នាំ២០១៨ ដើម្បីសិក្សាលើលទ្ធភាពក្នុងការទិញមីស៊ីលរយៈចម្ងាយឆ្ងាយបាញ់ចេញពីយន្តហោះ ខណៈដែលសន្តិសុខក្នុងតំបន់កំពុងរងការគំរាមកំហែងដោយសារកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង។ កាលពីខែកក្កដាកន្លងទៅ មីស៊ីលកូរ៉េខាងជើងពីរគ្រាប់បានហោះរំលងដែនអាកាសជប៉ុន ហើយកាលពីចុងខែវិច្ឆិកា មីស៊ីលមួយទៀតក៏ធ្លាក់ចូលសមុទ្រក្បែរដែនគោកជប៉ុនទៀត។
យោងតាមទីភ្នាក់ងារព័ត៌មាន Reuters ដែលស្រង់សម្ដីពីមន្ត្រីចំនួនពីរនាក់ ក្រុងតូក្យូនឹងសិក្សាលើសមត្ថភាពរបស់យន្តហោះចម្បាំង F-15 ថាអាចបំពាក់មីស៊ីលចម្ងាយឆ្ងាយបានឬអត់ រាប់ទាំងមីស៊ីល JASSM-ER ផលិតដោយក្រុមហ៊ុនអាមេរិក Lockheed Martin Corp ។ មីស៊ីលប្រភេទនេះអាចបាញ់ចំគោលដៅដែលស្ថិតនៅចម្ងាយ១០០០គីឡូម៉ត្របាន។ មីស៊ីលដែលអាចបាញ់ឆ្ងាយបែបនេះ គឺល្មមអាចកម្ទេចគោលដៅត្រឹមកូរ៉េខាងជើងបាន។
ជាមួយគ្នានេះ ជប៉ុនក៏មានចំណាប់អារម្មណ៍ទិញមីស៊ីល Joint Strike Missile ដែលផលិតដោយក្រុមហ៊ុនន័រវ៉េស Kongsberg Defence & Aerospace និងអាចរត់បានចម្ងាយដល់ទៅ៥០០គីឡូម៉ែត្រ សម្រាប់បំពាក់លើយន្តហោះ F-35 ។ ប៉ុន្តែមីស៊ីលទាំងពីរប្រភេទនេះ មិនស្ថិតក្នុងបញ្ជីចំណាយឆ្នាំ២០១៨ ដែលស្នើដោយក្រសួងការពារជាតិជប៉ុនឡើយ។ បើសិនជាចង់អនុវត្តផែនការនេះ ក្រុងតូក្យូត្រូវស្វែងរកប្រាក់ឲ្យបានច្រើនដើម្បីចំណាយលើការទិញមីស៊ីល។
សព្វថ្ងៃនេះ ជប៉ុនមិនមានមីស៊ីលរយៈចម្ងាយឆ្ងាយឡើយ ព្រោះតែរដ្ឋធម្មនុញ្ញដែលសរសេរក្រោយបរាជ័យក្នុងសង្គ្រាមលោកលើកទីពីរ។ ក្នុងឃ្លាំងរបស់ខ្លួន យោធាជប៉ុនមានមីស៊ីលប្រឆាំងយន្តហោះ និងសព្វាវុធផ្សេងៗប្រឆាំងនាវា ដែលអាចរត់បានចម្ងាយតិចជាង៣០០គីឡូម៉ែត្រប៉ុណ្ណោះ ដែលនេះមានន័យថា អាវុធដែលជប៉ុនមានទាំងអម្បាលម៉ាន គឺទុកសម្រាប់តែការពារខ្លួនប៉ុណ្ណោះ មិនមែនសម្រាប់ប្រយុទ្ធឡើយ។
ដោយឡែករដ្ឋមន្ត្រីការពារជាតិជប៉ុន Itsunori Onodera ក៏មិនទាន់អះអាងពីផែនការទិញមីស៊ីលនេះឲ្យច្បាស់លាស់ដែរ ដោយលោកលើកឡើថា ជប៉ុនមិនទាន់គម្រោងស្វែងរកថវិកាទិញមីស៊ីលឡើយ ហើយជប៉ុនពឹងផ្អែកលើអាមេរិកក្នុងការវាយយប្រហារគោលដៅសត្រូវ។ តែអ្វីគួរឲ្យកត់សម្គាល់នោះ គឺលោក Onodera នេះហើយដែលកាលពីនៅជាសមាជិកសភា បានចេញមុខស្នើឲ្យរដ្ឋាភិបាលទិញមីស៊ីលដែលអាចបាញ់ដល់ក្រុងព្យុងយ៉ាង៕
ជប៉ុន មានផែនការដកទុកថវិកាប្រចាំឆ្នាំ២០១៨ ដើម្បីសិក្សាលើលទ្ធភាពក្នុងការទិញមីស៊ីលរយៈចម្ងាយឆ្ងាយបាញ់ចេញពីយន្តហោះ ខណៈដែលសន្តិសុខក្នុងតំបន់កំពុងរងការគំរាមកំហែងដោយសារកម្មវិធីនុយក្លេអ៊ែរ និងមីស៊ីលរបស់កូរ៉េខាងជើង។ កាលពីខែកក្កដាកន្លងទៅ មីស៊ីលកូរ៉េខាងជើងពីរគ្រាប់បានហោះរំលងដែនអាកាសជប៉ុន ហើយកាលពីចុងខែវិច្ឆិកា មីស៊ីលមួយទៀតក៏ធ្លាក់ចូលសមុទ្រក្បែរដែនគោកជប៉ុនទៀត។
យោងតាមទីភ្នាក់ងារព័ត៌មាន Reuters ដែលស្រង់សម្ដីពីមន្ត្រីចំនួនពីរនាក់ ក្រុងតូក្យូនឹងសិក្សាលើសមត្ថភាពរបស់យន្តហោះចម្បាំង F-15 ថាអាចបំពាក់មីស៊ីលចម្ងាយឆ្ងាយបានឬអត់ រាប់ទាំងមីស៊ីល JASSM-ER ផលិតដោយក្រុមហ៊ុនអាមេរិក Lockheed Martin Corp ។ មីស៊ីលប្រភេទនេះអាចបាញ់ចំគោលដៅដែលស្ថិតនៅចម្ងាយ១០០០គីឡូម៉ត្របាន។ មីស៊ីលដែលអាចបាញ់ឆ្ងាយបែបនេះ គឺល្មមអាចកម្ទេចគោលដៅត្រឹមកូរ៉េខាងជើងបាន។
ជាមួយគ្នានេះ ជប៉ុនក៏មានចំណាប់អារម្មណ៍ទិញមីស៊ីល Joint Strike Missile ដែលផលិតដោយក្រុមហ៊ុនន័រវ៉េស Kongsberg Defence & Aerospace និងអាចរត់បានចម្ងាយដល់ទៅ៥០០គីឡូម៉ែត្រ សម្រាប់បំពាក់លើយន្តហោះ F-35 ។ ប៉ុន្តែមីស៊ីលទាំងពីរប្រភេទនេះ មិនស្ថិតក្នុងបញ្ជីចំណាយឆ្នាំ២០១៨ ដែលស្នើដោយក្រសួងការពារជាតិជប៉ុនឡើយ។ បើសិនជាចង់អនុវត្តផែនការនេះ ក្រុងតូក្យូត្រូវស្វែងរកប្រាក់ឲ្យបានច្រើនដើម្បីចំណាយលើការទិញមីស៊ីល។
សព្វថ្ងៃនេះ ជប៉ុនមិនមានមីស៊ីលរយៈចម្ងាយឆ្ងាយឡើយ ព្រោះតែរដ្ឋធម្មនុញ្ញដែលសរសេរក្រោយបរាជ័យក្នុងសង្គ្រាមលោកលើកទីពីរ។ ក្នុងឃ្លាំងរបស់ខ្លួន យោធាជប៉ុនមានមីស៊ីលប្រឆាំងយន្តហោះ និងសព្វាវុធផ្សេងៗប្រឆាំងនាវា ដែលអាចរត់បានចម្ងាយតិចជាង៣០០គីឡូម៉ែត្រប៉ុណ្ណោះ ដែលនេះមានន័យថា អាវុធដែលជប៉ុនមានទាំងអម្បាលម៉ាន គឺទុកសម្រាប់តែការពារខ្លួនប៉ុណ្ណោះ មិនមែនសម្រាប់ប្រយុទ្ធឡើយ។
ដោយឡែករដ្ឋមន្ត្រីការពារជាតិជប៉ុន Itsunori Onodera ក៏មិនទាន់អះអាងពីផែនការទិញមីស៊ីលនេះឲ្យច្បាស់លាស់ដែរ ដោយលោកលើកឡើថា ជប៉ុនមិនទាន់គម្រោងស្វែងរកថវិកាទិញមីស៊ីលឡើយ ហើយជប៉ុនពឹងផ្អែកលើអាមេរិកក្នុងការវាយយប្រហារគោលដៅសត្រូវ។ តែអ្វីគួរឲ្យកត់សម្គាល់នោះ គឺលោក Onodera នេះហើយដែលកាលពីនៅជាសមាជិកសភា បានចេញមុខស្នើឲ្យរដ្ឋាភិបាលទិញមីស៊ីលដែលអាចបាញ់ដល់ក្រុងព្យុងយ៉ាង៕
Tag:
ជប៉ុន
កូរ៉េខាងជើង
© រក្សាសិទ្ធិដោយ thmeythmey.com
