អន្តរជាតិ
×![]()
ដោយ: តន ចាន់រិទ្ធារ៉ា
ក្រោយការចរចាជាច្រើនខែរួចមក ចក្រភពអង់គ្លេស និងសហភាពអឺរ៉ុបសម្រេចបានកិច្ចព្រមព្រៀងលែងលះដំណាក់កាលដំបូងហើយ។ ប្រធានគណៈកម្មការអឺរ៉ុប ហ្សង់-ក្លូដ ចាំងគើ នៅថ្ងៃទី៨ ខែធ្នូ និយាយថា ការចរចារវាងអឺរ៉ុប និងអង់គ្លេស បានផ្ដល់លទ្ធផលជាទីគាប់ចិត្ត បន្ទាប់ពីអង់គ្លេសសម្រេចបានកិច្ចព្រមព្រៀងស្ដីពីព្រំដែនជាមួយអៀរឡង់ខាងជើងរួចមក។ ដំណាក់បន្ទាប់នៃការចរចានេះ គឺការចរចាស្ដីពីទំនាក់ទំនងអឺរ៉ុប-អង់គ្លេស ក្រោយការចាកចេញរបស់អង់គ្លេសក្នុងឆ្នាំ២០១៩ ។
នាយករដ្ឋមន្ត្រីអង់គ្លេស ថេរ៉េសា ម៉េយ៍ បានហោះទៅកាន់ទីក្រុងព្រុចសែល ទាំងព្រឹកព្រលឹមថ្ងៃទី ៨ ខែធ្នូ ដើម្បីប្រកាសពីជោគជ័យដំណាក់ដំបូងនៃការចរចាចែកផ្លូវជាមួយសហភាពអឺរ៉ុប។ លោកស្រី ម៉េយ៍ បានជួបជាមួយប្រធានគណៈកម្មកាអឺរ៉ុប ហ្សង់-ក្លូដ ចាំងគើ ដើម្បីពិសារអាហារពេលព្រឹកការងារ មុននឹងប្រកាសរួមពីដំណើការទៅមុខនៃការចរចាស្ដីការចាកចេញរបស់អង់គ្លេស។ ភាគីទាំងពីរបានចរចាយ៉ាងតានតឹងអស់ពេលច្រើនខែ ទម្រាំសម្រេចបានកិច្ចព្រមព្រៀងនេះ។
តាមពិតទៅ ការចរចាជាមួយអឺរ៉ុប ទំនងងាយស្រួលសម្រាប់លោក ម៉េយ៍ ប៉ុន្តែបែរជាលំបាកជាមួយបញ្ហាក្នុងស្រុកទៅវិញ។ មុនហោះទៅបែលហ្ស៊ិក លោកស្រី ម៉េយ៍ ទើបបញ្ចប់ការចរចាជាមួយបក្សនយោបាយមកពីអៀរឡង់ជុំវិញព្រំដែនរវាងអៀរឡង់ និងអង់គ្លេស ក្រោយការចាកចេញក្នុងឆ្នាំ២០១៩ ។ នៅដើមសប្ដាហ៍នេះ បក្សសហភាពប្រជាធិបតេយ្យរបស់អៀរឡង់ ដែលជាដៃគូក្នុងសភារបស់លោកស្រី ម៉េយ៍ បានជំទាស់កិច្ចព្រមព្រៀងព្រំដែនដែលក្រុងឡុងដ៍ និងក្រុងឌុយប្លាំង ឯកភាពគ្នារួចហើយ។
លោកស្រី ម៉េយ៍ ក៏ស្ទុះស្ទាដើម្បីដោះស្រាយបញ្ហានេះឲ្យចប់ស្រេចបាច់ក្នុងសប្ដាហ៍នេះតែម្ដង ដោយសុខចិត្តបំពេញចិត្តទាំងអឺរ៉ុប ទាំងក្រុងឌុយប្លាំង ទាំងបក្សសហភាពប្រជាធិបតេយ្យ ទាំងសមាជិកសភាបក្សអភិរក្សផង។ ដោយឡែក បញ្ហាផ្សេងទៀតដែលបានចរចាជាមួយអឺរ៉ុបក៏សម្រេចលទ្ធផលផ្លែផ្កាដែរ ជាពិសេសប្រជាជនអឺរ៉ុបនៅអង់គ្លេស។ ប្រជាជនអឺរ៉ុបដែលរស់នៅអង់គ្លេសនឹងមានសិទ្ធិដូចពេលដែលអង់គ្លេសនៅជាសមាជិកអឺរ៉ុបដូច្នេះដែរ។
ក្នុងសន្និសីទសារព័ត៌មានដ៏ប្រថុចញ៉ុចនៅព្រឹកថ្ងៃទី៨ ខែធ្នូ លោកស្រីនាយករដ្ឋមន្ត្រី ម៉េយ៍ និយាយថា ការឈានដល់ដំណាក់កាលនេះ បានតម្រូវឲ្យភាគីទាំងអស់លះបង់ជាច្រើន។ ចំណែកឯប្រធានគណៈកម្មការអឺរ៉ុប ចាំងគើ វិញលើកឡើងថា លទ្ធផលពេលនេះ គឺការស្រុះស្រួលគ្នាដ៏ពិតប្រាកដ ព្រោះការចរចាកន្លងមកពិតជារឿងដ៏លំបាក់សម្រាប់ភាគីទាំងសងខាង។ នេះបើតាមការផ្សាយរបស់សារព័ត៌មានអង់គ្លេស BBC ។
ដំណាក់បន្ទាប់ កិច្ចព្រមព្រៀងនេះនឹងធ្លាក់ទៅក្នុងដៃមេដឹកនាំរដ្ឋសមាជិកទាំង២៧ ដែលនឹងពិភាក្សាលើកិច្ចព្រមព្រៀងក្នុងកិច្ចប្រជុំនៅសប្ដាហ៍ក្រោយ។ នាយករដ្ឋមន្ត្រីអង់គ្លេស ម៉េយ៍ រំពឹងថា មេដឹកនាំអឺរ៉ុបនឹងគាំទ្រលទ្ធផលនៃការចរចានេះ ដើម្បីការចរចាអាចបន្តទៅកាន់ដំណាក់ទីពីរ ដែលជាដំណាក់កាលសំខាន់មួយទៀត។ ក្នុងករណីមេដឹកនាំទាំង២៧ប្រទេសឯកភាព អឺរ៉ុប និងអង់គ្លេស នឹងចាប់ផ្ដើមការចរចាស្ដីពីទំនាក់ទំនងក្រោយអង់គ្លេសចាកចេញ។
ការចរចាលើពាណិជ្ជកម្មក្រោយការចាកចេញ ដែលរំពឹងថាកើតឡើងថ្ងៃទី៣០ ខែមីនា ឆ្នាំ២០១៩ គឺជាចំណុចសំខាន់សម្រាប់លោកស្រី ម៉េយ៍ ដើម្បីបន្តអង្គុយកៅអីនាយករដ្ឋមន្ត្រី។ ក្រៅពីនេះ បញ្ហានេះក៏ជារឿងសំខាន់សម្រាប់អង់គ្លេសដើម្បីរក្សាការដោះដូរទំនិញរវាងអឺរ៉ុប និងរដ្ឋមានទំហំសេដ្ឋកិច្ចលំដាប់ទីមួយ។ ប្រធានក្រុមប្រឹក្សាអឺរ៉ុប ដូណាល់ ទូស និយាយថាការចរចាលើនេះមិនមែនជារឿងងាយស្រួលឡើយ ហើយពេលវេលាក៏មិនសល់ច្រើនដែរ៕
នាយករដ្ឋមន្ត្រីអង់គ្លេស ថេរ៉េសា ម៉េយ៍ បានហោះទៅកាន់ទីក្រុងព្រុចសែល ទាំងព្រឹកព្រលឹមថ្ងៃទី ៨ ខែធ្នូ ដើម្បីប្រកាសពីជោគជ័យដំណាក់ដំបូងនៃការចរចាចែកផ្លូវជាមួយសហភាពអឺរ៉ុប។ លោកស្រី ម៉េយ៍ បានជួបជាមួយប្រធានគណៈកម្មកាអឺរ៉ុប ហ្សង់-ក្លូដ ចាំងគើ ដើម្បីពិសារអាហារពេលព្រឹកការងារ មុននឹងប្រកាសរួមពីដំណើការទៅមុខនៃការចរចាស្ដីការចាកចេញរបស់អង់គ្លេស។ ភាគីទាំងពីរបានចរចាយ៉ាងតានតឹងអស់ពេលច្រើនខែ ទម្រាំសម្រេចបានកិច្ចព្រមព្រៀងនេះ។
តាមពិតទៅ ការចរចាជាមួយអឺរ៉ុប ទំនងងាយស្រួលសម្រាប់លោក ម៉េយ៍ ប៉ុន្តែបែរជាលំបាកជាមួយបញ្ហាក្នុងស្រុកទៅវិញ។ មុនហោះទៅបែលហ្ស៊ិក លោកស្រី ម៉េយ៍ ទើបបញ្ចប់ការចរចាជាមួយបក្សនយោបាយមកពីអៀរឡង់ជុំវិញព្រំដែនរវាងអៀរឡង់ និងអង់គ្លេស ក្រោយការចាកចេញក្នុងឆ្នាំ២០១៩ ។ នៅដើមសប្ដាហ៍នេះ បក្សសហភាពប្រជាធិបតេយ្យរបស់អៀរឡង់ ដែលជាដៃគូក្នុងសភារបស់លោកស្រី ម៉េយ៍ បានជំទាស់កិច្ចព្រមព្រៀងព្រំដែនដែលក្រុងឡុងដ៍ និងក្រុងឌុយប្លាំង ឯកភាពគ្នារួចហើយ។
លោកស្រី ម៉េយ៍ ក៏ស្ទុះស្ទាដើម្បីដោះស្រាយបញ្ហានេះឲ្យចប់ស្រេចបាច់ក្នុងសប្ដាហ៍នេះតែម្ដង ដោយសុខចិត្តបំពេញចិត្តទាំងអឺរ៉ុប ទាំងក្រុងឌុយប្លាំង ទាំងបក្សសហភាពប្រជាធិបតេយ្យ ទាំងសមាជិកសភាបក្សអភិរក្សផង។ ដោយឡែក បញ្ហាផ្សេងទៀតដែលបានចរចាជាមួយអឺរ៉ុបក៏សម្រេចលទ្ធផលផ្លែផ្កាដែរ ជាពិសេសប្រជាជនអឺរ៉ុបនៅអង់គ្លេស។ ប្រជាជនអឺរ៉ុបដែលរស់នៅអង់គ្លេសនឹងមានសិទ្ធិដូចពេលដែលអង់គ្លេសនៅជាសមាជិកអឺរ៉ុបដូច្នេះដែរ។
ក្នុងសន្និសីទសារព័ត៌មានដ៏ប្រថុចញ៉ុចនៅព្រឹកថ្ងៃទី៨ ខែធ្នូ លោកស្រីនាយករដ្ឋមន្ត្រី ម៉េយ៍ និយាយថា ការឈានដល់ដំណាក់កាលនេះ បានតម្រូវឲ្យភាគីទាំងអស់លះបង់ជាច្រើន។ ចំណែកឯប្រធានគណៈកម្មការអឺរ៉ុប ចាំងគើ វិញលើកឡើងថា លទ្ធផលពេលនេះ គឺការស្រុះស្រួលគ្នាដ៏ពិតប្រាកដ ព្រោះការចរចាកន្លងមកពិតជារឿងដ៏លំបាក់សម្រាប់ភាគីទាំងសងខាង។ នេះបើតាមការផ្សាយរបស់សារព័ត៌មានអង់គ្លេស BBC ។
ដំណាក់បន្ទាប់ កិច្ចព្រមព្រៀងនេះនឹងធ្លាក់ទៅក្នុងដៃមេដឹកនាំរដ្ឋសមាជិកទាំង២៧ ដែលនឹងពិភាក្សាលើកិច្ចព្រមព្រៀងក្នុងកិច្ចប្រជុំនៅសប្ដាហ៍ក្រោយ។ នាយករដ្ឋមន្ត្រីអង់គ្លេស ម៉េយ៍ រំពឹងថា មេដឹកនាំអឺរ៉ុបនឹងគាំទ្រលទ្ធផលនៃការចរចានេះ ដើម្បីការចរចាអាចបន្តទៅកាន់ដំណាក់ទីពីរ ដែលជាដំណាក់កាលសំខាន់មួយទៀត។ ក្នុងករណីមេដឹកនាំទាំង២៧ប្រទេសឯកភាព អឺរ៉ុប និងអង់គ្លេស នឹងចាប់ផ្ដើមការចរចាស្ដីពីទំនាក់ទំនងក្រោយអង់គ្លេសចាកចេញ។
ការចរចាលើពាណិជ្ជកម្មក្រោយការចាកចេញ ដែលរំពឹងថាកើតឡើងថ្ងៃទី៣០ ខែមីនា ឆ្នាំ២០១៩ គឺជាចំណុចសំខាន់សម្រាប់លោកស្រី ម៉េយ៍ ដើម្បីបន្តអង្គុយកៅអីនាយករដ្ឋមន្ត្រី។ ក្រៅពីនេះ បញ្ហានេះក៏ជារឿងសំខាន់សម្រាប់អង់គ្លេសដើម្បីរក្សាការដោះដូរទំនិញរវាងអឺរ៉ុប និងរដ្ឋមានទំហំសេដ្ឋកិច្ចលំដាប់ទីមួយ។ ប្រធានក្រុមប្រឹក្សាអឺរ៉ុប ដូណាល់ ទូស និយាយថាការចរចាលើនេះមិនមែនជារឿងងាយស្រួលឡើយ ហើយពេលវេលាក៏មិនសល់ច្រើនដែរ៕
Tag:
Brexit
អឺរ៉ុប
អង់គ្លេស
© រក្សាសិទ្ធិដោយ thmeythmey.com
