អន្តរជាតិ
អនុតំបន់មេគង្គមានយន្តការសហប្រតិបត្តិការច្រើន តែអ្នកជំនាញចិនថា យន្តការចិនប្រសើរជាងគេ
×![]()
ដោយ: តន ចាន់រិទ្ធារ៉ា
ប៉េកាំង៖ ប្រទេសនៅតាមបណ្ដោយទន្លេមេគង្កមាន កម្ពុជា ថៃ ឡាវ វៀតណាម និងមីយ៉ាន់ម៉ា ក្លាយជាទីចាប់អារម្មណ៍ នៃមហាអំណាចផ្សេងៗ។ យន្តការកិច្ចសហប្រតិបត្តិការទ្វេភាគី ជាមួយប្រទេសទាំង៥ បានបង្កើតជាបន្តបន្ទាប់ដូចជា មេគង្គ-ជប៉ុន មេគង្គ-គង្គា មហាអនុតំបន់ទន្លេមេគង្គ ឬមេគង្គ-ឡានឆាងជាដើម។ ប៉ុន្តែសាស្ត្រាចារ្យចិនមួយរូប យល់ថាយន្តការរបស់ចិនមានលក្ខណៈល្អប្រសើរជាង បើប្រៀបធៀបទៅនឹងយន្តការផ្សេងទៀត។
មហាអំណាចធំៗដូចជា អាមេរិក ជប៉ុន ឥណ្ឌា និងចិនជាដើម បាននាំគ្នាផ្ដោតចំណាប់អារម្មណ៍ លើប្រទេសមានទីតាំងតាមបណ្ដោយទន្លេមេគង្គ។ ជាមួយចិន គេឃើញមានយន្តការកិច្ចសហប្រតិបត្តិការមេគង្គ-ឡានឆាង ឯជាមួយជប៉ុន មានជំនួបកំពូលមេគង្គ-ជប៉ុន និងជាមួយឥណ្ឌា មានកិច្ចសហប្រតិបត្តិការមេគង្គ-គង្គា។ ជាមួយគ្នានេះ កម្ពុជា ថៃ ឡាវ វៀតណាម និងមីយ៉ាន់ម៉ា ក៏មានយន្តការរួមដោយឡែក គឺមហាអនុតំបន់ទន្លេមេគង្គ (GMS) មានធនាគារអភិវឌ្ឍអាស៊ី (ADB) នៅពីក្រោយ។
យ៉ាងណាមិញ ជាមួយនឹងយន្តការទ្វេភាគីច្រើនក្នុងអនុតំបន់មួយនេះ លោក Su Hao សាស្ត្រាចារ្យនៃសាកលវិទ្យាល័យកិច្ចការបរទេសចិន យល់ថា យន្តការរវាងចិន និងប្រទេសទាំង៥ គឺមានលក្ខណៈល្អជាងគំនិតផ្ដួចផ្ដើមប្រទេសដទៃដូចជាជប៉ុន ឬ ADB ជាដើម។ លោក Su Hao និយាយបែបនេះ នៅចំពោះមុខអ្នកសារព័ត៌មានជាច្រើននាក់ មកពីប្រទេសទាំង៥ នៃអនុតំបន់ទន្លេមេគង្គ នៅជំនួបថ្ងៃទី១១ ខែធ្នូ ។
បើតាមសាស្ត្រាចារ្យរូបនេះ យន្តការ GMS ដែលជ្រោមជ្រែងដោយ ADB ក្នុងឆ្នាំ១៩៩២ ឬយន្តការរបស់ជប៉ុន គឺមានរបៀបវារៈនយោបាយខាងក្រោយខ្នង ហើយជាប្រទេសខាងក្រៅតំបន់ទៅទៀត។ លោក Su Hao លើកឡើងថា គំនិតផ្ដួចផ្ដើមរបស់ជប៉ុនក្ដី ឬ ADB ក្ដី ដើរតួនាទីជាវិជ្ជមាន ក្នុងកិច្ចសហប្រតិបត្តិការអនុតំបន់ ប៉ុន្តែលោកសង្កេតឃើញថា យន្តការទាំងនេះមានអាទិភាពរៀងៗខ្លួន ហើយពេលខ្លះ មានការយកនយោបាយទៅពាក់ព័ន្ធទៅទៀត។
សម្រាប់យន្តការរបស់ចិនវិញ លោក Su Hao ដែលជានាយកមជ្ឈមណ្ឌលសិក្សាយុទ្ធសាស្ត្រ និងសន្តិភាពអះអាងថា កិច្ចសហប្រតិបត្តិការមេគង្គ-ឡានឆាង ជាយន្តការថ្មី តែជាការផ្ដួចផ្ដើមដោយប្រទេសក្នុងតំបន់គឺចិន ដែលជាខុសពីយន្តការប្រទេសផ្សេងមកពីក្រៅតំបន់។ លោកបញ្ជាក់ថា ចិនដឹងពីតម្រូវការក្នុងតំបន់ ហើយយន្តការរបស់ចិន គឺជាការធ្វើការរួមគ្នារវាងប្រទេសក្នុងតំបន់។ ក្នុងន័យនេះ សាស្ត្រាចារ្យ Su ពន្យល់ថា យន្តការថ្មី នឹងមានតួនាទីប្រសើរជាង និងងាយស្រួលដោះស្រាយបញ្ហា។
រដ្ឋមន្ត្រីការបរទេសនៃកិច្ចសហប្រតិការបត្តិការមេគង្គ-ឡានឆាង នឹងជួបប្រជុំគ្នាចាប់ពីថ្ងៃទី១៤ ដល់ទី១៦ ខែធ្នូ ក្នុងទីក្រុងតាលី ខេត្តយូណាន។ បើតាមការប្រកាសរបស់ក្រសួងការបរទេសចិន រដ្ឋមន្ត្រីការបរទេសចិន កម្ពុជា ថៃ ឡាវ វៀតណាម និងអនុរដ្ឋមន្ត្រីការបរទេសមីយ៉ាន់ម៉ា នឹងចូលរួមកិច្ចពិភាក្សាលើកទី៣ ឆ្នាំ២០១៧ នេះ។ ប្រមុខការទូតចិន វ៉ាង យី និងសមភាគីកម្ពុជា ប្រាក់ សុខុន នឹងធ្វើជាសហប្រធានជំនួបលើកនេះ៕
មហាអំណាចធំៗដូចជា អាមេរិក ជប៉ុន ឥណ្ឌា និងចិនជាដើម បាននាំគ្នាផ្ដោតចំណាប់អារម្មណ៍ លើប្រទេសមានទីតាំងតាមបណ្ដោយទន្លេមេគង្គ។ ជាមួយចិន គេឃើញមានយន្តការកិច្ចសហប្រតិបត្តិការមេគង្គ-ឡានឆាង ឯជាមួយជប៉ុន មានជំនួបកំពូលមេគង្គ-ជប៉ុន និងជាមួយឥណ្ឌា មានកិច្ចសហប្រតិបត្តិការមេគង្គ-គង្គា។ ជាមួយគ្នានេះ កម្ពុជា ថៃ ឡាវ វៀតណាម និងមីយ៉ាន់ម៉ា ក៏មានយន្តការរួមដោយឡែក គឺមហាអនុតំបន់ទន្លេមេគង្គ (GMS) មានធនាគារអភិវឌ្ឍអាស៊ី (ADB) នៅពីក្រោយ។
យ៉ាងណាមិញ ជាមួយនឹងយន្តការទ្វេភាគីច្រើនក្នុងអនុតំបន់មួយនេះ លោក Su Hao សាស្ត្រាចារ្យនៃសាកលវិទ្យាល័យកិច្ចការបរទេសចិន យល់ថា យន្តការរវាងចិន និងប្រទេសទាំង៥ គឺមានលក្ខណៈល្អជាងគំនិតផ្ដួចផ្ដើមប្រទេសដទៃដូចជាជប៉ុន ឬ ADB ជាដើម។ លោក Su Hao និយាយបែបនេះ នៅចំពោះមុខអ្នកសារព័ត៌មានជាច្រើននាក់ មកពីប្រទេសទាំង៥ នៃអនុតំបន់ទន្លេមេគង្គ នៅជំនួបថ្ងៃទី១១ ខែធ្នូ ។
បើតាមសាស្ត្រាចារ្យរូបនេះ យន្តការ GMS ដែលជ្រោមជ្រែងដោយ ADB ក្នុងឆ្នាំ១៩៩២ ឬយន្តការរបស់ជប៉ុន គឺមានរបៀបវារៈនយោបាយខាងក្រោយខ្នង ហើយជាប្រទេសខាងក្រៅតំបន់ទៅទៀត។ លោក Su Hao លើកឡើងថា គំនិតផ្ដួចផ្ដើមរបស់ជប៉ុនក្ដី ឬ ADB ក្ដី ដើរតួនាទីជាវិជ្ជមាន ក្នុងកិច្ចសហប្រតិបត្តិការអនុតំបន់ ប៉ុន្តែលោកសង្កេតឃើញថា យន្តការទាំងនេះមានអាទិភាពរៀងៗខ្លួន ហើយពេលខ្លះ មានការយកនយោបាយទៅពាក់ព័ន្ធទៅទៀត។
សម្រាប់យន្តការរបស់ចិនវិញ លោក Su Hao ដែលជានាយកមជ្ឈមណ្ឌលសិក្សាយុទ្ធសាស្ត្រ និងសន្តិភាពអះអាងថា កិច្ចសហប្រតិបត្តិការមេគង្គ-ឡានឆាង ជាយន្តការថ្មី តែជាការផ្ដួចផ្ដើមដោយប្រទេសក្នុងតំបន់គឺចិន ដែលជាខុសពីយន្តការប្រទេសផ្សេងមកពីក្រៅតំបន់។ លោកបញ្ជាក់ថា ចិនដឹងពីតម្រូវការក្នុងតំបន់ ហើយយន្តការរបស់ចិន គឺជាការធ្វើការរួមគ្នារវាងប្រទេសក្នុងតំបន់។ ក្នុងន័យនេះ សាស្ត្រាចារ្យ Su ពន្យល់ថា យន្តការថ្មី នឹងមានតួនាទីប្រសើរជាង និងងាយស្រួលដោះស្រាយបញ្ហា។
រដ្ឋមន្ត្រីការបរទេសនៃកិច្ចសហប្រតិការបត្តិការមេគង្គ-ឡានឆាង នឹងជួបប្រជុំគ្នាចាប់ពីថ្ងៃទី១៤ ដល់ទី១៦ ខែធ្នូ ក្នុងទីក្រុងតាលី ខេត្តយូណាន។ បើតាមការប្រកាសរបស់ក្រសួងការបរទេសចិន រដ្ឋមន្ត្រីការបរទេសចិន កម្ពុជា ថៃ ឡាវ វៀតណាម និងអនុរដ្ឋមន្ត្រីការបរទេសមីយ៉ាន់ម៉ា នឹងចូលរួមកិច្ចពិភាក្សាលើកទី៣ ឆ្នាំ២០១៧ នេះ។ ប្រមុខការទូតចិន វ៉ាង យី និងសមភាគីកម្ពុជា ប្រាក់ សុខុន នឹងធ្វើជាសហប្រធានជំនួបលើកនេះ៕
Tag:
ចិន
3thLMC
© រក្សាសិទ្ធិដោយ thmeythmey.com
