ជាតិ
ពីនេះ ពីនោះ
ព័ត៍មានសុខភាព
សុខភាព
របាំងការពារពន្លឺអាចជួយការពារខួរក្បាលរបស់អ្នកជំងឺដាច់សរសៃឈាមខួរក្បាលបាន
× យោងទៅតាមសេចក្តីរាយការណ៍របស់សារព័ត៌មាន BBC News បានឲ្យដឹងថា អ្នកស្រាវជ្រាវបានសម្គាល់ដឹងអំពីរបៀបដែលផ្នែករបស់ខួរក្បាលអាចការពារខ្លួនឯងបានពីការខូចខាតដោយសារតែជំងឺដាច់សរសៃឈាមខួរក្បាលបាន។
ការរកឃើញដ៏អស្ចារ្យទាំងនេះបានមកពីការស្រាវជ្រាវនៅលើសត្វកណ្តុរដែលអាចបង្កើតបានជាការព្យាបាលថ្មីមួយលើជំងឺដាច់សរសៃឈាមខួរក្បាល។ ការសិក្សានេះបានពិនិត្យទៅលើមូលហេតុដែលប្រភេទនៃកោសិកាខួរក្បាលមួយចំនួនងាយនឹងស៊ាំភាពកង្វះអុកស៊ីសែនជាងកោសិកាផ្សេងម្លេះ ក្នុងពេលមានជំងឺដាច់សរសៃឈាមខួរក្បាល។
អ្នកស្រាវជ្រាវបានរកឃើញថា កោសិកាដែលមានភាពស៊ាំខ្លាំងទាំងនេះគឺផលិតនូវអ័រម៉ូន Harmartin ក្នុងកម្រិតខ្ពស់មួយជាងកោសិកាសរសៃប្រសាទដទៃនៅពេលពួកគេកង្វះអុកស៊ីសែនជាបណ្តោះអាសន្ន។
តាមរយៈការទប់ស្កាត់ការផលិតប្រូតេអ៊ីននេះ អ្នកស្រាវជ្រាវបានរកឃើញថា កោសិកាបានងាយនឹងស្លាប់ដោយសារតែការកង្វះអុកស៊ីសែនណាស់ ទាំងក្នុងមន្ទីរពិសោធន៍ និងកណ្តុរដែលរស់។ ពួកគេក៏បានរកឃើញទៀតថា កោសិកាសរសៃប្រសាទដែលគេឆ្នៃឲ្យផលិតប្រូតេអ៊ីន Hamartin កាន់តែច្រើនគឺងាយនឹងស៊ាំខ្លួននឹងការកង្វះអុកស៊ីសែន និងស្ករណាស់នៅពេលពិសោធន៍ក្នុងមន្ទីរពិសោធន៍។
ការផលិតប្រូតេអ៊ីនការពារនេះមានឥទ្ធិពលលើការជួយដល់អ្នកវិទ្យាសាស្ត្រស្រាវជ្រាវមធ្យោបាយថ្មីជាច្រើនក្នុងការបង្ការ ឬព្យាបាលជំងឺដាច់សរសៃឈាមខួរក្បាល។ យ៉ាងណាមិញ ការស្រាវជ្រាវដ៏អស្ចារ្យមួយនេះចំពោះសត្វគឺត្រូវតែធ្វើសិនមុនពេលអនុវត្តលើមនុស្ស៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com