អន្តរជាតិ
មហាយក្សចិនត្រៀមខ្លួនចែករំលែកបទពិសោធន៍គ្រប់គ្រងធនធានទឹកដល់ប្រទេសតំបន់មេគង្គ
លោក Yu Xingjun មន្រ្តីជាន់ខ្ពស់ក្រសួងធនធានទឹកចិន
×![]()
ដោយ: តន ចាន់រិទ្ធារ៉ា
ធនធានទឹក គឺជាចំណុចមួយក្នុងចំណោមចំណុចអាទិភាពទាំង៥ នៃកិច្ចសហប្រតិបត្តិការឡានឆាង-មេគង្គ (LMC) ដែលមានសមាជិកចំនួន៦ប្រទេស។ ការគ្រប់គ្រងធនធានទឹក និងការបញ្ហាគ្រោះថ្នាក់ធម្មជាតិនានា គឺជាបញ្ហាប្រឈមដ៏ធំរបស់ប្រទេសតាមបណ្ដោយទន្លេមេគង្គ។ ចិន ដែលស្ថិតនៅខាង លើនៃផ្ទៃទន្លេមេគង្គ បានត្រៀមខ្លួនរួចរាល់ដើម្បីជួយប្រទេសទាំង៥ ផ្សេងទៀតលើការដោះស្រាយបញ្ហាធនធានទឹកនេះ។
ទន្លេមេគង្គ គឺជារតនសម្បត្តិរួមនៃប្រទេសទាំង៦ ដែលមានទីតាំងតាមទន្លេនេះមានចិន មីយ៉ាន់ម៉ា ឡាវ ថៃ កម្ពុជា និងវៀតណាម។ នេះជាសម្ដីរបស់លោក Yu Xingjun អគ្គនាយកនៃនាយកដ្ឋានទំនាក់ទំនងអន្តរជាតិ វិទ្យាសាស្ត្រ និងបច្ចេកវិទ្យានៃក្រសួងធនធានទឹកចិន។ បើតាមលោក Yu ចិនមានបំណងចែករំលែកបទពិសោធគ្រប់គ្រងទឹករបស់ខ្លួនទៅកាន់ប្រទេស៥ផ្សេងទៀត ដើម្បីការអភិវឌ្ឍសង្គម និងសេដ្ឋកិច្ច។
ថ្លែងទៅកាន់អ្នកសារព័ត៌មានមកពីប្រទេសសមាជិកកិច្ចសហប្រតិបត្តិការឡានឆាង-មេគង្គ លោក Yu Xingjun និយាយថា ធនធានទឹក គឺជាចំណុចអាទិភាពដ៏សំខាន់មួយដែលបានដាក់ចូលក្នុងសេចក្ដីថ្លែងការណ៍សាន់យ៉ា ឆ្នាំ២០១៦ ក្រោយជំនួបមេដឹកនាំប្រទេស LMC លើកទីមួយ។ កិច្ចសហប្រតិបត្តិការលើវិស័យធនធានទឹកក្នុងចំណោមប្រទេសទាំង៦ ត្រូវបានបង្កើតជាបន្តបន្ទាប់ដូចជា ក្រុមការងាររួមនៃកិច្ចសហប្រតិបត្តិការធនធានទឹក និងមជ្ឈមណ្ឌលធនធានទឹកឡានឆាង-មេគង្គជាដើម។
មជ្ឈមណ្ឌលធនធានទឹកខាងលើនេះ បង្កើតឡើងក្នុងឆ្នាំ២០១៧ ដោយដើរតួនាទីអង្គភាពគាំទ្រក្រុមការងាររួម និងជាស្ពានភ្ជាប់កិច្ចសហប្រតិបត្តិការលើវិស័យទឹកក្នុងចំណោមប្រទេសទាំង៦ ។ ចាប់ពីកិច្ចសហប្រតិបត្តិការ LMC កកើតមក សមាជិកទាំងអស់បានសហការគ្នាយ៉ាងជិតស្និទ្ធ ហើយចិនហាក់លេចមុខមាត់ជាងគេក្នុងចំណោមប្រទេសទាំងអស់។ ចិនបានអញ្ជើញអ្នកជំនាញមកពីប្រទេស៥ផ្សេងទៀត ឲ្យទស្សនកិច្ចនៅចិន ដើម្បីស្វែងរកពីការគ្រប់គ្រងធនធានធម្មជាតិនេះ។
លើសពីនោះ ចិនក៏បានជួយដោះស្រាយបញ្ហាគ្រោះរាំងស្ងួតនៅតាមប្រទេសមេគង្គក្រោម ដោយបានបើកទ្វារទឹករបស់ខ្លួន ដើម្បីបញ្ជូនទឹកទៅកាន់តំបន់រងគ្រោះ។ ការផ្លាស់ប្ដូរព័ត៌មានឲ្យគ្នាទៅវិញទៅមកជុំវិញគ្រោះធម្មជាតិ និងការចែករំលែកបច្ចកវិទ្យា ត្រូវបានធ្វើឡើងជាបន្តបន្ទាប់ដែរ។ សម្រាប់ផែនការទៅមុខ លោក Yu ដែលជាប្រធានក្រុមការងាររួមភាគីចិនលើវិស័យធនធានទឹកបញ្ជាក់ថា ចិននឹងចែកបទពិសោធរបស់ខ្លួនថែមទៀត និងជួយដោះស្រាយបញ្ហាទាក់ទងនឹងទឹកដែលកើតឡើងក្នុងតំបន់។
ប្រទេសតាមដងទន្លេមេគង្គ ដែលចិនហៅថាឡានឆាង រងគ្រោះដោយគ្រោះធម្មជាតិជាច្រើនដូចជាទឹកជំនន់ គ្រោះរាំងស្ងួត ការខ្វះខាតទឹក ការបំពុលទឹក និងកង្វះហេដ្ឋារចនាសម្ព័ន្ធផ្លូវទឹកជាដើម។ ក្នុងន័យពង្រឹងកិច្ចសហប្រតិបត្តិការ LMC ចិននឹងរួមដៃជាមួយសមាជិក៥ទៀត ក៏ដូចជាយន្តការមានស្រាប់ដូចជាគណៈកម្មការទន្លេមេគង្គ (MRC) ដើម្បីផលប្រយោជន៍ប្រជាជនទាំងអស់៕
ទន្លេមេគង្គ គឺជារតនសម្បត្តិរួមនៃប្រទេសទាំង៦ ដែលមានទីតាំងតាមទន្លេនេះមានចិន មីយ៉ាន់ម៉ា ឡាវ ថៃ កម្ពុជា និងវៀតណាម។ នេះជាសម្ដីរបស់លោក Yu Xingjun អគ្គនាយកនៃនាយកដ្ឋានទំនាក់ទំនងអន្តរជាតិ វិទ្យាសាស្ត្រ និងបច្ចេកវិទ្យានៃក្រសួងធនធានទឹកចិន។ បើតាមលោក Yu ចិនមានបំណងចែករំលែកបទពិសោធគ្រប់គ្រងទឹករបស់ខ្លួនទៅកាន់ប្រទេស៥ផ្សេងទៀត ដើម្បីការអភិវឌ្ឍសង្គម និងសេដ្ឋកិច្ច។
ថ្លែងទៅកាន់អ្នកសារព័ត៌មានមកពីប្រទេសសមាជិកកិច្ចសហប្រតិបត្តិការឡានឆាង-មេគង្គ លោក Yu Xingjun និយាយថា ធនធានទឹក គឺជាចំណុចអាទិភាពដ៏សំខាន់មួយដែលបានដាក់ចូលក្នុងសេចក្ដីថ្លែងការណ៍សាន់យ៉ា ឆ្នាំ២០១៦ ក្រោយជំនួបមេដឹកនាំប្រទេស LMC លើកទីមួយ។ កិច្ចសហប្រតិបត្តិការលើវិស័យធនធានទឹកក្នុងចំណោមប្រទេសទាំង៦ ត្រូវបានបង្កើតជាបន្តបន្ទាប់ដូចជា ក្រុមការងាររួមនៃកិច្ចសហប្រតិបត្តិការធនធានទឹក និងមជ្ឈមណ្ឌលធនធានទឹកឡានឆាង-មេគង្គជាដើម។
មជ្ឈមណ្ឌលធនធានទឹកខាងលើនេះ បង្កើតឡើងក្នុងឆ្នាំ២០១៧ ដោយដើរតួនាទីអង្គភាពគាំទ្រក្រុមការងាររួម និងជាស្ពានភ្ជាប់កិច្ចសហប្រតិបត្តិការលើវិស័យទឹកក្នុងចំណោមប្រទេសទាំង៦ ។ ចាប់ពីកិច្ចសហប្រតិបត្តិការ LMC កកើតមក សមាជិកទាំងអស់បានសហការគ្នាយ៉ាងជិតស្និទ្ធ ហើយចិនហាក់លេចមុខមាត់ជាងគេក្នុងចំណោមប្រទេសទាំងអស់។ ចិនបានអញ្ជើញអ្នកជំនាញមកពីប្រទេស៥ផ្សេងទៀត ឲ្យទស្សនកិច្ចនៅចិន ដើម្បីស្វែងរកពីការគ្រប់គ្រងធនធានធម្មជាតិនេះ។
លើសពីនោះ ចិនក៏បានជួយដោះស្រាយបញ្ហាគ្រោះរាំងស្ងួតនៅតាមប្រទេសមេគង្គក្រោម ដោយបានបើកទ្វារទឹករបស់ខ្លួន ដើម្បីបញ្ជូនទឹកទៅកាន់តំបន់រងគ្រោះ។ ការផ្លាស់ប្ដូរព័ត៌មានឲ្យគ្នាទៅវិញទៅមកជុំវិញគ្រោះធម្មជាតិ និងការចែករំលែកបច្ចកវិទ្យា ត្រូវបានធ្វើឡើងជាបន្តបន្ទាប់ដែរ។ សម្រាប់ផែនការទៅមុខ លោក Yu ដែលជាប្រធានក្រុមការងាររួមភាគីចិនលើវិស័យធនធានទឹកបញ្ជាក់ថា ចិននឹងចែកបទពិសោធរបស់ខ្លួនថែមទៀត និងជួយដោះស្រាយបញ្ហាទាក់ទងនឹងទឹកដែលកើតឡើងក្នុងតំបន់។
ប្រទេសតាមដងទន្លេមេគង្គ ដែលចិនហៅថាឡានឆាង រងគ្រោះដោយគ្រោះធម្មជាតិជាច្រើនដូចជាទឹកជំនន់ គ្រោះរាំងស្ងួត ការខ្វះខាតទឹក ការបំពុលទឹក និងកង្វះហេដ្ឋារចនាសម្ព័ន្ធផ្លូវទឹកជាដើម។ ក្នុងន័យពង្រឹងកិច្ចសហប្រតិបត្តិការ LMC ចិននឹងរួមដៃជាមួយសមាជិក៥ទៀត ក៏ដូចជាយន្តការមានស្រាប់ដូចជាគណៈកម្មការទន្លេមេគង្គ (MRC) ដើម្បីផលប្រយោជន៍ប្រជាជនទាំងអស់៕
Tag:
ចិន
3thLMC
© រក្សាសិទ្ធិដោយ thmeythmey.com
