កីឡាអន្តរជាតិ
អន្តរជាតិ
លោក Jose Mourinho (ឆ្វេង)និងលោក Lee Johnson អ្នកចាត់ការក្រុម Bristol City ចាប់ដែគ្នាក្រោយចប់ការប្រកួត
×![]()
ដោយ: ទេព ពិទូរ្យ
លោក Jose Mourinho ថាក្រុម Bristol City មានសំណាងណាស់ដែលបានផ្តួល Manchester United ក្នុងការប្រកួតវគ្គ១/៤ផ្តាច់ព្រ័ត្រ ពានរង្វាន់ EFL Cup ឬ Carabao Cup ប៉ុន្តែលទ្ធផលនេះគឺល្អសម្រាប់បាល់ទាត់។
«ក្រុមមួយមកពីលីកក្រោមអាចយកឈ្នះយើងបាន វាជាថ្ងៃដ៏អស្ចារ្យសម្រាប់ពួកគេ»។ Mourinho បានប្រាប់ទូរទស្សន៍ Sky Sports ដូច្នេះ។
អ្នកចាត់ការសញ្ជាតិព័រទុយហ្គាល់ វ័យ៥៤ឆ្នាំបានបន្ថែមទៀតថា៖«ពួកគេមានឱកាសតិចតួច ប៉ុន្តែពួកគេ មានសំណាង។ ពួកគេរង់ចាំស្រង់គ្រាប់បាល់ពីយើង ហើយពួកគេពិតជាមានសំណាងមែន។ យ៉ាងណា ពួកគេលេងបានយ៉ាងល្អណាស់ ព្រោះពួកគេគិតថាការប្រកួតនេះគឺស្មើនឹងជីវិតរបស់ពួកគេ។ ដូច្នេះលទ្ធផលនេះពិតជាល្អសម្រាប់បាល់ទាត់»។
Korey Smith ជាអ្នករកគ្រាប់បាល់ជ័យជម្មះឲ្យក្រុមមកពីក្របខណ្ឌលីកទី២អង់គ្លេស Bristol City ក្រោយការវាយសម្រុកពី Manchester United យ៉ាងខ្លាំងខ្លាចាប់ពីតង់ទី២។ គ្រាប់បាល់ដំបូងធ្វើបានដោយ Joe Bryan នៅនាទី៥១ មុនពេល Zlatan Ibrahimovic តាមស្មើ ១-១ នៅនាទី៥៨។ ចប់ការប្រកួត ក្រុមរហស្សនាម The Robins ឈ្នះក្រុមបិសាចក្រហម ២-១ ឈានទៅវគ្គ៤ក្រុមចុងក្រោយ។
ចំណែកលទ្ធផលមួយគូទៀត Chelsea បានយកឈ្នះ AFC Bournemouth ២-១ ក្នុងការប្រកួត វគ្គ១/៤ ផ្តាច់ព្រ័ត្រពានរង្វាន់លំដាប់ទី៣នៅអង់គ្លេស ឬ Carabao Cup នៅរាត្រីថ្ងៃទី ២០ ខែធ្នូ នេះ។
ក្រុមទាំង៨បានប្រជែងគ្នារួចរាល់អស់ហើយ ដើម្បីរក៤ក្រុមសម្រាប់ប្រកួតនៅវគ្គពាក់កណ្តាលផ្តាច់ព្រ័ត្រ។ ក្រុមដែលអាចឈានទៅវគ្គបន្តរួមមាន Manchester City, Arsenal, Chelsea និង Bristol City។
ក្រោយការចាប់ឆ្នោតវគ្គ៤ក្រុមចុងក្រោយ Arsenal ត្រូវជួប Chelsea និង Manchester City និងត្រូវប៉ះ Bristol City ហើយទាំងគូនេះនឹងធ្វើការប្រកួតជើងទី១ នៅថ្ងៃទី៨ ខែមករា ឆ្នាំ២០១៨ និងជើងទី២ នៅថ្ងៃទី២២ ខែ ឆ្នាំ ដដែល៕
«ក្រុមមួយមកពីលីកក្រោមអាចយកឈ្នះយើងបាន វាជាថ្ងៃដ៏អស្ចារ្យសម្រាប់ពួកគេ»។ Mourinho បានប្រាប់ទូរទស្សន៍ Sky Sports ដូច្នេះ។
អ្នកចាត់ការសញ្ជាតិព័រទុយហ្គាល់ វ័យ៥៤ឆ្នាំបានបន្ថែមទៀតថា៖«ពួកគេមានឱកាសតិចតួច ប៉ុន្តែពួកគេ មានសំណាង។ ពួកគេរង់ចាំស្រង់គ្រាប់បាល់ពីយើង ហើយពួកគេពិតជាមានសំណាងមែន។ យ៉ាងណា ពួកគេលេងបានយ៉ាងល្អណាស់ ព្រោះពួកគេគិតថាការប្រកួតនេះគឺស្មើនឹងជីវិតរបស់ពួកគេ។ ដូច្នេះលទ្ធផលនេះពិតជាល្អសម្រាប់បាល់ទាត់»។
Korey Smith ជាអ្នករកគ្រាប់បាល់ជ័យជម្មះឲ្យក្រុមមកពីក្របខណ្ឌលីកទី២អង់គ្លេស Bristol City ក្រោយការវាយសម្រុកពី Manchester United យ៉ាងខ្លាំងខ្លាចាប់ពីតង់ទី២។ គ្រាប់បាល់ដំបូងធ្វើបានដោយ Joe Bryan នៅនាទី៥១ មុនពេល Zlatan Ibrahimovic តាមស្មើ ១-១ នៅនាទី៥៨។ ចប់ការប្រកួត ក្រុមរហស្សនាម The Robins ឈ្នះក្រុមបិសាចក្រហម ២-១ ឈានទៅវគ្គ៤ក្រុមចុងក្រោយ។
ចំណែកលទ្ធផលមួយគូទៀត Chelsea បានយកឈ្នះ AFC Bournemouth ២-១ ក្នុងការប្រកួត វគ្គ១/៤ ផ្តាច់ព្រ័ត្រពានរង្វាន់លំដាប់ទី៣នៅអង់គ្លេស ឬ Carabao Cup នៅរាត្រីថ្ងៃទី ២០ ខែធ្នូ នេះ។
ក្រុមទាំង៨បានប្រជែងគ្នារួចរាល់អស់ហើយ ដើម្បីរក៤ក្រុមសម្រាប់ប្រកួតនៅវគ្គពាក់កណ្តាលផ្តាច់ព្រ័ត្រ។ ក្រុមដែលអាចឈានទៅវគ្គបន្តរួមមាន Manchester City, Arsenal, Chelsea និង Bristol City។
ក្រោយការចាប់ឆ្នោតវគ្គ៤ក្រុមចុងក្រោយ Arsenal ត្រូវជួប Chelsea និង Manchester City និងត្រូវប៉ះ Bristol City ហើយទាំងគូនេះនឹងធ្វើការប្រកួតជើងទី១ នៅថ្ងៃទី៨ ខែមករា ឆ្នាំ២០១៨ និងជើងទី២ នៅថ្ងៃទី២២ ខែ ឆ្នាំ ដដែល៕
Tag:
បាល់ទាត់
Jose Mourinho
EFL Cup
Bristol City
© រក្សាសិទ្ធិដោយ thmeythmey.com
