កីឡាអន្តរជាតិ
អន្តរជាតិ
El Clasico រៀបចំលើកដំបូងបំផុតនៅ៧ល្ងាចដើម្បីទាក់ទាញអ្នកគាំទ្រអាស៊ីជាង៦៥០លាននាក់
អ្នកគាំទ្រនៅអាស៊ី អាចមើលជំនួបរវាង Ronaldo និង Messi យ៉ាងត្រជាក់ភ្នែក។ រូបថត AFP
×![]()
ដោយ: រួបរួម
ដើម្បីពង្រីកទីផ្សារបស់ខ្លួននៅអាស៊ី ដែលមានអ្នកគាំទ្រប្រមាណ៦៥០លាននាក់ ក្របខណ្ឌ La Liga របស់អេស្ប៉ាញ រៀបចំជំនួប El Clasico ជាលើកបំផុតនាវេលាម៉ោងថ្ងៃត្រង់ ហើយត្រូវនឹងក្បាលព្រលប់នៅតំបន់អាស៊ី។ នៅម៉ោង៧ល្ងាច [ម៉ោងនៅកម្ពុជា] Real Madrid ស្វាគមន៍ Barcelona ខណៈម្ចាស់ផ្ទះត្រូវការឈ្នះខ្លាំងបំផុត។
អ្នកគាំទ្រនៅអាស៊ីដែលមានប្រមាណជាង៦៥០លាននាក់ រង់ចាំយ៉ាងអន្ទះសាសម្រាប់ជំនួប El Clasico រវាង Real Madrid និង Barcelona ជាពិសេសការប៉ះគ្នារវាងកីឡាករឆ្នើមពិភពលោក Cristiano Ronaldo និង Lionel Messi។ បើតាមការលើកឡើងរបស់ AFP នេះមិនមែនជារឿងចៃដន្យនោះឡើយ ដែលក្របខណ្ឌ La Liga រៀបចំការប្រកួតនៅម៉ោងមាសក្នុងតំបន់អាស៊ី ពីព្រោះវាជាយុទ្ធសាស្ត្រវាយលុកទីផ្សារ។
Real Madrid បច្ចុប្បន្នស្ថិតនៅលេខ៤ ដោយមានពិន្ទុតិចជាង Barcelona រហូតដល់ទៅ១១ពិន្ទុ ដូច្នេះជ័យជម្នះពិតជាសារសំខាន់ខ្លាំងណាស់សម្រាប់ពួកគេក្នុងជំនួប El Clasico ដែលត្រូវបានចាត់ទុកជាការប៉ះគ្នាដ៏ធំបំផុតក្នុងពិភពលោកបាល់ទាត់។
Barcelona ស្ថិតនៅក្នុងតំបន់ Catalonia ដែលកំពុងប្រទាញប្រទង់ដោយការធ្វើប្រជាមតិ ចាត់ទុករឿងនយោបាយមួយឡែក ដោយពួកគេ បង្កើនគម្លាតនាំមុខគេលើកំពូលតារាង La Liga។
ម្ចាស់ផ្ទះ Real Madrid ក្រោមការដឹកនាំរបស់លោក Zinedine Zidane រំពឹងដាក់កីឡាករ Ronaldo ចាប់ដៃគូជាមួយ Karim Benzema និង Gareth Bale ជាលើកដំបូងក្នុងរដូវកាលនេះ ខណៈគ្រូបង្វឹក Barcelona លោក Ernesto Valverde បន្តជំនឿលើ Messi ហើយសង្ឃឹមថា ការប្រកួតនឹងដំណើរការទៅដោយរលូន៕
អ្នកគាំទ្រនៅអាស៊ីដែលមានប្រមាណជាង៦៥០លាននាក់ រង់ចាំយ៉ាងអន្ទះសាសម្រាប់ជំនួប El Clasico រវាង Real Madrid និង Barcelona ជាពិសេសការប៉ះគ្នារវាងកីឡាករឆ្នើមពិភពលោក Cristiano Ronaldo និង Lionel Messi។ បើតាមការលើកឡើងរបស់ AFP នេះមិនមែនជារឿងចៃដន្យនោះឡើយ ដែលក្របខណ្ឌ La Liga រៀបចំការប្រកួតនៅម៉ោងមាសក្នុងតំបន់អាស៊ី ពីព្រោះវាជាយុទ្ធសាស្ត្រវាយលុកទីផ្សារ។
Real Madrid បច្ចុប្បន្នស្ថិតនៅលេខ៤ ដោយមានពិន្ទុតិចជាង Barcelona រហូតដល់ទៅ១១ពិន្ទុ ដូច្នេះជ័យជម្នះពិតជាសារសំខាន់ខ្លាំងណាស់សម្រាប់ពួកគេក្នុងជំនួប El Clasico ដែលត្រូវបានចាត់ទុកជាការប៉ះគ្នាដ៏ធំបំផុតក្នុងពិភពលោកបាល់ទាត់។
Barcelona ស្ថិតនៅក្នុងតំបន់ Catalonia ដែលកំពុងប្រទាញប្រទង់ដោយការធ្វើប្រជាមតិ ចាត់ទុករឿងនយោបាយមួយឡែក ដោយពួកគេ បង្កើនគម្លាតនាំមុខគេលើកំពូលតារាង La Liga។
ម្ចាស់ផ្ទះ Real Madrid ក្រោមការដឹកនាំរបស់លោក Zinedine Zidane រំពឹងដាក់កីឡាករ Ronaldo ចាប់ដៃគូជាមួយ Karim Benzema និង Gareth Bale ជាលើកដំបូងក្នុងរដូវកាលនេះ ខណៈគ្រូបង្វឹក Barcelona លោក Ernesto Valverde បន្តជំនឿលើ Messi ហើយសង្ឃឹមថា ការប្រកួតនឹងដំណើរការទៅដោយរលូន៕
Tag:
បាល់ទាត់
Ronaldo
Messi
© រក្សាសិទ្ធិដោយ thmeythmey.com
