អន្តរជាតិ
មហាសន្និបាតអង្គការសហប្រជាជាតិស្នើមីយ៉ាន់ម៉ាបញ្ចប់ប្រតិបត្តិការហិង្សានៅឯរដ្ឋ Rakhine ដែលបណ្ដាលឲ្យជនភាគតិចរ៉ូហ៊ីងយ៉ារាប់សែននាក់រត់ភៀសខ្លួន។ រូបថត AFP
×![]()
ដោយ: តន ចាន់រិទ្ធារ៉ា
មហាសន្និបាតអង្គការសហប្រជាជាតិ នៅថ្ងៃទី២៤ ខែធ្នូ បានស្នើឲ្យរដ្ឋាភិបាលមីយ៉ាន់ម៉ាបញ្ចប់ប្រតិបត្តិការយោធាដ៏ហិង្សារបស់ខ្លួននៅឯរដ្ឋ Rakhine ដែលបណ្ដាលឲ្យជនភាគតិចរ៉ូហ៊ីងយ៉ារាប់សែននាក់រត់ភៀសខ្លួន។ សមាជិកអង្គការសហប្រជាជាតិភាគច្រើនបានគាំទ្រដំណោះស្រាយនេះ ប៉ុន្តែចិន និងរុស្ស៊ី បានចេញមុខប្រឆាំង ខណៈរដ្ឋសមាជិកអាស៊ានចំនួនប្រាំក៏បានបោះឆ្នោតជំទាស់ដែរ។
សមាជិកអង្គការសហប្រជាជាតិចំនួន១២២ បានបោះឆ្នោតគាំទ្រដំណោះស្រាយស្ដីពីវិបត្តិរ៉ូហ៊ីងយ៉ា ដែលស្នើឡើងដោយអង្គការកិច្ចសហប្រតិបត្តិការឥស្លាម។ ដំណោះស្រាយនេះបានអំពាវនាវឲ្យមីយ៉ាន់ម៉ាបញ្ចប់យុទ្ធនាការបង្ក្រាបលើក្រុមរ៉ូហ៊ីងយ៉ានៅរដ្ឋ Rakhine ដែលត្រូវរត់ជ្រកកោននៅឯបង់ក្លាដែស។ ប្រទេសចំនួន១០ បានបោះឆ្នោតប្រឆាំងដំណោះស្រាយនេះ ខណៈ២៤ប្រទេសទៀតបោះឆ្នោតអនុប្បវាទ។
ចិន និងរុស្ស៊ី ជាមហាអំណាចដែលបានជំទាស់ដំណោះស្រាយខាងលើនេះជាមួយនឹងបេឡារុស ស៊ីរី និងស៊ីមបាវ៉េ។ ដោយឡែករដ្ឋអាស៊ានចំនួនប្រាំមានកម្ពុជា ហ្វីលីពីន ឡាវ វៀតណាម និងមីយ៉ាន់ម៉ាផ្ទាល់ ក៏បានបោះឆ្នោតជំទាស់ដែរ។ សមាជិកសមាគមន៍ប្រជាជាតិអាស៊ីអាគ្នេយ៍ទាំងនេះបានប្រកាសជំហរអស់ហើយថា វិបត្តិរ៉ូហ៊ីងយ៉ា គឺជាបញ្ហាផ្ទៃក្នុងរបស់មីយ៉ាន់ម៉ា និងទុកឲ្យមីយ៉ាន់ម៉ាជាអ្នកដោះស្រាយដោយខ្លួនឯង។
បើតាមទីភ្នាក់ងារព័ត៌មាន AFP ដំណោះស្រាយដែលត្រូវបានគាំទ្រដោយសមាជិកលើសលប់នេះ បានទទូចឲ្យរដ្ឋាភិបាលក្រុងណៃពិដោបើកផ្លូវឲ្យក្រុមជួយសង្គ្រោះអាចចូលតំបន់រងគ្រោះដើម្បីចែកចាយជំនួយ ធានាពីការវិលត្រឡប់របស់ជនភៀសខ្លួនរ៉ូហ៊ីងយ៉ា និងផ្ដល់សិទ្ធិជាប្រជាជនស្របច្បាប់ឲ្យពួកគេផងដែរ។ ដំណោះស្រាយខាងលើបានស្នើឲ្យលោកអគ្គលេខាធិការ អាន់តូនីញ៉ូ ហ្គូតេរ៉េស តែងតាំងប្រេសិតពិសេសសម្រាប់មីយ៉ាន់ម៉ាផងដែរ។
សំណើតែងតាំងប្រេសិតពិសេសប្រចាំមីយ៉ាន់ម៉ា ធ្វើឡើងបន្ទាប់ពីរដ្ឋាភិបាលលោកស្រី អ៊ុងសាន ស៊ូជី បញ្ចប់កិច្ចសហប្រតិបត្តិការជាមួយអ្នករាយការណ៍សិទ្ធិមនុស្សប្រចាំមីយ៉ាន់ម៉ា Yanghee Lee និងបានហាមលោកស្រីចូលទឹកដីមីយ៉ាន់ម៉ាទៅទៀត។ គណៈកម្មាធិការថវិការបស់មហាសន្និបាតបានផ្ដល់ភ្លើងខៀវដល់ការបង្កើតតំណែងថ្មីនេះហើយ ដែលគេជឿថា អាចជួយដោះស្រាយវិបត្តិមនុស្សធម៌ដ៏អាក្រក់នេះ។
មកទល់ពេលនេះ ជនមូស្លីមរ៉ូហ៊ីងយ៉ាច្រើនជាង៦សែននាក់កំពុងស្នាក់នៅជំរំភៀសខ្លួននៅលើទឹកដីបង់ក្លាដែស ប៉ុន្តែស្ថានភាពរស់នៅរបស់ពួកគេមិនមានលក្ខណៈល្អប្រសើរឡើយ ខណៈដែលក្រុមមនុស្សធម៌ពិបាកបំពេញការងាររបស់ខ្លួនយ៉ាងខ្លាំង។ ដោយឡែកយោធាមីយា់ន់ម៉ាវិញនៅតែអះអាងពីភាពត្រឹមត្រូវនៃយុទ្ធនាការរបស់ខ្លួន ក្រោមហេតុផលបោសសម្អាតក្រុមឧទ្ទាមដែលវាយប្រហារលើមូលដ្ឋានយោធា៕
សមាជិកអង្គការសហប្រជាជាតិចំនួន១២២ បានបោះឆ្នោតគាំទ្រដំណោះស្រាយស្ដីពីវិបត្តិរ៉ូហ៊ីងយ៉ា ដែលស្នើឡើងដោយអង្គការកិច្ចសហប្រតិបត្តិការឥស្លាម។ ដំណោះស្រាយនេះបានអំពាវនាវឲ្យមីយ៉ាន់ម៉ាបញ្ចប់យុទ្ធនាការបង្ក្រាបលើក្រុមរ៉ូហ៊ីងយ៉ានៅរដ្ឋ Rakhine ដែលត្រូវរត់ជ្រកកោននៅឯបង់ក្លាដែស។ ប្រទេសចំនួន១០ បានបោះឆ្នោតប្រឆាំងដំណោះស្រាយនេះ ខណៈ២៤ប្រទេសទៀតបោះឆ្នោតអនុប្បវាទ។
ចិន និងរុស្ស៊ី ជាមហាអំណាចដែលបានជំទាស់ដំណោះស្រាយខាងលើនេះជាមួយនឹងបេឡារុស ស៊ីរី និងស៊ីមបាវ៉េ។ ដោយឡែករដ្ឋអាស៊ានចំនួនប្រាំមានកម្ពុជា ហ្វីលីពីន ឡាវ វៀតណាម និងមីយ៉ាន់ម៉ាផ្ទាល់ ក៏បានបោះឆ្នោតជំទាស់ដែរ។ សមាជិកសមាគមន៍ប្រជាជាតិអាស៊ីអាគ្នេយ៍ទាំងនេះបានប្រកាសជំហរអស់ហើយថា វិបត្តិរ៉ូហ៊ីងយ៉ា គឺជាបញ្ហាផ្ទៃក្នុងរបស់មីយ៉ាន់ម៉ា និងទុកឲ្យមីយ៉ាន់ម៉ាជាអ្នកដោះស្រាយដោយខ្លួនឯង។
បើតាមទីភ្នាក់ងារព័ត៌មាន AFP ដំណោះស្រាយដែលត្រូវបានគាំទ្រដោយសមាជិកលើសលប់នេះ បានទទូចឲ្យរដ្ឋាភិបាលក្រុងណៃពិដោបើកផ្លូវឲ្យក្រុមជួយសង្គ្រោះអាចចូលតំបន់រងគ្រោះដើម្បីចែកចាយជំនួយ ធានាពីការវិលត្រឡប់របស់ជនភៀសខ្លួនរ៉ូហ៊ីងយ៉ា និងផ្ដល់សិទ្ធិជាប្រជាជនស្របច្បាប់ឲ្យពួកគេផងដែរ។ ដំណោះស្រាយខាងលើបានស្នើឲ្យលោកអគ្គលេខាធិការ អាន់តូនីញ៉ូ ហ្គូតេរ៉េស តែងតាំងប្រេសិតពិសេសសម្រាប់មីយ៉ាន់ម៉ាផងដែរ។
សំណើតែងតាំងប្រេសិតពិសេសប្រចាំមីយ៉ាន់ម៉ា ធ្វើឡើងបន្ទាប់ពីរដ្ឋាភិបាលលោកស្រី អ៊ុងសាន ស៊ូជី បញ្ចប់កិច្ចសហប្រតិបត្តិការជាមួយអ្នករាយការណ៍សិទ្ធិមនុស្សប្រចាំមីយ៉ាន់ម៉ា Yanghee Lee និងបានហាមលោកស្រីចូលទឹកដីមីយ៉ាន់ម៉ាទៅទៀត។ គណៈកម្មាធិការថវិការបស់មហាសន្និបាតបានផ្ដល់ភ្លើងខៀវដល់ការបង្កើតតំណែងថ្មីនេះហើយ ដែលគេជឿថា អាចជួយដោះស្រាយវិបត្តិមនុស្សធម៌ដ៏អាក្រក់នេះ។
មកទល់ពេលនេះ ជនមូស្លីមរ៉ូហ៊ីងយ៉ាច្រើនជាង៦សែននាក់កំពុងស្នាក់នៅជំរំភៀសខ្លួននៅលើទឹកដីបង់ក្លាដែស ប៉ុន្តែស្ថានភាពរស់នៅរបស់ពួកគេមិនមានលក្ខណៈល្អប្រសើរឡើយ ខណៈដែលក្រុមមនុស្សធម៌ពិបាកបំពេញការងាររបស់ខ្លួនយ៉ាងខ្លាំង។ ដោយឡែកយោធាមីយា់ន់ម៉ាវិញនៅតែអះអាងពីភាពត្រឹមត្រូវនៃយុទ្ធនាការរបស់ខ្លួន ក្រោមហេតុផលបោសសម្អាតក្រុមឧទ្ទាមដែលវាយប្រហារលើមូលដ្ឋានយោធា៕
Tag:
ចិន
រុស្ស៊ី
មីយ៉ាន់ម៉ា
រ៉ូហ៊ីងយ៉ា
© រក្សាសិទ្ធិដោយ thmeythmey.com
