អន្តរជាតិ
×![]()
ដោយ: តន ចាន់រិទ្ធារ៉ា
ជប៉ុនកំពុងពិចារណាទិញយន្តហោះចម្បាំងប្រភេទថ្មី ដែលអាចចុះចតលើនាវាដឹកឧទ្ធម្ភាគចក្រ ឬក៏ត្រូវបានការផ្លូវរត់ខ្លី។ យន្តហោះចម្បាំងអាមេរិក F-35B ស្ថិតក្នុងក្រសែភ្នែករបស់ជប៉ុន ដែលចង់បានយន្តហោះថ្មីមានសមត្ថភាពខ្ពស់ដើម្បីទប់ទល់សកម្មភាពរបស់ចិន និងទុកការពារដែនកោះរបស់ខ្លួនផង។ យន្តហោះ F-35B សក្តិសមស្ថានភាពកាពារជាតិរបស់ជប៉ុន ដែលរដ្ឋធម្មនុញ្ញសន្តិភាពនិយមហាមទិញនាវាដឹកយន្តហោះ។
ប្រភពរដ្ឋាភិបាលជប៉ុន នៅថ្ងៃទី២៤ ខែធ្នូ និយាយថា យន្តហោះចម្បាំង F-35B ផលិតដោយក្រុមហ៊ុនអាមេរិក Lockheed Martin Corp ពិតជាមានប្រយោជន៍ខ្លាំងដើម្បីទប់ទល់សកម្មភាពផ្លូវសមុទ្ររបស់ចិន។ មានប្រយោជន៍ត្រង់ថា យន្តហោះចម្បាំងធុននេះ មានសមត្ថភាពពិសេសអាចហោះឡើងត្រង់ឡើងលើ និងមិនត្រូវការផ្លូវរត់វែង។ ការណ៍នេះពិតជាអាចជួយការពារទឹកដីនៅចុងខាងត្បូងបំផុត ដែលមានជម្លោះជាមួយចិន។ នេះបើតាមការផ្សាយរបស់សារព័ត៌មាន Japan Times ។
យ៉ាងណាមិញ ជំហររបស់រដ្ឋាភិបាលជប៉ុន អាចបង្កើតជាការមិនពេញចិត្តពីសំណាក់អ្នកជិតខាងរបស់ជប៉ុនផ្ទាល់មានចិន និងកូរ៉េខាងត្បូងជាដើម ហើយក៏ខុសពីច្បាប់កំពូលរបស់ជប៉ុនដែរ។ ប៉ុន្តែរដ្ឋាភិបាលនាយករដ្ឋមន្ត្រី ស៊ិនហ្សូ អាបេ បានប្រឹងប្រែងកែប្រែច្បាប់ធម្មនុញ្ញសន្តិភាពនេះជាច្រើន សំដៅផ្លាស់ប្ដូរប្រតិបត្តិការរបស់កងស្វ័យការពារជប៉ុន ដែលមានសិទ្ធិត្រឹមការពារខ្លួន តែមិនអាចវាយប្រហារគេមុនបានឡើយ។
ប្រជុំកោះ Senkaku ដែលស្ថិតនៅតំបន់សមុទ្រចិនខាងកើត ជាតំបន់ប្រទាញប្រទង់រវាងក្រុងតូក្យូ និងក្រុងប៉េកាំង ខណៈនាវាចម្បាំងចិនតែងធ្វើដំណើរចូលកៀកប្រជុំកោះនេះជាញឹកញយ។ ប៉ុន្តែស្ថានភាពនៅតំបន់នោះមិនមានលក្ខណៈអំណោយផលសម្រាប់យន្តហោះធម្មតាឡើយ ព្រោះផ្លូវរត់ខ្លីពេក។ ជាក់ស្ដែង ព្រលានយន្តហោះលើកោះ Yonaguni ដែលនៅកៀកកោះ Senkaku មានផ្លូវឡើងចុះខ្លី ដែលយន្តហោះចម្បាំងធម្មតាមិនអាចធ្វើប្រតិបត្តិការបាន។
ដោយសារលក្ខណៈមិនអំណោយផលបែបនេះ ក្រុងតូក្យូបានសំឡឹងឃើញយន្តហោះ F-35B ដែលអាចសម្របខ្លួនគ្រប់លក្ខខណ្ឌ និងប្រើប្រាស់ដើម្បីប្រតិបត្តិការស៊ើបការណ៍នៅតំបន់កោះ Senkaku បាន។ ម្យ៉ាងទៀត យន្តហោះចម្បាំងធុន F-35B ក៏អាចចុះចតលើនាវា Izumo ដែលជានាវាធំជាងគេរបស់ជប៉ុន ប៉ុន្តែត្រូវកែប្រែផ្នែកខ្លះ។ ក្រោយការកែប្រែ នាវា Izumo នឹងក្លាយជានាវាដឹកយន្តហោះខ្នាតតូច។
តាមពិតទៅ យោធាជប៉ុនមានយន្តហោះចម្បាំងច្រើនប្រភេទ និងស៊េរីទំនើបៗរួចហើយដែរតួយ៉ាង យន្តហោះ F-35A ជាដើម ដែលតាមផែនការជប៉ុនចង់ទិញ F-35A ចំនួន៤២គ្រឿងឯណោះ។ ប៉ុន្តែក្រសួងការពារជាតិចង់ទិញយន្តហោះ F-35 វិញ ព្រោះមានសមត្ថភាពល្អ។ ខុសពី F-35B យន្តហោះ F-35A ត្រូវការផ្លូវរត់ឆ្ងាយ ដែលនេះជាបញ្ហាសម្រាប់ផែនការពង្រឹងសមត្ថភាពការពារខ្លួនរបស់ជប៉ុន ដែលប្រឈមមុខគូប្រជែងមានអានុភាពយោធាខ្លាំង៕
ប្រភពរដ្ឋាភិបាលជប៉ុន នៅថ្ងៃទី២៤ ខែធ្នូ និយាយថា យន្តហោះចម្បាំង F-35B ផលិតដោយក្រុមហ៊ុនអាមេរិក Lockheed Martin Corp ពិតជាមានប្រយោជន៍ខ្លាំងដើម្បីទប់ទល់សកម្មភាពផ្លូវសមុទ្ររបស់ចិន។ មានប្រយោជន៍ត្រង់ថា យន្តហោះចម្បាំងធុននេះ មានសមត្ថភាពពិសេសអាចហោះឡើងត្រង់ឡើងលើ និងមិនត្រូវការផ្លូវរត់វែង។ ការណ៍នេះពិតជាអាចជួយការពារទឹកដីនៅចុងខាងត្បូងបំផុត ដែលមានជម្លោះជាមួយចិន។ នេះបើតាមការផ្សាយរបស់សារព័ត៌មាន Japan Times ។
យ៉ាងណាមិញ ជំហររបស់រដ្ឋាភិបាលជប៉ុន អាចបង្កើតជាការមិនពេញចិត្តពីសំណាក់អ្នកជិតខាងរបស់ជប៉ុនផ្ទាល់មានចិន និងកូរ៉េខាងត្បូងជាដើម ហើយក៏ខុសពីច្បាប់កំពូលរបស់ជប៉ុនដែរ។ ប៉ុន្តែរដ្ឋាភិបាលនាយករដ្ឋមន្ត្រី ស៊ិនហ្សូ អាបេ បានប្រឹងប្រែងកែប្រែច្បាប់ធម្មនុញ្ញសន្តិភាពនេះជាច្រើន សំដៅផ្លាស់ប្ដូរប្រតិបត្តិការរបស់កងស្វ័យការពារជប៉ុន ដែលមានសិទ្ធិត្រឹមការពារខ្លួន តែមិនអាចវាយប្រហារគេមុនបានឡើយ។
ប្រជុំកោះ Senkaku ដែលស្ថិតនៅតំបន់សមុទ្រចិនខាងកើត ជាតំបន់ប្រទាញប្រទង់រវាងក្រុងតូក្យូ និងក្រុងប៉េកាំង ខណៈនាវាចម្បាំងចិនតែងធ្វើដំណើរចូលកៀកប្រជុំកោះនេះជាញឹកញយ។ ប៉ុន្តែស្ថានភាពនៅតំបន់នោះមិនមានលក្ខណៈអំណោយផលសម្រាប់យន្តហោះធម្មតាឡើយ ព្រោះផ្លូវរត់ខ្លីពេក។ ជាក់ស្ដែង ព្រលានយន្តហោះលើកោះ Yonaguni ដែលនៅកៀកកោះ Senkaku មានផ្លូវឡើងចុះខ្លី ដែលយន្តហោះចម្បាំងធម្មតាមិនអាចធ្វើប្រតិបត្តិការបាន។
ដោយសារលក្ខណៈមិនអំណោយផលបែបនេះ ក្រុងតូក្យូបានសំឡឹងឃើញយន្តហោះ F-35B ដែលអាចសម្របខ្លួនគ្រប់លក្ខខណ្ឌ និងប្រើប្រាស់ដើម្បីប្រតិបត្តិការស៊ើបការណ៍នៅតំបន់កោះ Senkaku បាន។ ម្យ៉ាងទៀត យន្តហោះចម្បាំងធុន F-35B ក៏អាចចុះចតលើនាវា Izumo ដែលជានាវាធំជាងគេរបស់ជប៉ុន ប៉ុន្តែត្រូវកែប្រែផ្នែកខ្លះ។ ក្រោយការកែប្រែ នាវា Izumo នឹងក្លាយជានាវាដឹកយន្តហោះខ្នាតតូច។
តាមពិតទៅ យោធាជប៉ុនមានយន្តហោះចម្បាំងច្រើនប្រភេទ និងស៊េរីទំនើបៗរួចហើយដែរតួយ៉ាង យន្តហោះ F-35A ជាដើម ដែលតាមផែនការជប៉ុនចង់ទិញ F-35A ចំនួន៤២គ្រឿងឯណោះ។ ប៉ុន្តែក្រសួងការពារជាតិចង់ទិញយន្តហោះ F-35 វិញ ព្រោះមានសមត្ថភាពល្អ។ ខុសពី F-35B យន្តហោះ F-35A ត្រូវការផ្លូវរត់ឆ្ងាយ ដែលនេះជាបញ្ហាសម្រាប់ផែនការពង្រឹងសមត្ថភាពការពារខ្លួនរបស់ជប៉ុន ដែលប្រឈមមុខគូប្រជែងមានអានុភាពយោធាខ្លាំង៕
Tag:
ជប៉ុន
ចិន
ស៊ិនហ្សូ អាបេ
© រក្សាសិទ្ធិដោយ thmeythmey.com
