៣ឆ្នាំ៖ អ្នកកាសែតថ្មីៗ ២៥នាក់ចេញយកព័ត៌មាន៥២លើកក្នុងប្រទេសចំនួន១៦

ជាតិ

៣ឆ្នាំ៖ អ្នកកាសែតថ្មីៗ ២៥នាក់ចេញយកព័ត៌មាន៥២លើកក្នុងប្រទេសចំនួន១៦

28, Dec 2017 , 10:48 am

រូបភាព

ដោយ: ថ្មីៗ

គ្រាន់តែនៅក្នុងឆ្នាំ២០១៧ អ្នកកាសែតថ្មីៗ៩នាក់ បានចេញយកព័ត៌មាន២១លើកក្នុងប្រទេសចំនួន១១។ សារព័ត៌មានថ្មីៗបានទទួលការចាប់អារម្មណ៍កាន់តែខ្លាំងនៅក្នុងឆ្នាំ២០១៧ ពីបណ្តាស្ថានទូត អង្គការអន្តរជាតិ និងក្រុមហ៊ុនធំៗ ដែលបានអញ្ជើញអ្នកកាសែតអាជីពនៃអង្គភាពនេះ ទៅយកព័ត៌មាននៅបរទេស។ ក្នុងឆ្នាំ២០១៦ អ្នកកាសែតនៃសារព័ត៌មានថ្មីៗ ៦នាក់ត្រូវបានអញ្ជើញឲ្យចូលរួមយកព័ត៌មាន១៣លើក នៅក្នុងប្រទេសចំនួន៦។ ចំណែកឯក្នុង២០១៥ អ្នកកាសែត១០នាក់របស់ថ្មីៗ ក៏បានចេញយកព័ត៌មាន និងបានចូលរួមវគ្គបណ្តុះបណ្តាលចំនួន១៨លើកនៅក្នុងប្រទេសចំនួន៩ ផងដែរ។

គណៈគ្រប់គ្រងនៃសារព័ត៌មានថ្មីៗ មានមោទកភាពជាពន់ពេកដែលអង្គភាពព័ត៌មាននេះនៅបន្តទទួលបានការផ្តល់តម្លៃពីបណ្តាស្ថានទូត អង្គការអន្តរជាតិ និងក្រុមហ៊ុនធំៗ ចំពោះការងារដ៏មានវិជ្ជាជីវៈរបស់ខ្លួន។ មិនថាតែការអញ្ជើញឲ្យចូលរួមយកព័ត៌មាន ចូលរួមក្នុងវគ្គបណ្តុះបណ្តាលវិក្រឹតការនៅបរទេសតែប៉ុណ្ណោះទេ ស្ថាប័នអន្តរជាតិទាំងនោះក៏មិនបានភ្លេចអ្នកកាសែតថ្មីៗ ក្នុងបេសកកម្មចុះយកព័ត៌មាននៅក្នុងប្រទេសនោះដែរ។
ការផ្តល់តម្លៃ ការលើកទឹកចិត្តរបស់ស្ថានទូត អង្គការអន្តរជាតិ និងក្រុមហ៊ុនឯកជនធំៗដល់អ្នកកាសែតអាជីពវ័យក្មេងរបស់អង្គភាពថ្មីៗ គឺជាកាយវិការបង្ហាញការគាំទ្រ និងលើកស្ទួយវិស័យសារព័ត៌មាន និងសេរីភាពសារព័ត៌មាននៅកម្ពុជា។

ខាងក្រោមនេះ គឺជារូបភាពនៃអ្នកកាសែតថ្មីៗរបស់យើងក្នុងបេសកកម្មក្រៅប្រទេស៖

១- កញ្ញា ខន ចំប៉ា ត្រូវបានជ្រើសរើសដោយស្ថានទូតអាមេរិកប្រចាំកម្ពុជាឲ្យចូលរួមក្នុងកម្មវិធីអ្នកកាសែតអាស៊ានដោយត្រូវធ្វើដំណើរទៅកាន់បីប្រទេស៖

-ទស្សនកិច្ចនៅASIA-PACIFIC CENTER FOR SECURITY STUDIES នៅរដ្ឋហាវ៉ៃសហរដ្ឋអាមេរិក

-ជំនួបពិភាក្សាអំពីបញ្ហាឧបទ្វីបកូរ៉េជាមួយអ្នកកាសែតជប៉ុន នៅAmerican Center Japan នៅទីក្រុងតូក្យូ ប្រទេសជប៉ុន

- ទស្សនកិច្ចនៅតំបន់គ្មានកងទ័ព(DMZ) នៅព្រំដែននៃប្រទេសកូរ៉េទាំងពីរ

២- លោក រំដួល ចិត្រា ត្រូវបានអញ្ជើញឲ្យចូលរួមក្នុងកម្មវិធីពង្រឹងទីផ្សារទេសចរណ៍ CLMV (Cambodia-Laos-Myanmar-Vietnam) នៅក្នុងប្រទេសថៃ

៣- លោក អ៊ឹង ចំរើន មានបេសកកម្មទៅកាន់ប្រទេសចំនួន៣ គឺ

- រាយការណ៍ព័ត៌មានក្នុងព្រឹត្តិការណ៍កីឡាស៊ីហ្គេមលើកទី២៩ពីទីក្រុងកូឡាឡាំពួរ ប្រទេសម៉ាឡេស៊ី ឧបត្ថម្ភដោយគណៈកម្មាធិការជាតិអូឡាំពិកកម្ពុជា

- វេទិកាយុវជនអាស៊ី-អាហ្វ្រិកលើកទី២ ក្នុងទីក្រុងប៉េកាំង និងខេត្តសានស៊ី

- កម្មវិធីស្វែងយល់របស់អ្នកកាសែតស្តីពីកម្មសិទ្ធិបញ្ញានៅប្រទេសសិង្ហបុរី ដែលរៀបចំដោយអង្គការ WIPO

៤- លោក ញ៉ុង ហេង បានចូលរួមក្នុងកម្មវិធី Asean Media Bloggers Tourism Hunt ក្នុងប្រទេសម៉ាឡេស៊ី ដែលរៀបចំដោយ Tourism Malaysia

៥- លោក សៅ ផលនិស្ស័យ បានចូលរួមព្រឹត្តិការណ៍អន្តរជាតិចំនួន៥ នៅក្នុងប្រទេសចំនួន៤៖

-ចូលរួមកិច្ចប្រជុំកំពូលកិច្ចសហប្រតិបត្តិការប្រព័ន្ធផ្សព្វផ្សាយមេគង្គ-ឡានឆាងនៅក្រុងប៉េកាំង រៀបចំដោយសារព័ត៌មានចិន People’s Daily

-ចូលរួមកិច្ចប្រជុំកំពូលកិច្ចសហប្រតិបត្តិការសារព័ត៌មានខ្សែក្រវាត់មួយវិថីមួយនៅក្រុង Dunhuang ប្រទេសចិន

-ចូលរួមកម្មវិធីយកព័ត៌មានតំបន់អាស៊ាន (Reporting ASEAN) នៅទីក្រុងបាងកក ប្រទេសថៃ រៀបចំដោយ Asean foundation និង Probe Media Foundation

-ចូលរួមយកព័ត៌មានក្នុងសន្និសីទអង្គការសហប្រជាជាតិស្តីពីការប្រែប្រួលអាកាសធាតុលើកទី២៣ នៅក្រុង Bonn ប្រទេសអាល្លឺម៉ង់ ឧបត្ថម្ភដោយ Earth Journalism Network

-ចូលរួមវគ្គបណ្តុះបណ្តាលអ្នកសារព័ត៌មានវ័យក្មេងនៅអាស៊ានផ្តោតលើការប្រែប្រួលអាកាសធាតុនៅក្រុងម៉ានីល ប្រទេសហ្វីលីពីន ឧបត្ថម្ភដោយ Climate Tracker

៦- លោក តន ចាន់រិទ្ធារ៉ា បានចូលរួមក្នុងព្រឹត្តិការណ៍អន្តរជាតិចំនួន៣នៅក្នុងប្រទេសចំនួន២៖

-ចូលរួមសន្និសីទសារព័ត៌មាន Korea Press Foundation នៅកូរ៉េខាងត្បូង

-ចូលរួមយកព័ត៌មានពីមហាសន្និបាតលើកទី១៩ បក្សកុម្មុយនីស្តចិន

-ចូលរួមកម្មវិធី Lancang-Mekong Cooperation Media Summit ២០១៧

៧- លោក គី សុខលីម បានចូលរួមក្នុងកម្មវិធី Asean Information and Media dialogue នៅទីក្រុងហ្សាការតា ប្រទេសឥណ្ឌូណេស៊ី ដែលរៀបចំដោយលេខាធិការដ្ឋានអាស៊ាន

៨- លោក លាង ដឺលុច បានចូលរួមក្នុងព្រឹត្តិការណ៍អន្តរជាតិចំនួន៣ នៅក្នុងប្រទេសចំនួន៣៖

-ចូលរួមយកព័ត៌មានក្នុងសិក្ខាសាលាអន្តរជាតិស្តីពី ទឹក និងសន្តិភាព នៅក្នុងទីក្រុងហ្សឺណែវប្រទេសស្វីស រៀបចំដោយរដ្ឋាភិបាលស្វីស