អន្តរជាតិ
×![]()
ដោយ: តន ចាន់រិទ្ធារ៉ា
យោធាកូរ៉េខាងត្បូង បានចាប់ផ្ដើមធ្វើសមយុទ្ធជើងទឹកក្បែរប្រជុំកោះ Dokdo នៅសមុទ្រជប៉ុន។ ប្រជុំកោះនេះ ស្ថិតក្រោមការគ្រប់គ្រងរបស់កូរ៉េខាងត្បូង តែជាតំបន់ប្រទាញប្រទង់ ព្រោះជប៉ុនក៏ទាមទារកម្មសិទ្ធិជាម្ចាស់ដែរ ដោយបានដាក់ឈ្មោះប្រជុំកោះនេះថា Takeshima ។ ច្បាស់ណាស់ថា សមយុទ្ធរបស់ក្រុងសេអ៊ូលពិតជាបង្កការក្ដៅក្រហាយដល់ក្រុងតូក្យូមិនខាន។
កងទ័ពជើងទឹកកូរ៉េខាងត្បូងបានចាប់ផ្ដើមធ្វើសមយុទ្ធនៅថ្ងៃទី២៨ ខែធ្នូ នៅតំបន់សមុទ្រជិតប្រជុំកោះមានជម្លោះ Dokdo ។ សមយុទ្ធរយៈពេលពីរថ្ងៃនេះ មានគោលដៅការពារកោះពីការឈ្លានពានរបស់កម្លាំងបរទេសដោយមានការចូលរួមពីកម្លាំងនានាដូចជាប៉ូលិស កងឆ្មាំការពារឆ្នេរ ទ័ពអាកាស និងកងទ័ពម៉ារីនផង។
បើតាមការផ្សាយរបស់ទីភ្នាក់ងារព័ត៌មានកូរ៉េខាងត្បូង Yonhap នាវាចម្បាំងចំនួនប្រាំគ្រឿងរាប់ទាំងនាវាពិឃាតផង យន្តហោះចម្បាំង យន្តហោះល្បាត និងឧទ្ធម្ភាគចក្រជាច្រើនគ្រឿងបានបង្ហាញមុខក្នុងសមយុទ្ធ។ នេះជាលើកទីពីរដែលកូរ៉េខាងត្បូងធ្វើសមយុទ្ធរបៀបការពារនេះ ចាប់តាំងពីលោក មូន ចេអ៊ីន ក្លាយជាប្រធានាធិបតីក្នុងការបោះឆ្នោតខែឧសភាមក ខណៈសមយុទ្ធលើកទីមួយធ្វើឡើងកាលពីខែមិថុនាកន្លងទៅ។
ដូចសព្វមួយដងនោះ ក្រុងតូក្យូប្រាកដជាតវ៉ានឹងសមយុទ្ធនេះមិនខាន ប៉ុន្តែយោធាកូរ៉េខាងត្បូងបកស្រាយថា សមយុទ្ធនេះគ្មានគោលដៅផ្សេងទេ ព្រោះជាគម្រោងរៀបចំទុកមុន។ ជាយូរមកហើយ ក្រុងតូក្យូបានទាមទារប្រជុំកោះ Dokdo ដែលស្ថិតនៅក្នុងសមុទ្រចន្លោះកូរ៉េខាងត្បូង និងជប៉ុន ជាផ្នែកមួយនៃទឹកដីរបស់ខ្លួន។
ជម្លោះលើប្រជុំកោះសម្បូរថ្មនេះ បង្កជាជម្លោះការទូតយ៉ាងខ្លាំងរវាងអ្នកជិតខាងទាំងពីរ បន្ថែមពីលើបញ្ហាប្រវត្តិសាស្ត្រជាច្រើនមកហើយនោះ។ ក្រៅពីជម្លោះទឹកដីនេះ កូរ៉េខាងត្បូង និងជប៉ុននៅមានបញ្ហាមួយទៀតដែលមិនទាន់ដាច់ស្រេច គឺសំណុំរឿងស្ត្រីបម្រើផ្លូវភេទសម័យសង្គ្រាម ខណៈដែលក្រុងសេអ៊ូលកំពុងមិនសប្បាយចិត្តនឹងកិច្ចព្រមព្រៀងឆ្នាំ២០១៥ ។ សមយុទ្ធលើកនេះ អាចជាការចាក់សាំងលើភ្លើងដែលកំពុងឆេះស្រាប់ក៏ថាបាន។
សូមបញ្ជាក់ថា ប្រជុំកោះ Dokdo នេះ ស្ថិតក្រោមការគ្រប់គ្រងរបស់កូរ៉េ ក្រោយសង្គ្រាមលោកលើកទីពីរត្រូវបានបញ្ចប់ ដែលជប៉ុនបានប្រកាសចុះចាញ់បន្ទាប់ពីអាមេរិកទម្លាក់គ្រាប់បរមាណូពីរគ្រាប់។ ជប៉ុនបានត្រួតត្រាកោះនេះអំឡុងពេលដែលទាហានជប៉ុនដាក់អាណានិគមលើឧបទ្វីបកូរ៉េចន្លោះឆ្នាំ១៩១០-១៩៤៥ ៕
កងទ័ពជើងទឹកកូរ៉េខាងត្បូងបានចាប់ផ្ដើមធ្វើសមយុទ្ធនៅថ្ងៃទី២៨ ខែធ្នូ នៅតំបន់សមុទ្រជិតប្រជុំកោះមានជម្លោះ Dokdo ។ សមយុទ្ធរយៈពេលពីរថ្ងៃនេះ មានគោលដៅការពារកោះពីការឈ្លានពានរបស់កម្លាំងបរទេសដោយមានការចូលរួមពីកម្លាំងនានាដូចជាប៉ូលិស កងឆ្មាំការពារឆ្នេរ ទ័ពអាកាស និងកងទ័ពម៉ារីនផង។
បើតាមការផ្សាយរបស់ទីភ្នាក់ងារព័ត៌មានកូរ៉េខាងត្បូង Yonhap នាវាចម្បាំងចំនួនប្រាំគ្រឿងរាប់ទាំងនាវាពិឃាតផង យន្តហោះចម្បាំង យន្តហោះល្បាត និងឧទ្ធម្ភាគចក្រជាច្រើនគ្រឿងបានបង្ហាញមុខក្នុងសមយុទ្ធ។ នេះជាលើកទីពីរដែលកូរ៉េខាងត្បូងធ្វើសមយុទ្ធរបៀបការពារនេះ ចាប់តាំងពីលោក មូន ចេអ៊ីន ក្លាយជាប្រធានាធិបតីក្នុងការបោះឆ្នោតខែឧសភាមក ខណៈសមយុទ្ធលើកទីមួយធ្វើឡើងកាលពីខែមិថុនាកន្លងទៅ។
ដូចសព្វមួយដងនោះ ក្រុងតូក្យូប្រាកដជាតវ៉ានឹងសមយុទ្ធនេះមិនខាន ប៉ុន្តែយោធាកូរ៉េខាងត្បូងបកស្រាយថា សមយុទ្ធនេះគ្មានគោលដៅផ្សេងទេ ព្រោះជាគម្រោងរៀបចំទុកមុន។ ជាយូរមកហើយ ក្រុងតូក្យូបានទាមទារប្រជុំកោះ Dokdo ដែលស្ថិតនៅក្នុងសមុទ្រចន្លោះកូរ៉េខាងត្បូង និងជប៉ុន ជាផ្នែកមួយនៃទឹកដីរបស់ខ្លួន។
ជម្លោះលើប្រជុំកោះសម្បូរថ្មនេះ បង្កជាជម្លោះការទូតយ៉ាងខ្លាំងរវាងអ្នកជិតខាងទាំងពីរ បន្ថែមពីលើបញ្ហាប្រវត្តិសាស្ត្រជាច្រើនមកហើយនោះ។ ក្រៅពីជម្លោះទឹកដីនេះ កូរ៉េខាងត្បូង និងជប៉ុននៅមានបញ្ហាមួយទៀតដែលមិនទាន់ដាច់ស្រេច គឺសំណុំរឿងស្ត្រីបម្រើផ្លូវភេទសម័យសង្គ្រាម ខណៈដែលក្រុងសេអ៊ូលកំពុងមិនសប្បាយចិត្តនឹងកិច្ចព្រមព្រៀងឆ្នាំ២០១៥ ។ សមយុទ្ធលើកនេះ អាចជាការចាក់សាំងលើភ្លើងដែលកំពុងឆេះស្រាប់ក៏ថាបាន។
សូមបញ្ជាក់ថា ប្រជុំកោះ Dokdo នេះ ស្ថិតក្រោមការគ្រប់គ្រងរបស់កូរ៉េ ក្រោយសង្គ្រាមលោកលើកទីពីរត្រូវបានបញ្ចប់ ដែលជប៉ុនបានប្រកាសចុះចាញ់បន្ទាប់ពីអាមេរិកទម្លាក់គ្រាប់បរមាណូពីរគ្រាប់។ ជប៉ុនបានត្រួតត្រាកោះនេះអំឡុងពេលដែលទាហានជប៉ុនដាក់អាណានិគមលើឧបទ្វីបកូរ៉េចន្លោះឆ្នាំ១៩១០-១៩៤៥ ៕
Tag:
កូរ៉េខាងត្បូង
ជប៉ុន
© រក្សាសិទ្ធិដោយ thmeythmey.com
