អន្តរជាតិ
មូហ្កាបេ នឹងបានឡាន, ផ្ទះ,អង្គរក្ស,ប្រាក់ខែស្មើប្រធានាធិបតី...ពីរដ្ឋាភិបាល
×![]()
អតីតប្រធានាធិបតីស៊ីមបាវ៉េលោក រ៉ូបឺត មូហ្កាបេ នឹងទទួលបានកាដូមួយដ៏ធំសម្រាប់ការចូលនិវត្តន៍ពីនយោបាយនេះ។ បើតាមរដ្ឋាភិបាលស៊ីមបាវ៉េ លោក នឹងទទួលបានប្រាក់បៀវត្សរ៍ស្មើប្រធានាធិបតី, អង្គរក្ស, ឡានបីគ្រឿង, ផ្ទះ, សេវាធានារ៉ាប់រងសុខភាព និងធ្វើដំណើរក្នុងស្រុក និងក្រៅស្រុកដោយឥតគិតថ្លៃ។
ទោះបាត់បង់តំណែងជាមេដឹកនាំផ្តាច់ការកាន់តំណែងយូរជាងគេនៅអាហ្វ្រិកក៏ដោយ លោក រ៉ូបឺត មូហ្កាបេ ក៏មិនខ្វល់ខ្វាយចិត្តខ្លាំងដែរ។ ក្រៅពីរួចខ្លួនពីការកាត់ទោសរឿងបំពានសិទ្ធិមនុស្ស លោក និងក្រុមគ្រួសារនឹងទទួលបានកាដូពិសេសពីរដ្ឋាភិបាលស៊ីមបាវ៉េក្រោយចាកចេញពីអាជីពជាអ្នកនយោបាយ។
បើតាមទីភ្នាក់ងារព័ត៌មាន AFP ដែលស្រង់សម្តីមន្ត្រីរដ្ឋាភិបាលស៊ីមបាវ៉េ ក្នុងនាមជាអតីតប្រមុខរដ្ឋ លោក មូហ្កាបេ នឹងទទួលបានកញ្ចប់ផលប្រយោជន៍សម្រាប់ចូលនិវត្តន៍នេះ ប៉ុន្តែមិនមានការផ្តល់កញ្ចប់លុយ ១០លានដុល្លារដូចការផ្សព្វផ្សាយកន្លងមកឡើយ។
ក្នុងចំណោមផលប្រយោជនន៍ទាំងនោះមានផ្ទះនៅក្នុងរដ្ឋធានី ហារ៉ារេ ប្រាក់ខែស្មើប្រធានាធិបតី ឡាន អង្គរក្ស ធានារ៉ាប់រងសុខភាព និងការធ្វើដំណើរមិនគិតថ្លៃក្នុងស្រុក និងទៅបរទេសទៀត។
លោក មូហ្កាបេ នឹងទទួលបានអ្នកបម្រើយ៉ាងតិច ២០នាក់ក្នុងនោះមានអង្គរក្ស ៦នាក់ ហើយរដ្ឋាភិបាលជាអ្នកចេញថ្លៃរាល់ការចំណាយ។ អនុលោមតាមរដ្ឋធម្មនុញ្ញស៊ីមបាវ៉េ ក្នុងនាមជាអតីតប្រមុខរដ្ឋ លោក មូហ្កាបេ នឹងទទួលបានប្រាក់បៀវត្សរ៍ស្មើប្រធានាធិបតីផងដែរ។
ក្រៅពីនេះលោក និងភរិយានឹងអាចសោយសុខដោយមានរថយន្តប្រើប្រាស់ផ្ទាល់ខ្លួនចំនួនបីគ្រឿងក្នុងនោះមានរថយន្ត Mercedes Benz មួយគ្រឿងផង។ រថយន្តបីគ្រឿងនេះនឹងត្រូវផ្លាស់ប្តូរប្រាំឆ្នាំម្តងផងដែរ ហើយរដ្ឋាភិបាលជាអ្នករ៉ាប់រងថ្លៃចំណាយលើការចាក់សាំងថែមទៀត។
សម្រាប់ការរស់នៅវិញ លោក និងភរិយានឹងទទួលបាននិវេសនដ្ឋានមួយកន្លែងដែលអាចនៅទីណាក៏ដោយក្នុងរដ្ឋធានី ហារ៉ារេ និងមានកញ្ចប់ធានារ៉ាប់រងសុខភាពថែមទៀត។
ដើម្បីសម្រួលដល់ការធ្វើដំណើរ អ្នកទាំងពីរក៏ទទួលបានលិខិតឆ្លងដែនការទូតដូចគ្នា ហើយលោក មូហ្កាបេ និងភរិយាក៏ទទួលបានការធ្វើដំណើរតាមយន្តហោះ និងរថភ្លើងក្នុងប្រទេសដោយទទួលបានកៅអី First-Class ដោយឥតសម្រាប់រយៈពេលបួនដងក្នុងមួយឆ្នាំ។ សម្រាប់ការធ្វើដំណើរទៅបរទេស អ្នកទាំងពីក៏អាចធ្វើដំណើរតាមយន្តហោះបានបួនដងក្នុងមួយឆ្នាំដូចគ្នា។
ទោះបាត់បង់តំណែងជាមេដឹកនាំផ្តាច់ការកាន់តំណែងយូរជាងគេនៅអាហ្វ្រិកក៏ដោយ លោក រ៉ូបឺត មូហ្កាបេ ក៏មិនខ្វល់ខ្វាយចិត្តខ្លាំងដែរ។ ក្រៅពីរួចខ្លួនពីការកាត់ទោសរឿងបំពានសិទ្ធិមនុស្ស លោក និងក្រុមគ្រួសារនឹងទទួលបានកាដូពិសេសពីរដ្ឋាភិបាលស៊ីមបាវ៉េក្រោយចាកចេញពីអាជីពជាអ្នកនយោបាយ។
បើតាមទីភ្នាក់ងារព័ត៌មាន AFP ដែលស្រង់សម្តីមន្ត្រីរដ្ឋាភិបាលស៊ីមបាវ៉េ ក្នុងនាមជាអតីតប្រមុខរដ្ឋ លោក មូហ្កាបេ នឹងទទួលបានកញ្ចប់ផលប្រយោជន៍សម្រាប់ចូលនិវត្តន៍នេះ ប៉ុន្តែមិនមានការផ្តល់កញ្ចប់លុយ ១០លានដុល្លារដូចការផ្សព្វផ្សាយកន្លងមកឡើយ។
ក្នុងចំណោមផលប្រយោជនន៍ទាំងនោះមានផ្ទះនៅក្នុងរដ្ឋធានី ហារ៉ារេ ប្រាក់ខែស្មើប្រធានាធិបតី ឡាន អង្គរក្ស ធានារ៉ាប់រងសុខភាព និងការធ្វើដំណើរមិនគិតថ្លៃក្នុងស្រុក និងទៅបរទេសទៀត។
លោក មូហ្កាបេ នឹងទទួលបានអ្នកបម្រើយ៉ាងតិច ២០នាក់ក្នុងនោះមានអង្គរក្ស ៦នាក់ ហើយរដ្ឋាភិបាលជាអ្នកចេញថ្លៃរាល់ការចំណាយ។ អនុលោមតាមរដ្ឋធម្មនុញ្ញស៊ីមបាវ៉េ ក្នុងនាមជាអតីតប្រមុខរដ្ឋ លោក មូហ្កាបេ នឹងទទួលបានប្រាក់បៀវត្សរ៍ស្មើប្រធានាធិបតីផងដែរ។
ក្រៅពីនេះលោក និងភរិយានឹងអាចសោយសុខដោយមានរថយន្តប្រើប្រាស់ផ្ទាល់ខ្លួនចំនួនបីគ្រឿងក្នុងនោះមានរថយន្ត Mercedes Benz មួយគ្រឿងផង។ រថយន្តបីគ្រឿងនេះនឹងត្រូវផ្លាស់ប្តូរប្រាំឆ្នាំម្តងផងដែរ ហើយរដ្ឋាភិបាលជាអ្នករ៉ាប់រងថ្លៃចំណាយលើការចាក់សាំងថែមទៀត។
សម្រាប់ការរស់នៅវិញ លោក និងភរិយានឹងទទួលបាននិវេសនដ្ឋានមួយកន្លែងដែលអាចនៅទីណាក៏ដោយក្នុងរដ្ឋធានី ហារ៉ារេ និងមានកញ្ចប់ធានារ៉ាប់រងសុខភាពថែមទៀត។
ដើម្បីសម្រួលដល់ការធ្វើដំណើរ អ្នកទាំងពីរក៏ទទួលបានលិខិតឆ្លងដែនការទូតដូចគ្នា ហើយលោក មូហ្កាបេ និងភរិយាក៏ទទួលបានការធ្វើដំណើរតាមយន្តហោះ និងរថភ្លើងក្នុងប្រទេសដោយទទួលបានកៅអី First-Class ដោយឥតសម្រាប់រយៈពេលបួនដងក្នុងមួយឆ្នាំ។ សម្រាប់ការធ្វើដំណើរទៅបរទេស អ្នកទាំងពីក៏អាចធ្វើដំណើរតាមយន្តហោះបានបួនដងក្នុងមួយឆ្នាំដូចគ្នា។
Tag:
ស៊ីមបាវ៉េ
រ៉ូបឺតមូហ្កាបេ
© រក្សាសិទ្ធិដោយ thmeythmey.com
