អន្តរជាតិ
២០១៧៖ រដ្ឋាភិបាលស៊ីវិលរបស់លោកស្រីស៊ូជី បាក់មុខខ្លាំងលើឆាកអន្តរជាតិព្រោះរឿងសិទ្ធិមនុស្ស
×![]()
ការអាចផ្លាស់ប្តូរការដឹកនាំរបស់រដ្ឋាភិបាលយោធាមករដ្ឋាភិបាលស៊ីវិលរបស់លោកស្រី អ៊ុងសាន ស៊ូជី ទទួលបានការសាទរច្រើនពីសហគមន៍អន្តរជាតិ ។ ក៏ប៉ុន្តែ ក្រោយពីការសាទរ រដ្ឋាភិបាលស៊ីវិល មីយ៉ាន់ម៉ា ដែលមានលោកស្រី ស៊ូជី នៅពីក្រោយជាខ្នងបង្អែក បែរជាទទួលរងការស្តីបន្ទោស និងថ្កោលទោសខ្លាំងនាឆ្នាំ២០១៧នេះ ដោយសារបញ្ហាសិទ្ធិមនុស្ស ជាពិសេសនោះ វិបត្តិជនភៀសខ្លួនរ៉ូហ៊ីងយ៉ា ។
រដ្ឋាភិបាលមីយ៉ាន់ម៉ាដឹកនាំដោយបក្សកាន់អំណាចរបស់លោកស្រី អ៊ុងសាន ស៊ូជី បន្តរងសម្ពាធពីសហគមន៍អន្តរជាតិ ដោយសារតែវិបត្តិរ៉ូហ៊ីងយ៉ា ដែលជាបញ្ហាមួយចាស់ឬសជ្រៅជាច្រើនទសវត្សរ៍ ដោយគ្មានដំណោះស្រាយ ។ បើតាមរបាយការណ៍សិទ្ធិមនុស្ស វិបត្តិនោះគឺកើតឡើងដោយជនជាតិភាគតិចរ៉ូហ៊ីងយ៉ារងការធ្វើទុក្ខបុកម្នេញពីសំណាក់ អាជ្ញាធរមីយ៉ាន់ម៉ា ។
តាមរយៈរបាយការណ៍ ដែលរាប់បញ្ចូលទាំងរបស់អង្គការសហប្រជាជាតិផងដែរនោះ គ្រាន់តែដោយសារប្រតិបត្តិការរបស់យោធាមីយ៉ាន់ម៉ាចាប់ពីខែសីហា ២០១៧ មក មានជនជាតិភាគតិចរ៉ូហ៊ីងយ៉ា ប្រាំមួយសែននាក់ បានរត់ភៀសខ្លួនជាមួយនឹងភាពភ័យខ្លាចពីរដ្ឋ Rakhine របស់មីយ៉ាន់ម៉ាទៅបង់ក្លាដែស។
តាមចម្លើយសារភាពរបស់ពួកគេ ជាមួយនឹងភ្នាក់ងារអង្គការសហប្រជាជាតិ ពួកគេ មិនត្រឹមតែទទួលរងនូវការរើសអើងពីសំណាក់អាជ្ញាធរមីយ៉ាន់ម៉ាប៉ុណ្ណោះនោះទេ ក៏ប៉ុន្តែ ថែមទាំងរងការគំរាមឲ្យចាកចេញពីទីលំនៅដ្ឋាន និងភូមិរបស់ពួកគេ ដែលស្ថិតនៅក្នុងរដ្ឋ Rakhine តែម្តង ។
ដោយសារតែបញ្ហានេះ សហគមន៍អន្តរជាតិ អង្គការសិទ្ធិមនុស្ស ដែលរួមទាំងអង្គការសហប្រជាជាតិផងដែរនោះ បានចេញមុខថ្កោលទោសខ្លាំងចំពោះហេតុការ និងរដ្ឋាភិបាលមីយ៉ាន់ម៉ា ដែលបណ្តែតបណ្តោយឲ្យបញ្ហាកាន់តែធ្ងន់ធ្ងរទៅ ។ ជាងនេះទៅទៀតនោះ ទាំងរដ្ឋមហាអំណាច អាមេរិក និងមន្ត្រីជំនាញអង្គការសហប្រជាជាតិ ថែមទាំងបានព្រមានពី ការអាចឈានទៅដល់បទល្មើសប្រល័យពូជសាសន៍ទៀតផង ។
អ្វីគួរឲ្យកត់សម្គាល់នោះ បន្ថែមពីការរងសម្ពាធពីសេចក្តីថ្លែងការណ៍ថ្កោលទោស និងទាមទារពីសហគមន៍អន្តរជាតិឲ្យរដ្ឋាភិបាលមីយ៉ាន់ម៉ា ដែលមានលោកស្រី អ៊ុងសាន ស៊ូជី ជាមេដឹកនាំជាក់ស្តែងនោះក៏បានរងភាពអាម៉ាសខ្លះដែ ដ្បិតមានចលនាមួយចំនួន បានទាមទារឲ្យ មានការដកពានរង្វាន់ណូប៊ែលសន្តិភាពពីលោកស្រី ។ ដោយសារបញ្ហានេះដែរ លោកស្រី អ៊ុងសាន ស៊ូជី ត្រូវបានដកហូតពានរង្វាន់ប្រចាំទីក្រុង Oxford របស់ចក្រភពអង់គ្លេស នាខែវិច្ឆិកាកន្លងទៅផងដែរ ៕
រដ្ឋាភិបាលមីយ៉ាន់ម៉ាដឹកនាំដោយបក្សកាន់អំណាចរបស់លោកស្រី អ៊ុងសាន ស៊ូជី បន្តរងសម្ពាធពីសហគមន៍អន្តរជាតិ ដោយសារតែវិបត្តិរ៉ូហ៊ីងយ៉ា ដែលជាបញ្ហាមួយចាស់ឬសជ្រៅជាច្រើនទសវត្សរ៍ ដោយគ្មានដំណោះស្រាយ ។ បើតាមរបាយការណ៍សិទ្ធិមនុស្ស វិបត្តិនោះគឺកើតឡើងដោយជនជាតិភាគតិចរ៉ូហ៊ីងយ៉ារងការធ្វើទុក្ខបុកម្នេញពីសំណាក់ អាជ្ញាធរមីយ៉ាន់ម៉ា ។
តាមរយៈរបាយការណ៍ ដែលរាប់បញ្ចូលទាំងរបស់អង្គការសហប្រជាជាតិផងដែរនោះ គ្រាន់តែដោយសារប្រតិបត្តិការរបស់យោធាមីយ៉ាន់ម៉ាចាប់ពីខែសីហា ២០១៧ មក មានជនជាតិភាគតិចរ៉ូហ៊ីងយ៉ា ប្រាំមួយសែននាក់ បានរត់ភៀសខ្លួនជាមួយនឹងភាពភ័យខ្លាចពីរដ្ឋ Rakhine របស់មីយ៉ាន់ម៉ាទៅបង់ក្លាដែស។
តាមចម្លើយសារភាពរបស់ពួកគេ ជាមួយនឹងភ្នាក់ងារអង្គការសហប្រជាជាតិ ពួកគេ មិនត្រឹមតែទទួលរងនូវការរើសអើងពីសំណាក់អាជ្ញាធរមីយ៉ាន់ម៉ាប៉ុណ្ណោះនោះទេ ក៏ប៉ុន្តែ ថែមទាំងរងការគំរាមឲ្យចាកចេញពីទីលំនៅដ្ឋាន និងភូមិរបស់ពួកគេ ដែលស្ថិតនៅក្នុងរដ្ឋ Rakhine តែម្តង ។
ដោយសារតែបញ្ហានេះ សហគមន៍អន្តរជាតិ អង្គការសិទ្ធិមនុស្ស ដែលរួមទាំងអង្គការសហប្រជាជាតិផងដែរនោះ បានចេញមុខថ្កោលទោសខ្លាំងចំពោះហេតុការ និងរដ្ឋាភិបាលមីយ៉ាន់ម៉ា ដែលបណ្តែតបណ្តោយឲ្យបញ្ហាកាន់តែធ្ងន់ធ្ងរទៅ ។ ជាងនេះទៅទៀតនោះ ទាំងរដ្ឋមហាអំណាច អាមេរិក និងមន្ត្រីជំនាញអង្គការសហប្រជាជាតិ ថែមទាំងបានព្រមានពី ការអាចឈានទៅដល់បទល្មើសប្រល័យពូជសាសន៍ទៀតផង ។
អ្វីគួរឲ្យកត់សម្គាល់នោះ បន្ថែមពីការរងសម្ពាធពីសេចក្តីថ្លែងការណ៍ថ្កោលទោស និងទាមទារពីសហគមន៍អន្តរជាតិឲ្យរដ្ឋាភិបាលមីយ៉ាន់ម៉ា ដែលមានលោកស្រី អ៊ុងសាន ស៊ូជី ជាមេដឹកនាំជាក់ស្តែងនោះក៏បានរងភាពអាម៉ាសខ្លះដែ ដ្បិតមានចលនាមួយចំនួន បានទាមទារឲ្យ មានការដកពានរង្វាន់ណូប៊ែលសន្តិភាពពីលោកស្រី ។ ដោយសារបញ្ហានេះដែរ លោកស្រី អ៊ុងសាន ស៊ូជី ត្រូវបានដកហូតពានរង្វាន់ប្រចាំទីក្រុង Oxford របស់ចក្រភពអង់គ្លេស នាខែវិច្ឆិកាកន្លងទៅផងដែរ ៕
Tag:
មីយ៉ាន់ម៉ា
រ៉ូហ៊ីងយ៉ា
© រក្សាសិទ្ធិដោយ thmeythmey.com
