ពីនេះ ពីនោះ
ពាក្យដែលមាន«អត្ត»នៅខាងដើម ប្រែមកថា ខ្លួន ឬចិត្ត!
× ពាក្យ «អត្ត» ជានាមសព្ទ អាចប្រើសម្រាប់ផ្សំជាមួយពាក្យដទៃទៀតបាន ដើម្បីឲ្យពាក្យទាំងនោះរឹតតែមានន័យកាន់តែច្បាស់បន្ថែមទៀត។ តាមវចនានុក្រមសម្តេចព្រះសង្ឃរាជ ជួន ណាត ពាក្យ «អត្ត»ជានាមសព្ទប្រែមកថា ខ្លួន ឬចិត្ត។
ពាក្យដែលមាន«អត្ត»នៅខាងដើម មានដូចជាពាក្យ៖ អត្តភាព(ភាវៈរបស់ខ្លួន), អត្តឃាត(សម្លាប់ខ្លួនឯង), អត្តទន្ត(អ្នកទូន្មានខ្លួន), អត្តទន្តី(អ្នកបង្វឹកចិត្ត), អត្តពលកម្ម(កិច្ចការដែលកើតអំពីកម្លាំងខ្លួន), អត្តចរិត(កិរិយាមារយាទ), អត្តខាត់( ដែលខ្វះខាត), អត្តនោបទ(បទដើម្បីខ្លួន), អត្តនោមត្យាធិប្បាយ(សេចក្តីពន្យល់), អត្តនោម័តិ(ការយល់ឃើញពីគំនិតរបស់ខ្លួន), អត្តសញ្ញាណ(គ្រឿងសម្គាល់ខ្លួន), អត្តសញ្ញាណប័ណ្ណ(ជាគ្រឿងសម្គាល់ភិនភាគខ្លួន), អត្តសម្មាបណិធ(ការតាំងខ្លួនឲ្យល្អ),អត្តហេតុ(ការឃើញប្រយោជន៍ផ្ទាល់ខ្លួន), អត្តទត្ថ(ប្រយោជន៍របស់ខ្លួន)៕
© រក្សាសិទ្ធិដោយ thmeythmey.com