ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សុខភាព
អ្នកជំងឺឃ្លង់ជាង៦ពាន់នាក់ បានទទួលការព្យាបាលនៅពេទ្យគៀនឃ្លាំង ក្នុងឆ្នាំ២០១៧
28, Jan 2018 ,
8:59 pm
រូបភាព
×
ដោយ:
ភ្នំពេញ៖ មន្ទីរពេទ្យគៀនឃ្លាំង បានទទួលអ្នកជំងឺមកព្យាបាល និងយកថ្នាំប្រើប្រាស់ដោយឥតគិតថ្លៃ ចំនួន ៦,៣៨៨នាក់ នៅក្នុងឆ្នាំ ២០១៧ ។ ចំនួននេះ កើនឡើង២០ភាគរយ ធៀបនឹងឆ្នាំ២០១៦ ។ ឃ្លង់ ឬហង់សិន ជាប្រភេទជំងឺឆ្លង ដែលអាចជាសះស្បើយ១០០ភាគរយ បើទទួលការព្យាបាលទាន់ពេល ប៉ុន្តែអ្នកជំងឺអាចពិការភ្នែក ពិការដៃជើង អាចមានដំបៅ ឬដុះដុំសាច់ នៅផ្នែកផ្សេងទៀតនៃរាងកាយ បើព្យាបាលមិនទាន់ពេល។
នៅក្នុងឆ្នាំ ២០១៧ មន្ទីរពេទ្យគៀនឃ្លាំង បានទទួលអ្នកជំងឺមកព្យាបាល និងយកថ្នាំប្រើប្រាស់ដោយឥតគិតថ្លៃ ចំនួន ៦,៣៨៨នាក់ ពោលកើនឡើង២០ភាគរយ ធៀបនឹងឆ្នាំ២០១៦ ។ នេះបើតាម កញ្ញា Ajda Smrekar ប្រធានផ្នែកគ្រប់គ្រងគុណភាពនៃមន្ទីរពេទ្យគៀនឃ្លាំង ដែលថ្លែងនាទិវាជំងឺហង់សិនពិភពលោកលើកទី៦៤ នៅថ្ងៃទី២៤ ខែមករា។ កញ្ញា Ajda Smrekar បានឲ្យដឹងដែរថា ក្រុមការងាររបស់មន្ទីរពេទ្យគៀនឃ្លាំង បានចុះស្វែងរកអ្នកជំងឺដល់មូលដ្ឋាន និងផ្សព្វផ្សាយអប់រំ ដល់ប្រជាពលរដ្ឋពីមូលហេតុនៃការឆ្លង និងការព្យាបាល ពីអ្នកជំនាញជំងឺឃ្លង់ ដើម្បីចូលរួមលុបបំបាត់ ជំងឺហង់សិន ឬឃ្លង់នេះ នៅប្រទេសកម្ពុជា ក៏ដូចជានៅលើពិភពលោក។
អត្ថបទទាក់ទង
អតីតអ្នកជំងឺឃ្លង់ ដែលគេចផុតពីអត្តឃាត កំពុងធ្វើជាអ្នកប្រឹក្សាអ្នកជំងឺឃ្លង់
ក្នុងពិធីនោះដែរ លោក វេជ្ជបណ្ឌិត អ៊ុន វ៉ាន់ថន អ្នកគ្រប់គ្រងបច្ចេកទេសព្យាបាលជំងឺហង់សិន នៃមន្ទីរពេទ្យគៀនឃ្លាំងបានបញ្ជាក់ថា ជំងឺឃ្លង់ ឬហង់សិន មិនមែនជាជំងឺតំណពូជឡើយ ប៉ុន្តែវាជាប្រភេទជំងឺឆ្លង ដែលបង្កឡើងដោយមេរោគឈ្មោះ «បាស៊ីហង់សិន» ។ ជំងឺនេះ ឆ្លងពីមនុស្សម្នាក់ទៅម្នាក់ទៀត តាមរយៈការដកដង្ហើម និងការប៉ះពាល់របួស ឬទឹករងៃរបស់អ្នកជំងឺ ហើយមេរោគជំងឺនេះ អាចស្ថិតនៅក្នុងខ្លួនអ្នកជំងឺពី ២ទៅ៣ឆ្នាំ ទើបចេញរោគសញ្ញា។ យ៉ាងណាក៏ដោយ ជំងឺឃ្លង់ អាចជាសះស្បើយ១០០ភាគរយ បើសិនជាបានព្យាបាលទាន់ពេលវេលា ប៉ុន្តែជំងឺនឹងបង្កឲ្យអ្នកជំងឺអាចពិការភ្នែក ពិការដៃជើង អាចមានដំបៅ ឬដុះដុំសាច់ នៅផ្នែកផ្សេងទៀតនៃរាងកាយ បើព្យាបាលមិនទាន់ពេល។
ទន្ទឹមនឹងថ្លែងអំពាវនាវដល់ប្រជាពលរដ្ឋ កុំឲ្យរើសអើងអ្នកកើតជំងឺហង់សិន លោក អ៊ុន វ៉ាន់ថន ក៏បានស្នើឲ្យប្រញាប់ទៅ មណ្ឌលសុខភាពរដ្ឋ ឬមកកាន់មន្ទីរពេទ្យគៀនឃ្លាំងនេះ ដើម្បីពិនិត្យ និងព្យាបាលទាន់ពេល ក្នុងករណីមានស្នាមពណ៌ស ក្រហម ឬខ្មៅ ជាបន្ទះ ជាឃ្មឹល ឬជាដុំពកដែលមានលក្ខណៈស្ងួត ស្ពឹក មិនរមាស់ និងមិនឈឺចាប់ នៅលើស្បែក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ឃ្លង់
ហង់សិន
ពេទ្យគៀនឃ្លាំង
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
5 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម