ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
ស្នាដៃអក្សរសិល្ប៍រួមចំណែកទាញមនុស្សឲ្យដើរផ្លូវវិជ្ជមាន
29, Jan 2018 ,
3:46 pm
រូបភាព
×
ដោយ:
ប៉ូ សាគុន
កំណាព្យ ប្រលោមលោក រឿងខ្លី និងស្នាដៃអក្សរសិល្ប៍ផ្សេងទៀត សុទ្ធសឹងតែបង្កប់នូវសារអប់រំ ក្នុងគោលបំណងឲ្យអ្នកមើល អ្នកអាន អ្នកស្តាប់ និងអ្នកទស្សនា ពិចារណាស្វែងរកសន្តិភាពផ្លូវចិត្ត ហើយឈានទៅដល់សន្តិភាពសង្គមទាំងមូល។ នេះជាការលើកឡើងដូចៗគ្នារបស់កវី និងនិពន្ធដែលមានទឹកដីជាច្រើនរូប នាពិធីប្រកាសជ័យលាភីពានរង្វាន់អក្សរសីល្បិ៍សន្តិភាពលើកទី៤ កាលពីថ្ងៃទី២៧ ខែមករា ឆ្នាំ២០១៨ នៅវិទ្យាស្ថានពុទ្ធសាសនបណ្ឌិត្យ។
«កំណាព្យដែលអាចទាក់ចិត្តអ្នកមើលបានទាល់តែកវីតែងឲ្យត្រូវតាមក្បួនខ្នាតចំណាប់ជួនត្រឹមត្រូវ ប្រកបដោយសូរសំឡេងពីរោះរណ្ដំណែងណង ហើយអត្ថន័យវាមានសមត្ថភាព និងលទ្ធភាពគ្រប់គ្រាន់ ក្នុងការឆាបឆក់បេះដូងអ្នកអាន ឲ្យប្រែប្រួលទៅតាមអត្ថបទរបស់ខ្លួន»។ នេះជាការលើកឡើងរបស់សាស្ត្រាចារ្យ ជ័យ ចាប អ្នកឯកទេសខាងតែងកំណាព្យ។
នាពិធីប្រកាសជ័យលាភីពានរង្វាន់អក្សរសីល្បិ៍សន្តិភាពលើកទី៤ នោះផងដែរ លោក ជ័យ ចាប ដែលបច្ចុប្បន្នជាទីប្រឹក្សាក្រសួងព្រះបរមរាជវាំង បានបន្ថែមថា ការតែងបានល្អ ខ្លឹមសារល្អ តែខ្វះអត្ថរូបមិនបម្រើឲ្យអារម្មណ៍ ហើយយកទៅអនុវត្តក្នុងជីវភាពប្រចាំថ្ងៃមិនបានទេនោះ ច្បាស់ជាមិនមានអ្នកគាំទ្រស្នាដៃឡើយ។
ដូចគ្នាដែរ អ្នកស្រី ប៉ុល ពិសី អ្នកនិពន្ធ ដែលភាគច្រើនសរសេរប្រលោមលោកពីការលើកតម្លៃស្ត្រី និងកុមារ បានមានប្រសាសន៍ថា ចំពោះការសរសេរអត្ថបទមួយ ដើម្បីឲ្យអ្នកមើលយកគំរូតាម អ្នកនិពន្ធត្រូវតែចេះច្នៃសាច់រឿង និងចេះបញ្ចូលរូបារម្មណ៍ទៅក្នុងសាច់រឿងឲ្យដូចរឿងពិត និងបង្កប់សារអប់រំផង។
អ្នកស្រី បានលើកឡើងថា៖ «សំណេររបស់ខ្ញុំភាគច្រើន ចង់លើកទឹកចិត្តស្ត្រីឲ្យមានការតស៊ូក្នុងជីវិត មិនត្រូវខ្ចីដង្ហើមគេមកដកឡើយ។ ការនិពន្ធទាល់តែដឹងថា យើងចង់សរសេរពីអ្វី គោលដៅរបស់យើងចង់បានអ្វី ហើយឆ្ពោះទៅអ្នកមើលប្រភេទណា នោះទើបរឿងរបស់យើងដាក់ចំគោលដៅ»។
អ្នកនិពន្ធ គឹម ចាន់ណា ក៏មិនយល់ខុសពីនេះដែរ។ លោកបានមានប្រសាសន៍ថា កម្មវិធីប្រកាសជ័យលាភីអក្សរសិល្ប៍សន្តិភាពលើកនេះ ជាឱកាសល្អសម្រាប់អ្នកចូលរួមទាំងអស់ បានទទួលបទពិសោធន៍បន្ថែមស្ដីពីការតែងនិពន្ធ។ លោកជឿថាការធ្វើកម្មវិធីនេះញឹកញាប់ នឹងចូលរួមលើកកម្ពស់ការអាន និងការតែងនិពន្ធ។ លោកបានអះអាងថា លោកបានណែនាំមនុស្សឲ្យអានសៀវភៅចំណេះដឹងទូទៅដើម្បីឲ្យខ្លួនក្លាយជាមនុស្សមានគុណភាពក្នុងសង្គម។
សូមបញ្ជាក់ថា ជ័យលាភីពានរង្វាន់អក្សរសិល្ប៍សន្តិភាពលើកទី៤ ដែលរៀបចំឡើងដោយ សមាគមអ្នកនិពន្ធខ្មែរនៅបរទេសប្រចាំប្រទេសបារាំង សហការជាមួយសមាគមអ្នកនិពន្ធខ្មែរធ្វើឡើងក្នុងឆ្នាំ២០១៨នេះ មិនមានចំណាត់ថ្នាក់លេខ១ឡើយ។
ចំពោះផ្នែករឿងខ្លី ជ័យលាភីលេខ២រឿង «មនុស្ស» ស្វាយ លីម៉េង។ ជ័យលាភីលេខ៣រឿង «នំបុ័ងប្រឡាក់ដី» របស់ ប៊ុន ពិសី។ រង្វាន់លើកទឹកចិត្តរឿង «ទឹកចិត្តគិលានុបដ្ឋាកយិកា» របស់ ឈាវ សំណាង និងរឿង «មន្តស្នេហ៍រទេះរុញ» របស់កញ្ញា ជឿន គឹមហេង។ រីឯផ្នែកកំណាព្យវិញ ជ័យលាភីលេខ២បានទៅលើកំណាព្យ «គន់មើលសត្វក្នុងសួន» របស់ ហូវ លីឃាង។ ជ័យលាភីលេខ៣ បានលើ «សន្យាដើមឆ្នាំ» របស់ ហ៊ួន សាវង។ ជ័យលាភីលើកទឹកចិត្ត «វាសនាកញ្ចក់» របស់ ប៉េង សំរិទ្ធ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អក្សរសិល្ប៍
ពានរង្វាន់
សន្តិភាព
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
13 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
2 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
3 ថ្ងៃ
អត្ថបទពេញនិយមបន្ថែម