សាលារាជធានីរើសបុគ្គលិក១០នាក់ដើម្បីទទួល និងឆ្លើយតបព័ត៌មានទាន់ហេតុការណ៍

ជាតិ

សាលារាជធានីរើសបុគ្គលិក១០នាក់ដើម្បីទទួល និងឆ្លើយតបព័ត៌មានទាន់ហេតុការណ៍

06, Feb 2018 , 4:14 pm

រូបភាព

ដោយ: ថ្មីៗ

ដំណឹងល្អសម្រាប់ពលរដ្ឋខ្មែរ ដែលមានអាយុពី២០ទៅ៤០ឆ្នាំ ដែលចង់ក្លាយជាមន្ត្រីដែលបម្រើការឲ្យសាលារាជធានីភ្នំពេញ។ តាមរយៈសេចក្តីជូនដំណឹងមួយចុះថ្ងៃទី២ ខែកុម្ភៈ អភិបាលរាជធានី លោក ឃួង ស្រេង ត្រូវការជ្រើសរើសអ្នកទទួល និងឆ្លើយតបព័ត៌មានតាមទូរសព្ទទាន់ហេតុការណ៍ (Hot Line) ចំនួន១០នាក់។

ក្រៅពីលក្ខខណ្ឌសញ្ជាតិ និងអាយុ បេក្ខជន បេក្ខនារី ត្រូវមានកម្រិតសិក្សាចាប់ពីមធ្យមសិក្សាទុតិយភូមិ មានអត្តចរិតស្លូតបូត សុភាពរាបសារ ហើយមិនធ្លាប់មានប្រវត្តិប្រព្រឹត្តបទល្មើសកន្លងមក។ បទពិសោធន៍ក្នុងការទទួល និងឆ្លើយតបព័ត៌មានតាមទូរសព្ទ គឺជាកត្តាតម្រូវមួយផងដែរ។

កាលបរិច្ឆេទចុងក្រោយនៃការទទួលពាក្យគឺនៅវេលាម៉ោង៥ល្ងាច ថ្ងៃទី១៥ ខែកុម្ភៈ ឆ្នាំ២០១៨ ។ សម្រាប់ព័ត៌មានលំអិត អភិបាលរាជធានីភ្នំពេញ ប្រាប់ទៅអ្នកមានចំណាប់អារម្មណ៍ទាំងអស់ ទាក់ទងទីចាត់ការគ្រប់គ្រងធនធានមនុស្ស សាលារាជធានីភ្នំពេញ ដែលមានទីតាំងនៅអគារលេខ៦៩ មហាវិថីព្រះមុនីវង្ស សង្កាត់ស្រះចក ខណ្ឌដូនពេញ៕