សភា អនុម័តទាំងស្រុងលើខ្លឹមសារថ្មីនៃរដ្ឋធម្មនុញ្ញ

ជាតិ

សភា អនុម័តទាំងស្រុងលើខ្លឹមសារថ្មីនៃរដ្ឋធម្មនុញ្ញ

14, Feb 2018 , 9:31 am

រូបភាព

ដោយ: ថ្មីៗ

សមាជិករដ្ឋសភាទាំង១២៣រូប បានលើកដៃទាំងអស់គ្នា ក្នុងការអនុម័តលើការកែមាត្រាមួយចំនួនក្នុងរដ្ឋធម្មនុញ្ញ។ ការអនុម័តនេះ ធ្វើឡើងក្នុងកិច្ចប្រជុំពេញអង្គនៃរដ្ឋសភា នាពេលព្រឹកថ្ងៃទី១៤ ខែកុម្ភៈ ឆ្នាំ២0១៨។

ជានីតិវិធី រដ្ឋសភា នឹងបញ្ជូនសេចក្តីព្រាងស្តីពីការធ្វើវិសោធនកម្មលើរដ្ឋធម្មនុញ្ញ ទៅព្រឹទ្ធសភា ដើម្បីពិនិត្យបន្ត។ ក្រោយមក ព្រឹទ្ធសភា នឹងដាក់សេចក្តីព្រាងនេះ ទៅឲ្យក្រុមប្រឹក្សារដ្ឋធម្មនុញ្ញ។ ប្រសិនបើក្រុមប្រឹក្សារដ្ឋធម្មនុញ្ញ យល់ព្រម និងអនុម័តដោយមិនជំទាស់អ្វីនោះ សេចក្តីព្រាងនេះ នឹងត្រូវថ្វាយទៅព្រះមហាក្សត្រដើម្បីព្រះអង្គ ចេញព្រះរាជក្រម ប្រកាសឲ្យប្រើប្រាស់ជាផ្លូវការ។

មាត្រាក្នុងរដ្ឋធម្មនុញ្ញ ដែលនឹងត្រូវធ្វើវិសោធនកម្ម រួមមាន មាត្រា៣៤ មាត្រា៤២ មាត្រា៤៩ មាត្រា៥៣ និងមាត្រា១១៨៕

អត្ថបទទាក់ទង

វិសោធនកម្មរដ្ឋធម្មនុញ្ញ៖«គណបក្សនិងពលរដ្ឋ មិនត្រូវធ្វើសកម្មភាព ដែលប៉ះពាល់ប្រយោជន៍ជាតិឡើយ»