ពីនេះ ពីនោះ
អត្ថន័យខុសគ្នារវាង «កតិកាសញ្ញា»,សន្ធិសញ្ញា»,«កិច្ចព្រមព្រៀងអន្តរជាតិ»
× នាមសព្ទពាក្យទាំងនេះ សន្ទានុក្រមសទិសន័យរបស់លោក ជៀប គន្ធា បានពន្យល់ថា ពាក្យទាំងបីនេះខុសគ្នា ហើយតួនាទីក៏ខុសគ្នាដែរ។
អំពីពាក្យ «កតិកាសញ្ញា» សម្គាល់ថា ជាសញ្ញា ជាការសន្មតគ្នា ការមត់គ្នាទុកជាគ្រឿងសម្គាល់។ ឬក្នុងន័យម្យ៉ាងទៀត ជាកិច្ចដែលព្រមព្រៀងមួយដែលបានធ្វើឡើងរវាងភាគីច្រើន រវាងរដ្ឋនិងរដ្ឋ ដែលមិនមែនជាផ្លូវ និងផ្លូវការ ដើម្បីធ្វើអ្វីមួយរួមមតិគ្នា និងដើម្បីសម្រេចបាននូវអ្វីមួយ។ កតិកាសញ្ញាស្តីពី សេដ្ឋកិច្ច សង្គមកិច្ច និងវប្បធម៌។
ពាក្យ «សន្ធិសញ្ញា» សំដៅលើ ការសន្យាតគ្នា ការសន្យាជាមេត្រីនឹងគ្នា, សំបុត្រសន្យាតគ្នាទៅវិញទៅមក។ សន្ធិសញ្ញាទីក្រុងប៉ារីស ថ្ងៃទី២៣ ខែតុលា ឆ្នាំ១៩៩១។
ចំពោះពាក្យ «កិច្ចព្រមព្រៀងអន្តរជាតិ» មានន័យដូចនឹងសន្ធិសញ្ញាដែរ តែមានលក្ខណៈផ្លូវការតិចជាង សន្ធិសញ្ញា។ ឧទាហរណ៍៖ កិច្ចព្រមព្រៀងអន្តរជាតិស្តីពីពាណិជ្ជកម្ម និងពន្ធគយ៕
© រក្សាសិទ្ធិដោយ thmeythmey.com