អន្តរជាតិ
×![]()
នៅក្នុងទីក្រុងស៊ូវុន (Suwon) នៃសាធារណរដ្ឋកូរ៉េ មានសំណង់មួយចម្លែកមួយដែលមានរៀងដូចចានបង្គន់ ដែលទាក់ទាញចំណាប់អារម្មណ៍ទេសចរបរទេស។ នោះគឺជាសារមន្ទីរផ្ទះបង្គន់ ឬភាសាកូរ៉េហៅថា Haewoojae ដ៏ល្បីល្បាញរបស់កូរ៉េខាងត្បូងដែលបានបង្កប់នូវទស្សនវិទ្យានៃការរស់នៅដ៏មានអនាម័យសម្រាប់មនុស្ស។ តើសារមន្ទីរផ្ទះបង្គន់មានប្រវត្តិយ៉ាងដូចម្តេច? តើអ្នកណាជាអ្នកបង្កើតបដិវត្តបង្គន់ចេញពីទីក្រុងស៊ូវុននោះ?
តើអ្នកណាអាចនឹកស្មានថា វាអាចមានសមាគមបង្គន់ពិភពលោក? សាវតានៃបដិវត្តបង្គន់ដ៏ល្បីរន្ទឺពេញពិភពលោក រួមទាំងសារមន្ទីរបង្គន់ផងនោះ គឺកើតចេញពីជនជាតិកូរ៉េ លោក ស៊ីម ចេដាក់ (Sim Jae-Duck) រហូតដល់លោកទទួលបានរហ័សនាមថា Mr. Toilet ទៀតផង។
ទំនង ដោយសារបុរសម្នាក់នេះបានចាប់កំណើតនៅក្នុងបង្គន់នៃផ្ទះរបស់ជីដូនគាត់កាលពីឆ្នាំ១៩៣៩ ទើបធ្វើឲ្យគាត់ដក់ចិត្តនឹងបង្គន់ ហើយចង់បង្វែរផ្នត់គំនិតរបស់ពិភពលោកពីការគិតថា បង្គន់ជាកន្លែងកខ្វក់ ឬគ្រាន់តែជាកន្លែង«ដោះទុក្ខ» ឲ្យទៅជាបង្គន់ជាកន្លែងដែលមនុស្សអាចសម្រាក សមាធិយកកម្លាំងពលំឡើងវិញបន្ទាប់ពី«ដោះទុក្ខ» ហើយនោះ។ ដើម្បីអាចបង្កើនតម្លៃបង្គន់យ៉ាងដូច្នេះ បង្គន់ ជាពិសេសបង្គន់សាធារណៈ ត្រូវតែជាកន្លែងដែលមានអនាម័យ និងស្អាតយ៉ាងពិតប្រាកដ។
លទ្ធភាពគ្រប់គ្រាន់នៃការផ្តើមយុទ្ធនាការ ឬចលនាបង្គន់ស្អាត បានចាប់ផ្តើម ក្នុងឆ្នាំ១៩៩៥ នៅពេលដែលលោក ស៊ីម ចេដាក់ ដែលជាអ្នកស្រឡាញ់បរិស្ថាន និងវប្បធម៌ បានក្លាយជាអភិបាលក្រុងស៊ូវុន។ «លោក ស៊ីម ចេដាក់ បានប្តេជ្ញាចិត្តធ្វើឲ្យបង្គន់សាធារណៈរបស់ក្រុងស៊ូវុន ក្លាយជាបង្គន់ដ៏ស្អាតបំព្រងជាងគេនៅក្នុងពិភពលោក។ ការិយាល័យពិសេសមួយរបស់ក្រុងស៊ូវុនដែលទទួលបន្ទុកអនុវត្តរបៀបវារៈបង្គន់ស្អាត ត្រូវបានបង្កើតឡើងភ្លាមដែរ»។ នេះបើយោងតាមឯកសាររបស់សារមន្ទីរផ្ទះបង្គន់។
យោងតាមរបាយការណ៍មួយនៃអង្គការសុខភាពពិភពលោក ៤០ភាគរយនៃប្រជាជនសរុបក្នុងពិភពលោក ពោលគឺ២,៦ពាន់លាននាក់ បានរស់នៅដោយគ្មានបង្គន់ត្រឹមត្រូវ។ ជាលទ្ធផល មានមនុស្ស២លាននាក់បានស្លាប់ដោយសារមេរោគដែលរស់នៅតាមទឹក ជារៀងរាល់ឆ្នាំ។
ក្នុងរយៈពេលនៃការដឹកនាំក្រុងស៊ូវុនពីរអាណត្តិជាប់គ្នា (១៩៩៥ ដល់ ២០០២) វាបានអនុញ្ញាតឲ្យលោក ស៊ីម ចេដាក់ មានលទ្ធភាពច្រើនក្នុងការងារផ្សព្វផ្សាយចលនាវប្បធម៌បង្គន់អនាម័យ ជាពិសេសនៅមុនពេលដែលកូរ៉េធ្វើជាម្ចាស់ផ្ទះព្រឹត្តិការណ៍កីឡាបាល់ទាត់ពិភពលោក (World Cup) ឆ្នាំ២០០២។ ក្នុងឆ្នាំ១៩៩៩ សមាគមបង្គន់កូរ៉េមួយត្រូវបានបង្កើត ហើយលោក ស៊ីម ចេដាក់ គឺជាប្រធានទីមួយនៃសមាគមនេះ។ នៅក្នុងឆ្នាំ២០០៧ សមាគមបង្គន់ពិភពលោក ក៏ត្រូវបានបង្កើត ហើយលោក ស៊ីម ចេដាក់ ក៏ជាប្រធានសមាគមបង្គន់ពិភពលោកនេះទៀត។
ឯកសារនៃសារមន្ទីរផ្ទះបង្គន់បានសរសេរថា៖«គោលបំណងនៃការបង្កើតសមាគមបង្គន់ពិភពលោក គឺដើម្បីនាំយកប្រធានបទបង្គន់អនាម័យមកផ្សព្វផ្សាយជាទូទៅ ដើម្បីឲ្យមនុស្សបានយល់អំពីសារសំខាន់នៃបង្គន់អនាម័យ និងការធ្វើឲ្យកាន់តែប្រសើរនូវបង្គន់អនាម័យ។ ហើយគម្រោងនៃការកសាងបង្គន់អនាម័យសាធារណៈរបស់សមាគមបង្គន់ពិភពលោក គឺជាយុទ្ធនាការនៃការសាងសង់បង្គន់អនាម័យនៅតាមបណ្តាប្រទេសកំពុងអភិវឌ្ឍន៍»។
នៅក្នុងឆ្នាំ២០០៧ Mr. Toilet បានសម្រេចរុះរើគេហដ្ឋានដែលមានអាយុ៣០របស់គាត់ ដើម្បីសាងសង់ផ្ទះថ្មីៗដែលមានទម្រង់ជាចានបង្គន់ ដើម្បីឧទ្ទិសដល់សមាគមបង្គន់ពិភពលោកនេះឯង។ ក្នុងឆ្នាំ២០០៩ Mr. Toilet ឬលោក ស៊ីម ចេដាក់ បានទទួលមរណភាពដោយជំងឺមហារីកប្រូស្តាត បន្ទាប់មកគ្រួសាររបស់លោកបានសម្រេចប្រគល់ផ្ទះដែលមានរាងដូចចានបង្គន់នេះទៅអាជ្ញាធរក្រុងស៊ូវុន ដែលបានរៀបចំឲ្យក្លាយជាសារមន្ទីរផ្ទះបង្គន់នៅក្នុងឆ្នាំ២០១០។
នៅលើដំបូលសារមន្ទីរផ្ទះបង្គន់មានដោតទង់ជាតិនៃប្រទេសដែលជាសមាជិកសមាគមបង្គន់ពិភពលោក ដែលក្នុងចំណោមនោះក៏មានទង់ជាតិនៃប្រទេសកម្ពុជាផងដែរ៕
តើអ្នកណាអាចនឹកស្មានថា វាអាចមានសមាគមបង្គន់ពិភពលោក? សាវតានៃបដិវត្តបង្គន់ដ៏ល្បីរន្ទឺពេញពិភពលោក រួមទាំងសារមន្ទីរបង្គន់ផងនោះ គឺកើតចេញពីជនជាតិកូរ៉េ លោក ស៊ីម ចេដាក់ (Sim Jae-Duck) រហូតដល់លោកទទួលបានរហ័សនាមថា Mr. Toilet ទៀតផង។
ទំនង ដោយសារបុរសម្នាក់នេះបានចាប់កំណើតនៅក្នុងបង្គន់នៃផ្ទះរបស់ជីដូនគាត់កាលពីឆ្នាំ១៩៣៩ ទើបធ្វើឲ្យគាត់ដក់ចិត្តនឹងបង្គន់ ហើយចង់បង្វែរផ្នត់គំនិតរបស់ពិភពលោកពីការគិតថា បង្គន់ជាកន្លែងកខ្វក់ ឬគ្រាន់តែជាកន្លែង«ដោះទុក្ខ» ឲ្យទៅជាបង្គន់ជាកន្លែងដែលមនុស្សអាចសម្រាក សមាធិយកកម្លាំងពលំឡើងវិញបន្ទាប់ពី«ដោះទុក្ខ» ហើយនោះ។ ដើម្បីអាចបង្កើនតម្លៃបង្គន់យ៉ាងដូច្នេះ បង្គន់ ជាពិសេសបង្គន់សាធារណៈ ត្រូវតែជាកន្លែងដែលមានអនាម័យ និងស្អាតយ៉ាងពិតប្រាកដ។
លទ្ធភាពគ្រប់គ្រាន់នៃការផ្តើមយុទ្ធនាការ ឬចលនាបង្គន់ស្អាត បានចាប់ផ្តើម ក្នុងឆ្នាំ១៩៩៥ នៅពេលដែលលោក ស៊ីម ចេដាក់ ដែលជាអ្នកស្រឡាញ់បរិស្ថាន និងវប្បធម៌ បានក្លាយជាអភិបាលក្រុងស៊ូវុន។ «លោក ស៊ីម ចេដាក់ បានប្តេជ្ញាចិត្តធ្វើឲ្យបង្គន់សាធារណៈរបស់ក្រុងស៊ូវុន ក្លាយជាបង្គន់ដ៏ស្អាតបំព្រងជាងគេនៅក្នុងពិភពលោក។ ការិយាល័យពិសេសមួយរបស់ក្រុងស៊ូវុនដែលទទួលបន្ទុកអនុវត្តរបៀបវារៈបង្គន់ស្អាត ត្រូវបានបង្កើតឡើងភ្លាមដែរ»។ នេះបើយោងតាមឯកសាររបស់សារមន្ទីរផ្ទះបង្គន់។
យោងតាមរបាយការណ៍មួយនៃអង្គការសុខភាពពិភពលោក ៤០ភាគរយនៃប្រជាជនសរុបក្នុងពិភពលោក ពោលគឺ២,៦ពាន់លាននាក់ បានរស់នៅដោយគ្មានបង្គន់ត្រឹមត្រូវ។ ជាលទ្ធផល មានមនុស្ស២លាននាក់បានស្លាប់ដោយសារមេរោគដែលរស់នៅតាមទឹក ជារៀងរាល់ឆ្នាំ។
ក្នុងរយៈពេលនៃការដឹកនាំក្រុងស៊ូវុនពីរអាណត្តិជាប់គ្នា (១៩៩៥ ដល់ ២០០២) វាបានអនុញ្ញាតឲ្យលោក ស៊ីម ចេដាក់ មានលទ្ធភាពច្រើនក្នុងការងារផ្សព្វផ្សាយចលនាវប្បធម៌បង្គន់អនាម័យ ជាពិសេសនៅមុនពេលដែលកូរ៉េធ្វើជាម្ចាស់ផ្ទះព្រឹត្តិការណ៍កីឡាបាល់ទាត់ពិភពលោក (World Cup) ឆ្នាំ២០០២។ ក្នុងឆ្នាំ១៩៩៩ សមាគមបង្គន់កូរ៉េមួយត្រូវបានបង្កើត ហើយលោក ស៊ីម ចេដាក់ គឺជាប្រធានទីមួយនៃសមាគមនេះ។ នៅក្នុងឆ្នាំ២០០៧ សមាគមបង្គន់ពិភពលោក ក៏ត្រូវបានបង្កើត ហើយលោក ស៊ីម ចេដាក់ ក៏ជាប្រធានសមាគមបង្គន់ពិភពលោកនេះទៀត។
ឯកសារនៃសារមន្ទីរផ្ទះបង្គន់បានសរសេរថា៖«គោលបំណងនៃការបង្កើតសមាគមបង្គន់ពិភពលោក គឺដើម្បីនាំយកប្រធានបទបង្គន់អនាម័យមកផ្សព្វផ្សាយជាទូទៅ ដើម្បីឲ្យមនុស្សបានយល់អំពីសារសំខាន់នៃបង្គន់អនាម័យ និងការធ្វើឲ្យកាន់តែប្រសើរនូវបង្គន់អនាម័យ។ ហើយគម្រោងនៃការកសាងបង្គន់អនាម័យសាធារណៈរបស់សមាគមបង្គន់ពិភពលោក គឺជាយុទ្ធនាការនៃការសាងសង់បង្គន់អនាម័យនៅតាមបណ្តាប្រទេសកំពុងអភិវឌ្ឍន៍»។
នៅក្នុងឆ្នាំ២០០៧ Mr. Toilet បានសម្រេចរុះរើគេហដ្ឋានដែលមានអាយុ៣០របស់គាត់ ដើម្បីសាងសង់ផ្ទះថ្មីៗដែលមានទម្រង់ជាចានបង្គន់ ដើម្បីឧទ្ទិសដល់សមាគមបង្គន់ពិភពលោកនេះឯង។ ក្នុងឆ្នាំ២០០៩ Mr. Toilet ឬលោក ស៊ីម ចេដាក់ បានទទួលមរណភាពដោយជំងឺមហារីកប្រូស្តាត បន្ទាប់មកគ្រួសាររបស់លោកបានសម្រេចប្រគល់ផ្ទះដែលមានរាងដូចចានបង្គន់នេះទៅអាជ្ញាធរក្រុងស៊ូវុន ដែលបានរៀបចំឲ្យក្លាយជាសារមន្ទីរផ្ទះបង្គន់នៅក្នុងឆ្នាំ២០១០។
នៅលើដំបូលសារមន្ទីរផ្ទះបង្គន់មានដោតទង់ជាតិនៃប្រទេសដែលជាសមាជិកសមាគមបង្គន់ពិភពលោក ដែលក្នុងចំណោមនោះក៏មានទង់ជាតិនៃប្រទេសកម្ពុជាផងដែរ៕
Tag:
toilet house
Sim Jae-duck
Sowon
Haewoojae
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
6 ម៉ោង
