ពីនេះ ពីនោះ
ព័ត៍មានសុខភាព
ក្តៅខ្លួនអាចដោយសារតែអ្វីទៅ?
× តើអ្នកធ្លាប់មានអារម្មណ៍ថាក្តៅខ្លួនពីមុនដែរទេ ជាពិសេសនៅពេលដែលវាកើតឡើងទៅមានអារម្មណ៍ដូចធ្ងន់ធ្ងរ ហើយឈឺករថែមទៀត។ ដល់ពេលមកផ្ទះម្តាយអ្នកនឹងប្រាប់ថាឲ្យយកទែម៉ូម៉ែត្រដើម្បីវាស់កម្តៅ។ លទ្ធផលបង្ហាញថា អ្នកក្តៅខ្លួនហើយ។ ប៉ុន្តែតើការក្តៅខ្លួនជាអ្វីឲ្យប្រាកដទៅ?
អ្វីៗចាប់ផ្តើមនៅក្នុងខួរក្បាល
ដើម្បីយល់ដឹងកាន់តែច្បាស់ថាអ្វីទៅជាការក្តៅខ្លួន អ្នកគួរតែស្គាល់ពាក្យថា Hypothalamus ដែលវាជាផ្នែកមួយនៅចំកណ្តាលខួរក្បាល។ វាគឺជាកន្លែងមួយដែលដឹងថាសីតុណ្ហភាពក្នុងខ្លួនអ្នកគួរតែស្ថិតនៅប៉ុន្មាន និងបញ្ជូនសារថាគួរតែធ្វើបែបណាទើបរក្សាភាពធម្មតានេះបាន។
មនុស្សភាគច្រើនមានសីតុណ្ហភាពរាងកាយធម្មតាប្រហែល ៣៧អង្សារ។ អ្នកខ្លះមានសីតុណ្ហភាពធម្មតាតិចជាងនេះបន្តិច ឬខ្ពស់ជាងបន្តិច។ សីតុណ្ហភាពមនុស្សយើងអាចនឹងប្រែប្រួលនៅពេលថ្ងៃ ដោយព្រឹកចុះបន្តិច និងល្ងាចខ្ពស់បន្តិច។ សម្រាប់ក្មេងភាគច្រើន សីតុណ្ហភាពរាងកាយពួកគេនៅដូចៗគ្នាពីមួយថ្ងៃទៅមួយថ្ងៃ។
មានមេរោគចូល
ចូរចាំថា ការរលាកបំពង់ករដោយសារបាក់តេរីនឹងធ្វើឲ្យអ្នកមានអារម្មណ៍រមាស់ក្នុងករ ឬពេលខ្លះនៅពេលមានជំងឺផ្តាសាយ ក៏ធ្វើឲ្យអស់កម្លាំង និងរមាស់ដែរ។ ការបង្ករោគទាំងនេះបង្កឡើងដោយមេរោគដែលជ្រៀតចូលទៅក្នុងខ្លួន ដែលវាច្រើនតែជាបាក់តេរី ឬវីរុស។
នៅពេលមេរោគចូលទៅក្នុងខ្លួន វានឹងធ្វើឲ្យអញនកឈឺ ហើយពេលខ្លះបញ្ចេញសារធាតុគីមីទៅក្នុងចរន្តឈាមទៀត។ នៅពេល Hypothalamus ទទួលសារនេះហើយ វានឹងធ្វើឲ្យសីតុណ្ហភាពក្នុងខ្លួនឡើងខ្ពស់អូតូម៉ាទិចតែម្តង។ ដូច្នេះអ្នកអាចនឹងឡើងកម្តៅរហូតដល់ ៣៨.៩អង្សារឯណោះ។
ហេតុអ្វីបានជា Hypothalamus ប្រាប់រាងកាយឲ្យផ្លាស់ប្តូរសីតុណ្ហភាពថ្មី? អ្នកស្រាវជ្រាវជឿថា ការឡើងកម្តៅគឺជារបៀបដែលរាងកាយប្រឆាំងនឹងមេរោគ និងធ្វើឲ្យរាងកាយមិនសូវមានផាសុកភាពនឹងវត្តមានវាឡើយ។ ការក្តៅខ្លួនក៏ជាសញ្ញាដ៏ល្អមួយដើម្បីប្រាប់ឪពុកម្តាយ និងគ្រូពេទ្យថា កូនឈឺហើយ។
គ្រុនញ៉ាក់ ហើយបែកញើស
នៅពេល Hypothalamus បង្កើតជាសីតុណ្ហភាពថ្មីសម្រាប់រាងកាយ រាងកាយអ្នកនឹងធ្វើសកម្មភាពដើម្បីបង្កើនកម្តៅ។ នៅពេលការក្តៅខ្លួនចាប់ផ្តើម រាងកាយនឹងក្តៅជាងមុន ហើយអ្នកអាចនឹងញ៉ាក់ដោយកំពុងគិតថា ក្តៅកាន់តែខ្លាំងហើយ។ អ្នកប្រហែលជាមានអារម្មណ៍ត្រជាក់ខ្លាំងទោះបីជាបន្ទប់មិនត្រជាក់ក៏ដោយ។
បើសិនជារាងកាយដល់សីតុណ្ហភាពថ្មី រហូតដល់ ៣៨.៩អង្សារហើយ អ្នកនឹងមិនមានអារម្មណ៍ត្រជាក់ទៀតទេ។ ក្រោយពីការក្តៅខ្លួនបាត់ទៅវិញ Hypothalamus នឹងបង្កើតជាអ្វីៗគ្រប់យ៉ាងត្រឡប់មកសីតុណ្ហភាពធម្មតាវិញ។ នៅពេលប្រើថ្នាំបំបាត់ការឈឺបំពង់ករ រាងកាយក៏នឹងចាប់ផ្តើមត្រជាក់មកវិញដែរ។ អ្នកនឹងចាប់ផ្តើមមានអារម្មណ៍កក់ក្តៅ។
ប្រឆាំងនឹងការបង្ករោគ
សម្រាប់ក្មេងទាំងអស់ ការក្តៅខ្លួនមិនមែនជាបញ្ហាធំទេ។ នៅពេលមូលហេតុនៃការក្តៅខ្លួនត្រូវបានព្យាបាល ឬបាត់ទៅវិញដោយខ្លួនឯង សីតុណ្ហភាពរាងកាយនឹងវិលមកធម្មតា ហើយអ្នកក៏មានអារម្មណ៍ថាធ្មំតាវិញដែរ។ គ្រូពេទ្យភាគច្រើនយល់ស្របថា ក្មេងភាគច្រើនដែឡក្តៅខ្លួនគឺំិនត្រូវការលេបថ្នាំអ្វីទាំងអស់បើសិនជាការក្តៅខ្លួនរបស់ពួកគេមិនបង្កការគ្មានផាសុកភាព។
បើសិនជាសិនជាក្មេងក្តៅខ្លួនខ្លាំង ឬមិនមានផាសុកភាព គ្រូពេទ្យអាចនឹងណែនាំឲ្យប្រើថ្នាំបញ្ចុះកម្តៅបាន។ ថ្នាំពីរប្រភេទសម្រាប់បញ្ចុះកម្តៅលើក្មេងគឺ Acetaminophen និង Ibuprofen។ ក្មេងមិនគួរប្រើថ្នាំអាស្ពីរីនឡើយ ព្រោះវាអាចធ្វើឲ្យបង្កតជាជំងឺធ្ងន់ធ្ងរបាន។
បើសិនជាអ្នកក្តៅខ្លួន ម្តាយ ឬឪពុកប្រហែលជាណែនាំឲ្យអ្នកបញ្ចុកទឹកឲ្យកូនញ៉ាំច្រើនជាងធម្មតា។ នេះដោយសារតែរាងកាយដែលក្តៅខ្លាំង គឺងាយខ្សោះជាតិទឹកក្នុងខ្លួនណាស់៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com