ពីនេះ ពីនោះ
ព័ត៍មានសុខភាព
២ ចំណុច ដែលយើងធ្វើរាល់ថ្ងៃ តែអាចធ្វើឲ្យយើងមានបញ្ហា
× យើងបន្តទិញ និងប្រើប្រាស់ផលិតផល ដែលបង្កើតឡើងដើម្បីធ្វើឲ្យជីវិតរបស់យើងធូរស្រាល ហើយវានឹងពិបាកក្នុងការស្រមៃថា ទម្លាប់ និងរបស់ប្រើប្រាស់ប្រចាំថ្ងៃទាំងនោះ អាចបង្កផលប៉ះពាល់ និងគ្រោះថ្នាក់ចំពោះសុខភាពខ្លាំងប៉ុណ្ណានោះទេ។ បើអ្នកបានអានអត្ថបទខាងក្រោមនេះ វានឹងធ្វើឲ្យអ្នកភ្ញាក់ផ្អើលជាខ្លាំង។
គេហទំព័រយើងបានធ្វើតារាងនៃការប្រើប្រាស់ជារៀងរាល់ថ្ងៃ ដែលពិតជានាំឲ្យអ្នកឈឺចាប់ខ្លាំង។ តោះយើងមើលថាតើមានរបស់ប៉ុន្មាន ដែលអ្នកធ្លាប់ ឬកំពុងប្រើប្រាស់នោះ។
១. ដបទឹក និងកែវភេសជ្ជៈ
ដបជ័រស្ទើរតែទាំងអស់ដែលយើងប្រើជារៀងរាល់ថ្ងៃ ត្រូវបានផលិតពីជាតិប្លាស្ទិច ដែលមានសារធាតុគីមីពុលហៅថា Bisphenol-A (BPA)។ សារធាតុគីមីដែលផលិតដោយមនុស្សនេះ អាចប៉ះពាល់ដល់ដំណើរការនៃការជួសជុលកោសិកា ការលូតលាស់ កម្រិតថាមពល និងការបន្តពូជកូនចៅ។
កម្រិតនៃសារធាតុ BPA ដែលបានភាយចេញក្រៅ គឺអាស្រ័យលើសីតុណ្ហភាពរបស់ទឹក។ ទឹកកាន់តែក្តៅៗ សារធាតុគីមីកាន់តែច្រើននឹងចូលទៅក្នុងខ្លួនរបស់អ្នក។
គន្លឹះ ៖ ពេលញ៉ាំទឹកក្តៅ ចូរប្រើប្រាស់ដបឬកែវធ្វើពីកញ្ចក់ ប៉សឺឡែន ដីឥដ្ឋ ឬអ៊ីណុក។
២. ទឹកផ្លែឈើ និងផ្លែឈើស្ងួត
ទឹកផ្លែឈើកំប៉ុង គឺជាភេសជ្ជៈគ្មានសុខភាពល្អ ដោយសារតែវាមានជាតិស្ករខ្ពស់។ ប៉ុន្តែ ជាមួយផ្លែឈើស្ងួតវាក៏ផ្ទុកនូវស្ពាន់ធ័រឌីអុកស៊ីដផងដែរ។ អ្នកដែលមានជំងឺហឺត ឬមានជំងឺឈឺរ៉ាំរ៉ៃ គួរចៀសវាងផលិតផលទាំងនេះ ពីព្រោះ វាអាចបណ្តាលឲ្យអ្នកកាន់តែមានបញ្ហាសុខភាពធ្ងន់ធ្ងរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com