ពីនេះ ពីនោះ
ព័ត៍មានសុខភាព
រឿងអស្ចារ្យ ៧យ៉ាងដែលកើតឡើងក្នុងពេលអ្នកគេងលក់
×
តើអ្នកមានដឹងទេថា ខណៈពេលដែលអ្នកកំពុងតែគេង ប្រព័ន្ធរបស់រាងកាយកំពុងតែធ្វើរឿងឆ្គួតៗជាច្រើន? រឿងខ្លះអាចធ្វើឲ្យអ្នកគិតមិនដល់ដែរ។ ប៉ុន្តែកុំបារម្ភអី ព្រោះវាជារឿងធម្មតាទេ។ ចង់ដឹងថាវាជារឿងអ្វីខ្លះ ចូរតាមដានដូចខាងក្រោមនេះ៖
ស្រកទម្ងន់
អ្នកអាចបាត់បង់ជាតិទឹកតាមរយៈការដកដង្ហើមចេញមានជាតិខ្យល់សំណើម និងបែកញើសក្នុងពេលគេងយប់ឡើង។ រឿងនេះកើតឡើងក្នុងពេលថ្ងៃដែរតាមរយៈការញ៉ាំទឹកនិងអាហារ ខណៈពេលដែលអ្នកមិនបានដឹងរឿងនេះទេ។ បើសិនជាអ្នកគេងបានត្រឹមតែ ៤ ទៅ៥ម៉ោងក្នុងមួយយប់ អ្នកអាចនឹងលុបចោលការហាត់ប្រាណ និងជម្រើសរបបអាហារគ្រប់យ៉ាងដែលអ្នកត្រូវធ្វើនៅពេលថ្ងៃ។ ដើម្បីសម្រកខ្លាញ់ចង្កេះ ចូរគេងយ៉ាងហោចណាស់ ៧ម៉ោងក្នុងមួយយប់។
សីតុណ្ហភាពរាងកាយចុះត្រជាក់
សីតុណ្ហភាពរាងកាយអាចនឹងចុះត្រជាក់បាន។ នៅពេលអ្នកមានភាពសកម្មនៅពេលថ្ងៃ មានន័យថាអ្នកកំពុងតែរំលាយជាតិខ្លាញ់ ដូច្នេះការចុះសីតុណ្ហភាពគឺជាវិធីមួយដែលអាចសន្សំជាតិខ្លាញ់ និងបន្ថយអត្រានៃការរំលាយជាតិខ្លាញ់បាន។
សម្ពាធឈាម និងចង្វាក់បេះដូងថយចុះ
នៅពេលអ្នកសម្រាក រាងកាយមិនត្រូវការច្របាច់ឈាមច្រើន ឬធ្វើការខ្លាំងឡើយ ដូច្នេះវានឹងធ្វើការយឺត។ សម្ពាធឈាមត្រូវការថយចុះនៅពេលយប់ ដើម្បីផ្តល់នូវប្រព័ន្ធរបត់ឈាមរត់ និងពេលវេលាសាច់ដុំបេះដូងសម្រាក និងជួសជុល។ យកល្អ សម្រាប់មនុស្សម្នាក់ៗដែលមានសម្ពាធឈាមខ្ពស់ គួរតែគេងយ៉ាងហោចណាស់ ៧ម៉ោងក្នុងមួយឈប់ដើម្បីអាចបញ្ចុះសម្ពាធឈាមបានបណ្តោះអាសន្ន ហើយក៏អាចបន្ថយការកើតជំងឺបេះដូងដែរ។
សុបិន្ត
បើសិនជាអ្នកភ្ញាក់ក្នុងពិភពសុបិន្ត នោះវាមិនខុសគ្នានឹងអ្វីដែលអ្នកកំពុងតែឆ្ងល់ឡើយ។ ថ្វីបើការស្រាវជ្រាវជាច្រើនទៅលើការសុបិន្ត និងមានទ្រឹស្តីជាច្រើនអំពីមូលហេតុដែលយើងគេងសុបិន្តក៏ដោយ តែសព្វថ្ងៃនេះវានៅតែជារឿងអាថ៌កំបាំងនៅឡើយទេ។ អ្នកវិទ្យាសាស្ត្រនៅតែមិនទាន់អាចទាញហេតុផលអំពីរឿងនេះនៅឡើយទេ។
កម្រើកខ្លួនមិនរួច
ស្ថិតក្នុងស្ថានភាពគេងដែលយល់សុបិន្ត សាច់ដុំជាច្រើនក្រុមនឹងទៅជារឹងជាប់ ដែលមិនអាចធ្វើឲ្យអ្នកកម្រើកបានក្នុងពេលសុបិន្តឡើយ។ អ្នកជំនាញខាងការគេងនិយាយថា វាគឺជារឿងសំខាន់ ដោយសារតែស្ថានភាពនេះខួរក្បាលកំពុងតែមានភាពសកម្ម ហើយភ្នែកក៏គ្រលាស់ទៅគៀនៗដែរ។ រឿងនេះមិនកើតឡើង អ្នកអាចនឹងជួបអភូតហេតុមួយហៅថា គេងមមើ។
ផលិតអ័រម៉ូនលូតលាស់
ការបន្ធូរអារម្មណ៍រាងកាយទាំងមូលបណ្តាលមកពីអ័រម៉ូនលូតលាស់ ដែលវាអាចជួយដល់ឆ្អឹង សាច់ដុំ និងជាលិកាផ្សេងៗទៀតលូតលាស់។ អ័រម៉ូនដ៏មានប្រយោជន៍នេះត្រូវបានបញ្ចេញឡើងខណៈពេលដែលអ្នកគេង ភាគច្រើនគឺស្ថិតក្នុងពេលដែលគេងលក់ខ្លាំង ហើយវាក៏ត្រូវបានគេចាត់ទូកថាកើតឡើងដោយសារតែកម្រិតជាតិស្ករក្នុងឈាមចុះទាបក្នុងពេលគេង។
បន្ថយការងារតម្រងនោម
មុខងារតម្រងនោមជាធម្មតាគឺជាអ្នកច្រោះជាតិពុលចេញពីក្នុងឈាមដើម្បីបង្កើតជាទឹកនោម។ នៅពេលអ្នកគេង សកម្មភាពច្រោះទឹកនោមរបស់តម្រងនោមនឹងថយចុះ ដូច្នេះក៏មិនសូវមានទឹកនោមដែរ។ ហេតុដូច្នេះហើយទើបទឹកនោមនៅពេលព្រឹកច្រើនតែខាប់៕
ត្រួតពិនិត្យដោយ www.health.com.kh© រក្សាសិទ្ធិដោយ thmeythmey.com