ពីនេះ ពីនោះ
ព័ត៍មានសុខភាព
បើសិនជាអ្នកកើតជំងឺរលាកសន្លាក់ហ្គោដ ត្រូវតែចៀសវាងអាហារទាំងនេះ
× ជំងឺរលាកសន្លាក់ហ្គោដគឺជាទម្រងនៃការរលាកសន្លាក់មួយប្រភេទ ដែលបង្កឡើងដោយការលើសជាតិអាស៊ីតអ៊ុយរិកក្នុងឈាមច្រើនពេក។ នៅពេលជាតិអាស៊ីតអ៊ុយរិកក្នុងខ្លួនកើនឡើងច្រើន វានឹងធ្វើឲ្យមានការកើតជាគ្រីស្តាលយ៉ាងឈឺចាប់ ឬវាកក់ទៅជុំសន្លាក់បាន ហើយវាក៏បង្កជាការឈឺចាប់ជាលក្ខណៈជំងឺរលាកសន្លាក់ហ្គោដតែម្តង។
ទោះបីជាយ៉ាងណាក៏ដោយ របបអាហារដើរតួនាទីដ៏សំខាន់មួយក្នុងការព្យាបាល និងបង្ការជំងឺសន្លាក់ហ្គោដបាន។ ខាងក្រោមនេះគឺជាអាហារមួយចំនួនដែលអ្នកគួរតែចៀសវាងបើសិនជាអ្នកកំពុងតែមានជំងឺរលាកសន្លាក់ហ្គោដ៖
ស្រាបៀរ
ការញ៉ាំស្រាបៀរគួរតែជារឿងចៀសវាងសម្រាប់អ្នកជំងឺងាយនឹងកើតរលាកសន្លាក់ហ្គោដ ព្រោះតែវានឹងបង្កើនចំនួនអាស៊ីតអ៊ុយរិក និងធ្វើឲ្យរាងកាយកាន់តែពិបាកក្នុងការកំចាត់វាចេញពីរាងកាយ។ ប៉ុន្តែស្រាអាចជាជម្រើសល្អវិញ គ្រាន់តែកុំញ៉ាំច្រើនពេក។
អាហារធ្វើពីទឹកដោះគោ
ផលិតផលធ្វើពីទឹកដោះគោដែលមានជាតិខ្លាញ់ខ្ពស់ដូចចា ការ៉េម និងទឹកដោះគោស្រស់ច្រើនតែជារឿងលើកទឹកចិត្តសម្រាប់អ្នកជំងឺរលាកសន្លាក់ហ្គោដ។ ប៉ុន្តែការសិក្សាបាននិយាយថា ការបង្កើនការញ៉ាំអាហារទាំងនេះ អាចបន្ថយការប្រឈមនឹងជំងឺរលាកសន្លាក់បាន។ ចូរចាំថា ផលិតផលធ្វើពីទឹកដោះគោដែលមិនមានជាតិខ្លាញ់ ឬខ្លាញ់ទាប សឹងតែល្អសម្រាប់អ្នកជំងឺរលាកសន្លាក់ហ្គោដ។
សាច់ក្រហម
សាច់គោគឺមានសារធាតុ Purine ខ្ពស់មួយ ដែលគួរតែចៀសវាង។ ខណៈពេលដែលសាច់គ្រឿងក្នុងដូចជា ខួរ ថ្លើម និងតម្រងនោម មិនមែនជាផ្នែកដ៏សំខាន់សម្រាប់របបអាហារអាមេរិកឡើយ ហើយក៏មិនល្អសម្រាប់របបអាហារក្នុងស្រុកខ្មែរយើងដែរ។
អាហារសមុទ្រ
អាហារសមុទ្រមួយចំនួនផ្ទុកទៅដោយសារធាតុ Purine ខ្ពស់ជាងគេ។ វាក៏ជាអាហារដ៏អាក្រក់បំផុតសម្រាប់អ្នកជំងឺរលាកសន្លាក់ហ្គោដដែរ ជាពិសស ក្តាម បង្កង ត្រីសមុទ្រតែម្តង ប៉ុន្តែត្រីសាលម៉ុងហាក់បីដូចជាករណីលើកលែងវិញ។
ភេសជ្ជៈមានជាតិផ្អែម
ចូរចៀសវាងភេសជ្ជៈដែលផ្អែមៗដែលមានសារធាតុ Fructose ខ្ពស់ដូចជា ភេសជ្ជៈផ្លែឈើ និងភេសជ្ជៈកំប៉ុងតែម្តង។ ភេសជ្ជៈទាំងនេះគឺងាយនឹងធ្វើឲ្យឡើងទម្ងន់ ហើយជាតិផ្ងែមនឹងភ្ញោចដល់រាងកាយផលិតអាស៊ីតអ៊ុយរិកកាន់តែច្រើន ហើយក៏ជារឿងដែលនាំឲ្យជំងឺរលាកសន្លាក់ហ្គោដកាន់តែធ្ងន់ថែមទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com