ជាតិ
សេដ្ឋកិច្ច
ធនាគារជាតិ ប្រាប់ឲ្យសាធារណជនប្រយ័ត្នការអូសទាញមិនត្រឹមត្រូវ ឲ្យដាក់ប្រាក់បញ្ញើ
× ភ្នំពេញ៖ ធនាគារជាតិនៃកម្ពុជា នៅថ្ងៃទី២៨ខែមីនា បានចេញសេចក្ដីប្រកាសព័ត៌មានមួយ ដើម្បីបង្កើនការប្រុងប្រយ័ត្នចំពោះការអូសទាញឲ្យសាធារណជន ដាក់ប្រាក់បញ្ញើជាមួយបុគ្គល ឬគ្រឹះស្ថានណាមួយ ដែលគ្មានសិទ្ធិទទួលប្រាក់បញ្ញើនោះ។
ធនាគារជាតិបានឲ្យដឹងដូច្នេះថា៖«ជនមួយចំនួន និងគ្រឹះស្ថានឥណទានជនបទមួយចំនួនតូចដែលបានកម្លាយខ្លួនពីអង្គការមិនមែនរដ្ឋាភិបាល កំពុងអូសទាញប្រជាពលរដ្ឋ តាមរយៈការប្រមូលប្រាក់បញ្ញើពីសាធារណជនក្រោមរូបភាព កិច្ចសន្យាខ្ចីប្រាក់ និងការផ្ដល់អត្រាការប្រាក់ខ្ពស់»។
ក្រៅពីធនាគារពាណិជ្ជ (ឧទាហរណ៍ ធនាគារអេស៊ីលីដា) មានតែគ្រឹះស្ថានមីក្រូហិរញ្ញវត្ថុចំនួន ៧ ប៉ុណ្ណោះ ដែលមានសិទ្ធិទទួលប្រាក់បញ្ញើពីសាធារណជន។ គ្រឹះស្ថានទាំងនោះ រួមមាន ប្រាសាក់, វីសិនហ្វាន់, ហត្ថាកសិករ, អេអឹមខេ, ក្រេឌីត, អម្រឹត, អិលអូអិលស៊ី។ នេះបើតាមសេចក្ដីប្រកាសព័ត៌មានខាងលើ។
ធនាគារជាតិបានផ្ដល់លេខទូរស័ព្ទទំនាក់ទំនង (Hotline)៖ ០៩៨ ២២០ ០០២/ ០៨៥ ៦០០ ០០៣/ ០៩៧ ២៧៨ ៣០៣០/ ០៩៨ ២២០ ០០១ ដើម្បីអាចឲ្យពលរដ្ឋ និងអាជ្ញាធរមូលដ្ឋាន អាចសាកសួរជុំវិញបញ្ហានេះ៕
© រក្សាសិទ្ធិដោយ thmeythmey.com