ពីនេះ ពីនោះ
ព័ត៍មានសុខភាព
មានដឹងអត់ថា ការហែលទឹកម្តងៗអាចរំលាយជាតិខ្លាញ់បានច្រើនប៉ុណ្ណាទៅ?
× ការហែលទឹកមិនគ្រាន់តែជាសកម្មភាពដែលសប្បាយរីករាយទេ តែវាក៏ល្អចំពោះសុខភាពបេះដូង និងកម្លាំងសាច់ដុំមនុស្សយើងដែឬ។ វាក៏ប្រហែលជាល្អសម្រាប់ការសម្រកទម្ងន់ទៀត។ ប៉ុន្តែដោយសារតែការហាត់ប្រាណមានច្រើនប្រភេទ ដូច្នេះការរក្សាតុល្យភាពនៃរបបអាហារបានត្រឹមត្រូវគឺជារឿងសំខាន់សម្រាប់ការសម្រកទម្ងន់។
នៅពេលហាត់ប្រាណ អត្រានៃការរំលាយអាហារអាចនឹងកើតឡើយ។ ឥទ្ធិពលដែលរឿងនេះមាន និងរយៈពេលយូរដែលវាធ្វើការគឺអាស្រ័យទៅតាមកត្តាជាច្រើនរួមទាំងភេទ សមាសធាតុក្នុងរាងកាយ និងសកម្មភាពដែលអ្នកកំពុងតែធ្វើ។
បុរសម្នាក់ដែលមានទម្ងន់ ៦៨គីឡូក្រាម នឹងអាចរំលាយជាតិខ្លាញ់រហូតដល់ ៤០០កាឡូរីក្នុងពេលហែលទឹកកម្រិតមធ្យមរយៈពេលមួយម៉ោង។ យ៉ាងណាមិញ រឿងនេះមិនមែនត្រូវគ្នានឹងមនុស្សគ្រប់គ្នាទាំងអស់ឡើយ។ ចំនួនកាឡូរីកដែលរំលាយនៅពេលហែលទឹកគឺអាស្រ័យទៅតាមកត្តាជាច្រើនដូចជា៖
• រយៈពេល
• ភាពខ្លាំងក្លា
• ចលនានៃការហែលទឹក
• ទម្ងន់
• ប្រសិទ្ធភាពនៃការហែលទឹក
នៅពេលអ្នកចាប់ផ្តើមកម្មវិធីហាត់ប្រាណគ្រប់ប្រភេទ វាគួរតែត្រូវដឹងនូវការងនុវត្តដែលល្អបំផុតដើម្បីរក្សាទម្លាប់ហាត់នេះឲ្យមានសុវត្ថិភាព និងមានលទ្ធផលល្អ។ យកល្អគួរតែចាប់ផ្តើមហាត់ប្រាណគ្រប់យ៉ាងដោយយឺតៗ។ នៅពេលអ្នកចាប់ផ្តើមហែលទឹក ចូរបង្កើនការហែលទឹកបន្តិចម្តងៗ។ នៅពេលអ្នកធ្វើវាច្រើនពេក និងលឿនពេក អ្នកអាចប្រឈមខ្ពស់នឹងការមានរបួសទោះបីជាការហែលទឹកនេះមិនមានជាកីឡាដែលប៉ះពាល់អ្វីខ្លាំងដល់រាងកាយក៏ដោយ។
ចូរចាប់ផ្តើមជាមយយនឹងការហែលទឹក មួយទៅបីដងក្នុងមួយសប្តាហ៍រយៈពេល ១០ ទៅ៣០នាទីក្នុងមួយដង។ ជារៀងរាល់សប្តាហ៍ អ្នកអាចបង្កើនរយៈពេល៥នាទីបន្ថែមទៀតបាន។ យកល្អគួរតែសម្រាកគ្រប់ពេលដែលអ្នកត្រូវការផង។ សម្រាប់ការហាត់ប្រាណដោយហែលទឹកដំបូង អ្នកប្រហែលជាអាចហែលត្រឹមតែទៅតែម្តងបានហើយ រួចសម្រាកសិន ចាំហែលទៅម្តងទៀត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com