កីឡាជាតិ
ជាតិ
អុកចត្រង្គ៖ ជើងខ្លាំងប្រចាំមណ្ឌលទាំង២៤រូប ប្រជែងគ្នាដណ្តើមកៅអីទៅអង្គរសង្ក្រាន្ត
×![]()
ក្រោយបញ្ចប់បេសកកម្មស្វែងរកជើងខ្លាំងប្រចាំមណ្ឌលទាំង៧ ការប្រកួតកីឡាអុកចត្រង្គចម្រាញ់រកជើងខ្លាំងឡើងទៅលេងក្នុងព្រឹត្តិការណ៍អង្គរសង្ក្រាន្តនាខេត្តសៀមរាប ដើម្បីអបអរពិធីបុណ្យចូលឆ្នាំថ្មី ត្រូវប្រកួតជម្រុះជុំទី២ នៅព្រឹកថ្ងៃទី៨ មេសានេះ។ ក្នុងចំណោមជើងខ្លាំងទាំង២៤រូប ប្រចាំមណ្ឌលទាំងនេះ ត្រូវប្រជែងគ្នាដណ្តើមកៅអីចំនួន៨ នៃព្រឹត្តិការណ៍អង្គរសង្ក្រាន្ត។
កីឡាករជើងខ្លាំងអុកចត្រង្គចំនួន២៤រូប ត្រូវប្រជែងគ្នាក្នុងវគ្គជម្រុះជុំទី២ ដើម្បីចម្រាញ់រកជើងខ្លាំងចំនួន៨រូបឡើងទៅប្រកួតក្នុងដំណាក់កាលផ្តាច់ព្រ័ត្រនាព្រឹត្តិការណ៍អង្គរសង្ក្រាន្តនៅខេត្តសៀមរាប ចាប់ពីថ្ងៃទី១៣-១៦ ខែមេសា ឆ្នាំ២០១៨។ ការប្រកួតជុំទី២នេះ ធ្វើឡើងចាប់ពីថ្ងៃទី៨ មេសា ឆ្នាំ២០១៨នេះតទៅ នៅទីស្នាក់ការនៃគណៈកម្មាធិការជាតិអូឡាំពិកកម្ពុជា។
កីឡាករទាំង២៤រូបដែលចូលរួមប្រកួតក្នុងជុំនេះ សុទ្ធសឹងជាកីឡាករជើងខ្លាំងដែលបានឆ្លងកាត់ការប្រកួតយ៉ាងស្វិតស្វាញប្រចាំមណ្ឌលទាំង៧ ទូទាំងប្រទេសកម្ពុជា។ ក្នុងចំណោមមណ្ឌលទាំង៧នេះ មានតែមណ្ឌលភ្នំពេញ១ទេ ដែលចម្រាញ់យកកីឡាករពី១ដល់៦ ខណៈមណ្ឌល៦ផ្សេងទៀតយកតែ៣នាក់ប៉ុណ្ណោះ។
កីឡាករជើងខ្លាំងទាំងនោះរួមមាន មណ្ឌលព្រះសីហនុ(ម៉ម ស៊ីថា, សុខ សំបូរ, ឃឹម ឃឹម), មណ្ឌលកំពង់ស្ពឺ(ស៊ីវ ស៊ីន, ហេង សៅឌី, និង មាស សុភក្តិ), មណ្ឌលកំពង់ចាម (ឈាវ បូរ៉ា, វ៉ាន់ រ៉ាស៊ីន,ធឹម ឌីណា), មណ្ឌលភ្នំពេញ(សុខ លឹមហេង, ខូវ គីមសែ, ឆយ វីរ៉ា, រស់ រិទ្ធីយ៉ា, ប៊ូ ប៊ុណ្ណម៉ាលីកា, កែវ វឌ្ឍនា), មណ្ឌលសៀមរាប(ជា ស៊ីដេត, ជៀក ផល្លី, អេង សេងហៀក), មណ្ឌលក្រចេះ(ប៉ោ សារិទ្ធ, ហូយ សូណា, ប៊ិន គាសេង) និងមណ្ឌលបាត់ដំបង(លឹម ផល្លា, ឃុត ប្រិមប្រិយ, កាំង ហេង)។
សម្រាប់ការប្រកួតជើងឯកអង្គរសង្ក្រាន្តកាលពីឆ្នាំ២០១៧ កីឡាករ ហេង សៅឌី ទទួលបានចំណាត់ថ្នាក់លេខ១, កីឡាករ ប៊ិន គាសេង លេខ២ និងកីឡាករ ឆយ វីរ៉ា លេខ៣, ឆ្នាំ២០១៦ លេខ១បានទៅកីឡាករ ហូយ សូណា, លេខ២ សេង សុធា និងលេខ៣បានទៅកីឡាករ នូ ច័ន្ទផានិត, ឆ្នាំ២០១៥ កីឡាករ ឈាវ បូរ៉ា ទទួលបានចំណាត់លេខ១, សុខ ភារ៉ា លេខ២ និង ប៊ិន គាសេង លេខ៣ និងឆ្នាំ២០១៤ កីឡាករ ឈាវ បូរ៉ា បានលេខ១, គ្រួច ចន្ថារិទ្ធ លេខ២ និងកីឡាករ សូ សំភី លេខ៣៕
Tag:
អុកចត្រង្គ
អង្គរសង្ក្រាន្ត
© រក្សាសិទ្ធិដោយ thmeythmey.com
