ប្រវត្តិវិទូអំពីប្រទេសកម្ពុជា លោក David Chandler ទទួលពានរង្វាន់ដ៏មានតម្លៃសម្រាប់ការសិក្សាតំបន់អាស៊ី
11, Apr 2018 , 7:59 pm
រូបភាព
លោក David Chandler បានទទួលពានរង្វាន់កំពូលពីសមាគមសម្រាប់ការសិក្សាតំបន់អាស៊ី នៅសន្និសីទប្រចាំឆ្នាំ ២០១៨ របស់សមាគមនេះ ក្នុងរដ្ឋធានីវ៉ាស៊ីនតោន កាលពីថ្ងៃទី២២ ដល់ថ្ងៃទី២៥ ខែមីនា។ (រូបថតផ្តល់ឲ្យដោយ Association for Asian Studies)
អ្នកឈ្នះពានរង្វាន់កំពូលនេះកាលពីមុន រួមមានបុគ្គលល្បីៗដូចជា លោកសមាជិកព្រឹទ្ធសភា J. William Fulbright និងអ្នកវិទ្យាសាស្ត្រនយោបាយ Benedict Anderson។
សៀវភៅទាំងប្រាំក្បាលរបស់លោក Chandler អំពីប្រទេសកម្ពុជា ដែលក្នុងនោះមានសៀវភៅដ៏មានឥទ្ធិពលបោះពុម្ពឆ្នាំ១៩៨៣មួយ មានចំណងជើងថា «ប្រវត្តិសាស្ត្រប្រទេសកម្ពុជា» ឬ A History of Cambodia ត្រូវបានគេប្រើប្រាស់ក្នុងថ្នាក់រៀនជាច្រើនទូទាំងពិភពលោក ហើយសៀវភៅទាំងនោះក៏ត្រូវបានគេបកប្រែទៅជាច្រើនភាសាផងដែរ។ អ្វីដែលសំខាន់ជាងនេះទៅទៀតនោះគឺ លោក Chandler ត្រូវបានគេសរសើរថា លោកបានជួយបណ្ដុះបណ្ដាលបញ្ញវ័ន្តមួយជំនាន់ ដែលផ្ដោតការសិក្សាលើប្រទេសកម្ពុជា ហើយនិងបានជួយធ្វើឲ្យប្រទេសកម្ពុជាក្លាយជាជំនាញសិក្សាមួយ។