ជាតិ
បទយកការណ៍ / បទសម្ភាសន៍
វីដេអូ
សង្រ្កាន្តឆ្នាំថ្មី
លោក ហ៊ុន ម៉ានី៖«ខ្ញុំស្រឡាញ់កម្ពុជា ខ្ញុំស្រឡាញ់វប្បធម៌ខ្មែរ…»
× នៅក្នុងកិច្ចសម្ភាសជាមួយអ្នកកាសែតនៅក្នុងខេត្តសៀមរាប លោក ហ៊ុន ម៉ានី បានមានប្រសាសន៍ច្រើនអំពីសារសំខាន់នៃការគាស់រំលើងឡើងវិញនូវសម្បត្តិវប្បធម៌ខ្មែរ ក្នុងព្រឹត្តិការណ៍អង្គរសង្ក្រាន្ត។ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានផ្តល់សម្ភាសដល់អ្នកកាសែតនៅក្នុងទីធ្លាប្រាសាទអង្គរវត្តនៅព្រឹកថ្ងៃទី១២ខែមេសា បន្ទាប់ពីលោកចូលរួមក្នុងពិធីបែបសាសនាបួងសួងសុំសេចក្តីសុខ។ ពិធីនេះតែងត្រូវបានរៀបចំ នៅមុនមួយថ្ងៃនៃការសម្ពោធបើកព្រឹត្តិការណ៍អង្គរសង្គ្រាន្ត។
«ខ្ញុំស្រឡាញ់កម្ពុជា ខ្ញុំស្រឡាញ់ប្រទេសយើង ខ្ញុំស្រឡាញ់ប្រជាជនយើង ខ្ញុំស្រឡាញ់វប្បធម៌យើង។ យើងមានតួនាទីចូលរួមថែរក្សាការពារ និងលើកតម្កើងវប្បធម៌ខ្មែរ កីឡា សន្តិសុខ…»។ លោក ហ៊ុន ម៉ានី កំពុងតែនិយាយពីមូលហេតុដែលសហភាពសហព័ន្ធយុវជនកម្ពុជាផ្តួចផ្តើមបង្កើតព្រឹត្តិការណ៍អង្គរសង្ក្រាន្ត និងនាំយកសកម្មភាពវប្បធម៌ និងសិល្បៈដូនតារហូតដល់ឆ្នាំទី៦នេះ មកបង្ហាញសាធារណជនខ្មែរ។
សូមអញ្ជើញស្តាប់បទសម្ភាសដូចតទៅ៖
ហេតុអ្វីសកម្មភាពសិល្បៈវប្បធម៌? សម្រាប់លោក ហ៊ុន ម៉ានី តួនាទីព្រឹត្តិការណ៍អង្គរសង្ក្រាន្ត គឺការបំផុសឲ្យមានការស្វែងយល់ពីសិល្បៈ វប្បធម៌ តាមរយៈការដាក់បង្ហាញនៅក្នុងរយៈពេលនៃពិធីចូលឆ្នាំនេះ។ លោកបន្តថា លុះត្រាតែប្រជាជនយល់ពីវត្ថុសិល្បៈ និងវប្បធម៌ ទើបពួកគេអាចស្រឡាញ់ ហើយបន្ទាប់មកពួកគេនឹងអាចចូលរួមការពារ និងផ្សព្វផ្សាយ។
«បើសិនជាយើងមិនស្វែងយល់ និងឲ្យតម្លៃខ្លួនឯង តើអ្នកណានឹងមានមោទកភាព មកស្រឡាញ់ និងមកថែរក្សាមរតកដូនតាយើង?» នេះជាសំណួររបស់ប្រធានសហភាពសហព័ន្ធយុវជនកម្ពុជា៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។
© រក្សាសិទ្ធិដោយ thmeythmey.com