កីឡាជាតិ
ជាតិ
កីឡាករ ឈាវ បូរ៉ា (ឆ្វេង)ប្រកួតជាមួយកីឡាករ មាស សុភក្តិ ក្នុងវគ្គ១២នាក់ចុងក្រោយ
×![]()
ទាំងម្ចាស់ជើងឯកពីរជំនាន់ ឈាវ បូរ៉ា កីឡាករ ស៊ីវ ស៊ីន និងកីឡាករ អេង សេងហៀក ដែលជាបេក្ខភាពទទួលបានកៅអីវគ្គ៨នាក់ចុងក្រោយ សុទ្ធតែចាត់ទុកកីឡាករ សុខ លឹមហេង ជាឧបសគ្គសម្រាប់ខ្លួនក្នុងការប្រជែងជើងឯកព្រឹត្តិការណ៍អង្គរសង្ក្រាន្តនៅឆ្នាំនេះ។ តែយ៉ាងណា ពួកគេទាំងបីសុទ្ធតែបានប្តេជ្ញាប្រឹងប្រែងបង្កើនការហ្វឹកហាត់បន្ថែម និងបង្ហាញក្តីរំពឹងខ្ពស់រៀងៗខ្លួន។
កីឡាករ សុខ លឹមហេង ដែលគេចាត់ទុកជាតារារះថ្មីក្នុងវិថីស្តេចអុក ត្រូវបានកីឡាករមួយចំនួនរួមមានម្ចាស់ជើងឯកពីរជំនាន់ ឈាវ បូរ៉ា, ស៊ីន ស៊ីវ និងកីឡាករ អេង សេងហៀក ស្ងប់ស្ងែងពីការរីកចម្រើនផ្នែកបច្ចេកទេសនៃការលេងអុកចត្រង្គរបស់គេ។ មិនត្រឹមតែប៉ុណ្ណោះ ពួកគេបានចាត់ទុកម្ចាស់ជើងឯកប្រចាំមណ្ឌលភ្នំពេញរូបនេះ ជាឧបសគ្គក្នុងការប្រជែងដណ្តើមជើងឯកប្រចាំព្រឹត្តិការណ៍អង្គរសង្ក្រាន្តនៅឆ្នាំនេះទៀតផង។
ក្នុងបទសម្ភាសជាមួយសារព័ត៌មាន thmeythmey.com កីឡាករ ឈាវ បូរ៉ា បានរៀបរាប់យ៉ាងថា៖«តាមធម្មតាកីឡាករដែលចូលក្នុងកម្រិត៨នាក់ចុងក្រោយ គឺពួកគាត់សុទ្ធតែមានសមត្ថភាពខ្លាំង។ ប៉ុន្តែឃើញកីឡាករម្នាក់ គាត់មានសន្ទុះខ្លាំង ហើយនៅក្មេងទៀត គឺកីឡាករ សុខ លឹមហេង»។
នៅពេលសួរពីក្តីរំពឹងក្នុងការគ្រងជើងឯកនៅឆ្នាំនេះ ម្ចាស់ជើងឯកពីរជំនាន់(២០១៤-២០១៥)រូបនេះ បានអះអាងយ៉ាងដូច្នេះថា៖«ឆ្នាំនេះខ្ញុំមានសង្ឃឹមជាងឆ្នាំមុនៗដោយសារឆ្នាំនេះ ខ្ញុំបានប្រើពេលវេលារបស់ខ្ញុំហ្វឹកហាត់ និងតាមដានសាច់ស្នៀតនៃកីឡាករនីមួយៗ អត់ដូចឆ្នាំមុនខ្ញុំធ្វេសប្រហែសមែនទែន។ ប៉ុន្តែឲ្យសង្ឃឹមយ៉ាងមុតមាំថាគ្រងជើងឯកតែម្តង គឺមិនហ៊ាននោះទេ ព្រោះកីឡាករយើងសុទ្ធតែខ្លាំងៗ ដែលយើងមិនអាចស្មានដល់»។
ជាមួយគ្នានេះ កីឡាករ ស៊ីវ ស៊ីន ដែលទទួលបានឱកាសជាលើកដំបូងសម្រាប់កៅអី៨នាក់នៃព្រឹត្តិការណ៍អង្គរសង្ក្រាន្តក្រោយយកឈ្នះកីឡាករ ប៊ិន គាសេង ដោយសម្លាប់ក្នុងវគ្គ១២នាក់ចុងក្រោយបានបញ្ជាក់យ៉ាងដូច្នេះថា៖«ខ្ញុំសង្ឃឹម៥០ភាគរយដែរ តែខ្ញុំនឹងប្រឹងប្រែងឲ្យអស់ពីសមត្ថភាព ព្រោះកីឡាករដែលចូលរួមសុទ្ធតែខ្លាំងៗ ពិសេសកីឡាករ ឈាវ បូរ៉ា និង សុខ លឹមហេង ដែលពួកគេសុទ្ធតែមានសមត្ថភាពខ្លាំង និងនៅក្មេងទៀតផង»។
មិនខុសគ្នាពីកីឡាករទាំងពីរនាក់ខាងលើនោះទេ កីឡាករ អេង សេងហៀក ដែលទម្លាក់កីឡាករ ឃុត ប្រិមប្រិយ ក្នុងវគ្គ១២នាក់ចុងក្រោយដើម្បីបានកៅអីឡើងទៅវគ្គ៨នាក់ចុងក្រោយបានរៀបរាប់ថា៖«រឿងជើងឯកនឹងខ្ញុះក៏ចង់បានដែរ ព្រោះវាជាកិត្តិយសធំធេងណាស់។ សម្រាប់ការប្រកួតនេះខ្ញុំគិតថា ក្នុងចំណោមអ្នកទាំងនោះគឺយើងមិនងាយក្នុងការយកឈ្នះនោះទេ។ តែខ្ញុំនឹងប្រឹងប្រែង ហើយខ្ញុំនឹងតាំងអារម្មណ៍ឲ្យមូលក្នុងប្រជែងជើងខ្លាំងទាំងនេះ។ ខ្ញុំរំពឹងថា ខ្ញុំនឹងធ្វើបាលល្អនៅលើកនេះ»។
នៅពេលសួរពីកីឡាជើងខ្លាំងដែលជាឧបសគ្គសម្រាប់ខ្លួន សេងហៀក បាននិយាយថា៖«កីឡាករល្អរៀងៗខ្លួន ប៉ុន្តែកីឡាករដែលកម្ពុជាយើងទទួលស្គាល់ថាពូកែ ខ្ញុំឃើញមានពីររូប គឺកីឡាករ ឈាវ បូរ៉ា និងកីឡាករ សុខ លឹមហេង។ គាត់ទាំងពីរនាក់នឹង ខ្ញុំឃើញថា មានសមត្ថភាពរាងលើគេបន្តិច តែការប្រកួតពីរទៅបីប្រកួតមិនអាចបញ្ជាក់ថាយើងខ្លាំងនោះឡើយ»។
គួរបញ្ជាក់ថា កីឡាករ សុខ លឹមហេង ជាម្ចាស់ជើងឯកប្រចាំមណ្ឌលភ្នំពេញ ក្រោយឆ្លងការប្រកួតយ៉ាងស្វិតស្វាញក្នុងចំណោមកីឡាករជាង៦០នាក់នាព្រឹត្តិការណ៍បុណ្យទន្លេនៅក្រុងតាខ្មៅខេត្តកណ្តាល។ រូបគេជាកីឡាករលេខ១ប្រចាំពូល B ក្នុងវគ្គជម្រុះជុំទី២នៅទីស្នាក់ការ NOCC ហើយគេក៏ជាកីឡាករជម្រើសជាតិប្រចាំសហព័ន្ធកីឡាអុកចត្រង្គកម្ពុជាផងដែរ។
កីឡាករ ឈាវ បូរ៉ា, ស៊ីវ ស៊ីន និង អេង សេងហៀក រួមទាំងកីឡាករ៥រូបផ្សេងទៀត ត្រូវប្រជែងគ្នាក្នុងវគ្គជម្រុះចុងក្រោយក្នុងព្រឹត្តិការណ៍អង្គរសង្ក្រាន្តនាខេត្តសៀមរាប ដែលគ្រោងរៀបចំពីថ្ងៃទី១៣-១៦ ខែមេសា ឆ្នាំ២០១៨៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។
Tag:
អុកចត្រង្គ
ឈាវ បូរ៉ា
ស៊ីវ ស៊ីន
ហេង សេងហៀក
សុខ លឹមហេង
សង្ក្រាន្ត
© រក្សាសិទ្ធិដោយ thmeythmey.com
