ជាតិ
នយោបាយជាតិ
ព្រះមហាក្សត្រផ្ញើព្រះរាជសារអបអរការកាន់តំណែងរបស់លោក Miguel Diaz-Canel នៅគុយបា
× ព្រះមហាក្សត្រ ព្រះករុណា ព្រះបាទសម្តេចព្រះបរមនាថ នរោត្តម សីហមុនី កាលពីថ្ងៃទី២០ ខែមេសា បានផ្ញើព្រះរាជសារអបអរការកាន់តំណែងរបស់លោក Miguel Diaz-Canel ជាប្រមុខរដ្ឋគុយបា ពោលគឺក្នុងតំណែងជាប្រធានក្រុមប្រឹក្សារដ្ឋ និងជាប្រធានក្រុមប្រឹក្សារដ្ឋមន្ត្រីនៃសាធារណរដ្ឋគុយបា។
ក្នុងព្រះរាជសារជាភាសាបារាំង ព្រះករុណាព្រះមហាក្សត្រ បានប្រទានពរដល់លោក Miguel Diaz-Canel ជោគជ័យក្នុងបេសកកម្មបម្រើជាតិរបស់ខ្លួន ហើយព្រះអង្គ ទ្រង់មានជំនឿថា ទំនាក់ទំនងមិត្តភាពជាប្រពៃណីរវាងប្រទេសទាំងពីរ បន្តអភិវឌ្ឍន៍ទៅមុខ។
សភាគុយបាបានសម្រេចបោះឆ្នោតផ្តល់សេចក្តីទុកចិត្តដល់លោក Miguel Díaz-Canel ដែលជាអនុប្រធានាធិបតីគុយបា ឲ្យធ្វើជាប្រធានាធិបតីថ្មីជំនួសលោក រ៉ាអ៊ូល កាស្ត្រូ ដែលបានប្រកាសចុះចេញពីតំណែងកន្លងមក។
លោក Miguel Díaz-Canel បានឡើងកាន់តំណែងជាប្រធានាធិបតីផ្លូវការ កាលពីថ្ងៃព្រហស្បតិ៍ទី ១៩ ខែមេសា។ មេដឹកនាំថ្មីនេះបានប្រកាសបន្តដើរលើផ្លូវបដិវត្តន៍ និងប្តេជ្ញាមិនទទួលយករបបមូលធននិយមផងដែរ៕
Tag:
ព្រះមហាក្សត្រ
គុយបា
© រក្សាសិទ្ធិដោយ thmeythmey.com