អន្តរជាតិ
យាយ Tajima ស្ត្រីចុងក្រោយដែលកើតនៅសតវត្សរ៍ទី១៩ ទទួលមរណភាពក្នុងអាយុ១១៧ឆ្នាំ
× លោកយាយជនជាតិជប៉ុន Nabi Tajima ដែលជាប់កំណត់ត្រាជាមនុស្សមានវ័យចំណាស់ជាងគេលើពិភពលោក បានទទួលមរណភាពក្នុងអាយុ១១៧ឆ្នាំ និង២៦០ថ្ងៃ កាលពីថ្ងៃទី២១ ខែមេសា នៅមន្ទីរពេទ្យក្នុងក្រុង Kikai ភាគខាងត្បូងប្រទេសជប៉ុន។ នេះបើយោងតាមការផ្សាយរបស់ AP។
កើតនៅថ្ងៃទី៤ ខែសីហា ឆ្នាំ១៩០០ នៅកោះ Kikaigashima លោកយាយ Nabi Tajima បានក្លាយជាមនុស្សចុងក្រោយដែលកើតនៅសតវត្សរ៍ទី១៩ បន្ទាប់ពីលោកយាយហ្សាម៉ៃអ៊ីក Violet Moss-Brown បានទទួលមរណភាពក្នុងអាយុ១១៧ឆ្នាំដូចគ្នា កាលពីថ្ងៃទី១៦ ខែកញ្ញា ឆ្នាំ២០១៧ ។
ក្រោយមរណភាពរបស់លោកយាយ Brown លោកយាយ Tajima បានគ្រប់គ្រងកំណត់ត្រាពិភពលោកជាមនុស្សចំណាស់ជាងគេ បានរយៈពេល៧ខែ។ អ្នកដែលត្រូវបានបន្តទទួលកំណត់ត្រានេះ គឺលោកយាយជប៉ុនម្នាក់ទៀតឈ្មោះ Chiyo Miyako ដែលបានកើតកាលពីឆ្នាំ១៩០១ ។
ក្រៅពីបានកំណត់ត្រាជាមនុស្សចាស់នៅរស់ដែលមានវ័យចំណាស់ជាងគេ ជប៉ុនក៏គ្រប់គ្រងកំណត់ត្រាផ្នែកបុរសផងដែរ ដោយការពេលថ្មីៗកន្លងមកនេះ Guinness World Records បានផ្តល់លិខិតបញ្ជាក់ជូនលោក Masazo Nonaka ដែលឈានចូលវ័យ១១២ ឆ្នាំ៕
Tag:
Guinness Book
ចំណាស់
© រក្សាសិទ្ធិដោយ thmeythmey.com