អន្តរជាតិ
ម៉ាក្រុងប្រាប់សភាអាមេរិកកុំព្យាយាមគេចពីការដោះស្រាយបញ្ហាប្រែប្រួលអាកាសធាតុពិភពលោក
×![]()
ថ្ងៃពុធ ទី២៥ ខែមេសា ប្រធានាធិបតីបារាំងលោក អេម៉ានុយអែល ម៉ាក្រុង បានពន្យល់ប្រាប់សមាជិកសភាអាមេរិកថា ពិភពលោកទាំងមូលត្រូវរួបរួមគ្នាដើម្បីដោះស្រាយបញ្ហាប្រែប្រួលអាកាសធាតុសាកល ហើយលោកសង្ឃឹមថាអាមេរិកនឹងត្រឡប់មកចូលរួមជាមួយគេឯងវិញដើម្បីដោះស្រាយបញ្ហានេះ។
ក្នុងសុន្ទរកថារយៈពេលជិតមួយម៉ោងក្នុងនាមជាភ្ងៀវ លោក ម៉ាក្រុង បានលើកឡើងពីសារសំខាន់ និងកាតព្វកិច្ចរបស់មនុស្សគ្រប់គ្នាក្នុងការដោះស្រាយបញ្ហាប្រែប្រួលអាកាសធាតុដើម្បីអនាគតមនុស្សជំនាន់ក្រោយ។
មេដឹកនាំបារាំងរូបនេះបានសង្កត់ធ្ងន់ថា មនុស្សគ្រប់គ្នាបច្ចុប្បន្នកំពុងបំផ្លាញផែនដី ដែលជាអនាគតរបស់មនុស្សជំនាន់ក្រោយ។ ដូច្នេះហើយគ្មានអ្នកណាម្នាក់គួររត់គេចពីការទទួលខុសត្រូវក្នុងការដោះស្រាយបញ្ហាឡើយ។
«អ្វីទៅជានិយមន័យនៃជីវិតរបស់យើង បើសិនជាយើងធ្វើការងារនិងរស់នៅបំផ្លាញផែនដី និងលះបង់អ្វីៗដែលជាអនាគតរបស់កូនចៅយើង។ អ្វីដែលជានិយមន័យនៃជីវិត បើសិនជាការសម្រេចចិត្តរបស់យើងគឺកាត់បន្ថយឱកាសសម្រាប់កូនចៅរបស់យើងនោះ»។ នេះជាការលើកឡើងរបស់លោក ម៉ាក្រុង។
«ដោយការបំពុលសមុទ្រ និងមិននាំគ្នាដោះស្រាយការបញ្ចេញឧស្ម័នកាបូនិច ហើយបំផ្លាញជីវចម្រុះ យើងទាំងអស់គ្នានេះកំពុងសម្លាប់ផែនដីហើយ។ យើងត្រូវប្រឈមជាមួយបញ្ហានេះ។ វាគ្មានឡើតផែនការបន្ទាប់នោះ។ យើងត្រូវសហការគ្នាដើម្បីធ្វើឲ្យផែនដីអស្ចារ្យជាថ្មីម្តងទៀត»។ លោកបន្តដូច្នេះហើយសមាជិកសភាអាមេរិកទាំងពីរក្រោកឈរ និងទះដៃសាទរកងរំពងផង។
ក្រៅពីលើកឡើងពីសារសំខាន់នៃការដោះស្រាយបញ្ហាប្រែប្រួលអាកាសធាតុនេះ លោក ម៉ាក្រុង បានបង្ហាញភាពសុទិដ្ឋិនិយមថា អាមេរិកអាចនឹងត្រឡប់ចូលមកក្នុងកិច្ចព្រមព្រៀងអាកាសធាតុក្រុងប៉ារីសឆ្នាំ ២០១៥ នៅពេលខាងមុខ។ គួររម្លឹកបនិ្តចផងដែរថា វាជាកិច្ចព្រមព្រៀងអន្តរជាតិមួយដែលលោក បារ៉ាក់ អូបាម៉ា ប្រឹងប្រែងគាំទ្រកាលលោកនៅជាប្រធានាធិបតីផងនោះ។
តាមពិតទៅ លោក ដូណាល់ ត្រាំ មិនជឿលើការប្រែប្រួលអាកាសធាតុឡើយ ហើយប្រាំខែក្រោយពេលដែលលោកចូលកាន់តំណែង មេដឹកនាំអាមេរិករូបនេះប្រកាសដកអាមេរិកចេញពីកិច្ចព្រមព្រៀងអន្តរជាតិនេះទៀត។ ដូច្នេះហើយ អាមេរិកក្លាយជាប្រទេសតែមួយលើពិភពលោក ដែលមិនចូលរួមជាមួយគេ ខណៈដែលប្រទេស ១៩៧ ចុះហត្ថលេខាលើកិច្ចព្រមព្រៀងនេះរួចទៅហើយ។
កិច្ចព្រមព្រៀងអាកាសធាតុក្រុងប៉ារីសមានគោលដៅសំខាន់ចូលរួមដោះស្រាយបញ្ហាប្រែប្រួលអាកាសធាតុសាកល ដោយជំរុញឲ្យបណ្តាប្រទេសជាភាគីចូលរួមធ្វើយ៉ាងណាកម្រិតការកើនឡើងនៃកម្តៅផែនដីត្រឹម ១,៥ ទៅ ២ អង្សាសេប៉ុណ្ណោះនៅត្រឹម២០១០០នោះ។ ក្រៅពីនេះ វាក៏មានគោលដៅជំរុញការប្រមែរប្រមូលហិរញ្ញវត្ថុឲ្យបានរហូតដល់ ១០០ពាន់លានដុល្លារដើម្បីជួយប្រទេសកំពុងអភិវឌ្ឍដោះស្រាយបញ្ហាប្រែប្រួលអាកាសធាតុនេះត្រឹមឆ្នាំ ២០២០៕
ក្នុងសុន្ទរកថារយៈពេលជិតមួយម៉ោងក្នុងនាមជាភ្ងៀវ លោក ម៉ាក្រុង បានលើកឡើងពីសារសំខាន់ និងកាតព្វកិច្ចរបស់មនុស្សគ្រប់គ្នាក្នុងការដោះស្រាយបញ្ហាប្រែប្រួលអាកាសធាតុដើម្បីអនាគតមនុស្សជំនាន់ក្រោយ។
មេដឹកនាំបារាំងរូបនេះបានសង្កត់ធ្ងន់ថា មនុស្សគ្រប់គ្នាបច្ចុប្បន្នកំពុងបំផ្លាញផែនដី ដែលជាអនាគតរបស់មនុស្សជំនាន់ក្រោយ។ ដូច្នេះហើយគ្មានអ្នកណាម្នាក់គួររត់គេចពីការទទួលខុសត្រូវក្នុងការដោះស្រាយបញ្ហាឡើយ។
«អ្វីទៅជានិយមន័យនៃជីវិតរបស់យើង បើសិនជាយើងធ្វើការងារនិងរស់នៅបំផ្លាញផែនដី និងលះបង់អ្វីៗដែលជាអនាគតរបស់កូនចៅយើង។ អ្វីដែលជានិយមន័យនៃជីវិត បើសិនជាការសម្រេចចិត្តរបស់យើងគឺកាត់បន្ថយឱកាសសម្រាប់កូនចៅរបស់យើងនោះ»។ នេះជាការលើកឡើងរបស់លោក ម៉ាក្រុង។
«ដោយការបំពុលសមុទ្រ និងមិននាំគ្នាដោះស្រាយការបញ្ចេញឧស្ម័នកាបូនិច ហើយបំផ្លាញជីវចម្រុះ យើងទាំងអស់គ្នានេះកំពុងសម្លាប់ផែនដីហើយ។ យើងត្រូវប្រឈមជាមួយបញ្ហានេះ។ វាគ្មានឡើតផែនការបន្ទាប់នោះ។ យើងត្រូវសហការគ្នាដើម្បីធ្វើឲ្យផែនដីអស្ចារ្យជាថ្មីម្តងទៀត»។ លោកបន្តដូច្នេះហើយសមាជិកសភាអាមេរិកទាំងពីរក្រោកឈរ និងទះដៃសាទរកងរំពងផង។
ក្រៅពីលើកឡើងពីសារសំខាន់នៃការដោះស្រាយបញ្ហាប្រែប្រួលអាកាសធាតុនេះ លោក ម៉ាក្រុង បានបង្ហាញភាពសុទិដ្ឋិនិយមថា អាមេរិកអាចនឹងត្រឡប់ចូលមកក្នុងកិច្ចព្រមព្រៀងអាកាសធាតុក្រុងប៉ារីសឆ្នាំ ២០១៥ នៅពេលខាងមុខ។ គួររម្លឹកបនិ្តចផងដែរថា វាជាកិច្ចព្រមព្រៀងអន្តរជាតិមួយដែលលោក បារ៉ាក់ អូបាម៉ា ប្រឹងប្រែងគាំទ្រកាលលោកនៅជាប្រធានាធិបតីផងនោះ។
តាមពិតទៅ លោក ដូណាល់ ត្រាំ មិនជឿលើការប្រែប្រួលអាកាសធាតុឡើយ ហើយប្រាំខែក្រោយពេលដែលលោកចូលកាន់តំណែង មេដឹកនាំអាមេរិករូបនេះប្រកាសដកអាមេរិកចេញពីកិច្ចព្រមព្រៀងអន្តរជាតិនេះទៀត។ ដូច្នេះហើយ អាមេរិកក្លាយជាប្រទេសតែមួយលើពិភពលោក ដែលមិនចូលរួមជាមួយគេ ខណៈដែលប្រទេស ១៩៧ ចុះហត្ថលេខាលើកិច្ចព្រមព្រៀងនេះរួចទៅហើយ។
កិច្ចព្រមព្រៀងអាកាសធាតុក្រុងប៉ារីសមានគោលដៅសំខាន់ចូលរួមដោះស្រាយបញ្ហាប្រែប្រួលអាកាសធាតុសាកល ដោយជំរុញឲ្យបណ្តាប្រទេសជាភាគីចូលរួមធ្វើយ៉ាងណាកម្រិតការកើនឡើងនៃកម្តៅផែនដីត្រឹម ១,៥ ទៅ ២ អង្សាសេប៉ុណ្ណោះនៅត្រឹម២០១០០នោះ។ ក្រៅពីនេះ វាក៏មានគោលដៅជំរុញការប្រមែរប្រមូលហិរញ្ញវត្ថុឲ្យបានរហូតដល់ ១០០ពាន់លានដុល្លារដើម្បីជួយប្រទេសកំពុងអភិវឌ្ឍដោះស្រាយបញ្ហាប្រែប្រួលអាកាសធាតុនេះត្រឹមឆ្នាំ ២០២០៕
Tag:
អេម៉ានុយអែល ម៉ាក្រុង
កិច្ចព្រមព្រៀងអាកាសធាតុក្រុងប៉ារីស
ដូណាល់ ត្រាំ
© រក្សាសិទ្ធិដោយ thmeythmey.com
