វិទ្យាសាស្រ្ត និង បច្ចេកវិទ្យា
សេដ្ឋកិច្ចអន្តរជាតិ
ការនាំចេញ Smatphone របស់កូរ៉េខាងត្បូង កើនឡើងជាងការរំពឹងទុក
× យោងតាមការផ្សាយរបស់ bloomberg ការនាំចេញប្រភេទទូរស័ព្ទSmatphone របស់ប្រទេសកូរ៉េខាងត្បូង បានកើនឡើងជាងការរំពឹងទុក នៅក្នុងខែឧសភាកន្លងទៅនេះ។ កំណើននៃការនាំចេញទូរស័ព្ទ smartphone នេះមានលក្ខណៈប្រសើរឡើង ដោយសារមានតម្រូវការច្រើនពីសហរដ្ឋអាមេរិក និងប្រទេសចិន ព្រមទាំងបណ្ដាលមកពី អត្រាប្ដូរប្រាក់យ៉េនបានធ្លាក់ចុះនៅក្នុងខែនេះ ។
ក្រសួងពាណិជ្ជកម្មរបស់កូរ៉េខាងត្បូង នៅថ្ងៃនេះក៏បានឲ្យដឹងដែរថា ការលក់ទូរស័ព្ទប្រភេទ smartphone បានកើនឡើង ព្រោះតែតម្រូវការ នៅក្នុងសហរដ្ឋអាមេរិក និងប្រទេសចិន។ ប៉ុន្តែការធ្លាក់ចុះរបស់ប្រាក់យ៉េននេះដែរ វាក៏ជាការព្រួយបារម្ភដ៏ធំមួយ សម្រាប់ការនាំចេញរបស់យើង ព្រោះវាអាចនឹងមានការធា្លក់ចុះផងដែរ ប្រសិនបើការធ្លាក់ចុះ របស់ប្រាក់យ៉េន បន្តចុះក្នុងរយះពេលយូរ និងមានការធ្លាក់ចុះបន្ថែមទៀតនោះ។
ការនាំចេញទៅក្រៅប្រទេសបានកើនឡើង ៣.២ភាគរយ កាលពីមួយឆ្នាំមុន បន្ទាប់ពីមានកំណើន ០.៤ ភាគរយនៅក្នុងខែមេសា។ នេះបើយោងតាមឱ្យដឹង ក្នុងសេចក្តីថ្លែងការណ៍មួយ របស់ក្រសួងពាណិជ្ជកម្ម ឧស្សាហកម្ម និងថាមពលកូរ៉េខាងត្បូងនៅថ្ងៃនេះ។
អ្នកបង្កើតគោលនយោបាយ នៅក្នុងប្រទេសកូរ៉េខាងត្បូង បានកិច្ចខិតខំប្រឹងប្រែងពិចារណា ធ្វើយ៉ាងណាដើម្បីជំរុញសេដ្ឋកិច្ច ជាមួយនឹងសកម្មភាពសារពើពន្ធ និងរូបិយវត្ថុ។ ខណៈពេលដែលការផ្តល់ការគាំទ្រផ្នែកហិរញ្ញវត្ថុសម្រាប់ការនាំចេញនោះ គឺដើម្បីទប់ទល់ជាមួយនឹងការធ្លាក់ចុះប្រាក់យ៉េនហើយការនាំចេញទៅក្រៅប្រទេស គឺមានចំនួនស្មើនឹងពាក់កណ្តាលនៅក្នុងសេដ្ឋកិច្ចរបស់កូរ៉េខាងត្បូងទាំងមូល៕
© រក្សាសិទ្ធិដោយ thmeythmey.com