អ្នកសេដ្ឋកិច្ច ឆ្ងល់សិស្សឥឡូវខ្សោយគណិតវិទ្យា

ជាតិ

សេដ្ឋកិច្ច

អ្នកសេដ្ឋកិច្ច ឆ្ងល់សិស្សឥឡូវខ្សោយគណិតវិទ្យា

09, May 2018 , 10:51 pm

រូបភាព

ដោយ:

ភ្នំពេញ៖ លោក វង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ បានទាញការចាប់អារម្មណ៍មួយថា សិស្សបច្ចុប្បន្នហាក់ខ្សោយគណិតវិទ្យា និងមិនចង់រៀនមុខវិជ្ជានេះ។ លោកលើកឡើងដូចនេះ ដោយចង់ផ្សារភ្ជាប់នឹងមុខរបរការងារ។ លោក វង្សី វិស្សុត លើកឡើងថា មុខវិជ្ជាគណិត និងមុខវិជ្ជាវិទ្យាសាស្ត្រដទៃទៀត សំខាន់ណាស់សម្រាប់ឈោងចាប់ការងារ ជាអាទិ៍ ជំនាញវិស្វកម្ម ដែលកម្ពុជាកំពុងខ្វះអ្នកជំនាញផ្នែកនេះ ហើយការងារនេះក៏ផ្ដល់ប្រាក់កម្រៃខ្ពស់គួរសម។

សូមស្ដាប់ប្រសាសន៍លោក វង្សី វិស្សុត ខាងក្រោមនេះ៖

ថ្លែងនៅក្នុងសិក្ខាសាលាស្ដីពីសេដ្ឋកិច្ចឌីជីថលនៅកម្ពុជា នៅថ្ងៃទី៩ខែឧសភា លោក វង្សី វិស្សុត បានជំរុញឲ្យស្ថាប័នពាក់ព័ន្ធ សិក្សាលើបញ្ហាសិស្សរៀនខ្សោយគណិតវិទ្យានេះ ដែលអាចមកពីបញ្ហាសង្គម ឬនិន្នាការទីផ្សារការងារ។

លោក វង្សី វិស្សុត មានប្រសាសន៍ថា ការផ្គត់ផ្គង់កម្លាំងពលកម្មជំនាញផ្នែកវិទ្យាសាស្ត្រ និងបច្ចេកវិទ្យា ឲ្យឆ្លើយតបតម្រូវការទីផ្សារ គឺមិនមែនផ្អែកតែលើការរៀបចំនៅថ្នាក់ឧត្តមសិក្សាប៉ុណ្ណោះនោះទេ ប៉ុន្តែការអប់រំបណ្ដុះបណ្ដាលសិស្សានុសិស្សតាំងពីថ្នាក់តូចៗគឺជារឿងចាំបាច់ ពោលគឺធ្វើយ៉ាងណាឲ្យពួកគេស្រលាញ់ការរៀនមុខវិជ្ជាមូលដ្ឋានវិទ្យាសាស្ត្រ និងបច្ចេកទេស៕