ពលរដ្ឋខេត្តមណ្ឌលគិរី ដែលសង្ស័យថាពុលទឹក កើនឡើងដល់ជិត៤០នាក់

ជាតិ

ពលរដ្ឋខេត្តមណ្ឌលគិរី ដែលសង្ស័យថាពុលទឹក កើនឡើងដល់ជិត៤០នាក់

10, May 2018 , 11:00 am

រូបភាព

រូបពីហ្វេសប៊ុកមន្ទីរព័ត៌មានខេត្តមណ្ឌលគីរី

ដោយ: ថ្មីៗ

ប្រជាពលរដ្ឋក្នុងស្រុកកែវសីមា ខេត្តមណ្ឌលគិរី ដែលត្រូវបានបញ្ជូនទៅសង្គ្រោះ ដោយសង្ស័យថាពុលអ្វីម្យ៉ាង បានកើនឡើងដល់ប្រមាណ៤០នាក់ហើយ។ នេះជាការអះអាងរបស់លោក ស្វាយ សំអ៊ាង អភិបាលខេត្តមណ្ឌលគិរី។

លោក ស្វាយ សំអ៊ាង ប្រាប់សារព័ត៌មានថ្មីៗ តាមទូរសព្ទនៅព្រឹកថ្ងៃទី១០ ខែឧសភា ឆ្នាំ២០១៨នេះថា ក្រុមគ្រូពេទ្យ កំពុងស្រាវជ្រាវរកមូលហេតុ ដែលបណ្តាលឲ្យប្រជាពលរដ្ឋ មានជំងឺបែបនេះ។ លោក និយាយយ៉ាងដូច្នេះថា៖«ពួកគាត់ ឈឺភ្នែក ឈឺដៃជើង ចុកក្នុងឆ្អឹង និងអស់កម្លាំង។ តែមិនមានគ្រោះថ្នាក់ដល់ជីវិតទេ។ យើងមិនទាន់សង្ស័យថាពុលទឹកទេ។ យើងកំពុងតែរកមើល ថាពុលអី្វឲ្យច្បាស់»។

យ៉ាងណាក៏ដោយ នៅថ្ងៃម្សិលមិញ មន្ទីរព័ត៌មានខេត្តមណ្ឌលគិរី បានបង្ហោះលើទំព័រហ្វេសប៊ុកថា ពលរដ្ឋចំនួន១៤នាក់ មានអាការក្អួតចង្អោរ ដោយសង្ស័យថាពុលទឹក។ ករណីនេះបានកើតឡងនៅភូមិព្រះ ឃុំស្រែឈូក ស្រុកកែវសីមា ខេត្តមណ្ឌលគិរី។

គួររម្លឹកថា ថ្មីៗនេះ ក៏មានករណីពុលទឹកផ្ទុះឡើង នៅក្នុងខេត្តក្រចេះ ដែលនាំឲ្យពលរដ្ឋជាង២០០រងគ្រោះថ្នាក់ ដោយក្នុងនោះបណ្ដាលឲ្យជនរងគ្រោះ១៣នាក់ស្លាប់៕

អត្ថបទទាក់ទង

ពលរដ្ឋជាង១០នាក់ ត្រូវបានសង្ស័យពុលទឹក នៅខេត្តមណ្ឌលគីរី