ក្រសួងបរិស្ថាន កំពុងស៊ើបអង្កេតរឿងនារីចម្អិនសត្វព្រៃ បង្ហោះតាមYoutube

ជាតិ

ក្រសួងបរិស្ថាន កំពុងស៊ើបអង្កេតរឿងនារីចម្អិនសត្វព្រៃ បង្ហោះតាមYoutube

10, May 2018 , 11:13 am

រូបភាព

ដោយ: ប៉ូ សាគុន

ភ្នំពេញ៖ ក្រសួងបរិស្ថាន កំពុងស៊ើបអង្កេតលើករណីនារីម្នាក់ដែលបានបង្ហោះសកម្មភាពចម្អិនសត្វព្រៃ នៅលើយូធូប (Youtube) នោះ ដើម្បីស្រាវជ្រាវរកភស្តុតាងបន្ថែម និងរកអ្នកដែលពាក់ព័ន្ធ ចាត់ការតាមផ្លូវច្បាប់។

អ្នកនាំពាក្យក្រសួងបរិស្ថាន លោក សៅ សុភាព មិនទាន់ដឹងច្បាស់ថា នារីម្នាក់ រួមទាំងអ្នកពាក់ព័ន្ធក្នុងករណីចម្អិនសត្វព្រៃដែលបង្ហោះតាម Youtube នោះ នឹងត្រូវមានទោសយ៉ាងណានៅឡើយទេ ដោយរង់ចាំការប្រមូលភស្តុតាង គ្រប់ជ្រុងជ្រោយជាមុនសិន។ ចំពោះការដាក់ទោសទាន់វិញ ខាងតុលាការជាអ្នកធ្វើការបន្ត។

អត្ថបទទាក់ទង

អ្នកប្រើប្រាស់សង្គម ប្រតិកម្មលើយុវតីម្នាក់ដែលបង្ហោះសកម្មភាពចំអិនសត្វព្រៃ

ថ្លែងប្រាប់សារព័ត៌មានថ្មីៗ លោក សៅ សុភាព បញ្ជាក់ដូច្នេះថា៖«ពេលនេះក្រសួងកំពុងធ្វើការ យើងស្រាវជ្រាវរកអ្នកដែលពាក់ព័ន្ធក្នុងរឿងនេះ ហើយរកភស្តុតាងឲ្យគ្រប់ជ្រុងជ្រោយសិន។ មានទោសយ៉ាងណា គឺខាងតុលាការជាអ្នកសម្រេច។ យើងបានទាក់ទងទៅនារីនោះឱ្យចូលខ្លួនមកបំភ្លឺហើយ»។

សូបបញ្ជាក់ថា Youtube ដែលមានឈ្មោះថា Natural Life TV បានបង្ហោះពីសកម្មភាពនារីវ័យក្មេងម្នាក់យកសត្វព្រៃជាច្រើនប្រភេទទៅចម្អិនជាអាហារ ដែលធ្វើឲ្យអ្នកប្រើប្រាស់បណ្ដាញសង្គមជាច្រើនប្រតិកម្មយ៉ាងខ្លាំង និងសុំឲ្យក្រសួងពាក់ព័ន្ធចាត់វិធានការតាមច្បាប់៕