ខ្មែរក្រហម
ជាតិ
នយោបាយជាតិ
×![]()
អតីតអ្នកជាប់គុកនៅមន្ទីរប្រល័យពូជសាសន៍ទួលស្លែង ឬមន្ទីរស២១ លោក ជុំ ម៉ី នៅថ្ងៃទី៤ ខែមិថុនា នេះបានប្រកាសជាឱឡារិកនៅសន្និសីទកាសែតមួយក្នុងបរិវេណគុកទួលស្លែងទៅកាន់លោក គឹម សុខា ប្រធានស្ដីទីគណបក្សសង្គ្រោះជាតិថា ក្បួនមហាបាតុកម្មរបស់ក្រុមជនរងគ្រោះដែលមិនសុខចិត្តនឹងការលើកឡើងរបស់លោក កឹម សុខា ដែលថាគុកទួលស្លែងជាគុកសិប្បនិម្មិតនោះ នឹងត្រូវហែរចេញពីមន្ទីរស២១ទៅកាន់ទីស្នាក់ការគណបក្សសង្គ្រោះជាតិនៅថ្ងៃទី៩ ខែមិថុនា ខាងមុខនេះហើយ។
បើតាមលោក ជុំ ម៉ី បាតុកម្មដែលលោកគ្រោងដឹកនាំនេះ អាចមានប្រជាពលរដ្ឋខ្មែរចូលរួមប្រហែលជាជាង២ម៉ឺននាក់ ហើយថាចំនួននេះនឹងអាចកើនឡើងលើសការគ្រោងទុក។
គួរបញ្ជាក់ថា ការប្រកាសធ្វើបាតុកម្មរបស់លោក ជុំ ម៉ី ប្រធានសមាគមជនរងគ្រោះនៃរបបខ្មែរក្រហម ទៅកាន់លោក កឹម សុខា នាពេលនេះធ្វើឡើងបន្ទាប់ពីលោក កឹម សុខា នៅតែរក្សាជំហររបស់ខ្លួនបដិសេធដាច់ខាតក្នុងការសុំទោសទៅកាន់ជនរងគ្រោះនៃរបបខ្មែរក្រហម ចំពោះករណីដែលលោកត្រូវបានគេអះអាងថា បានចាត់ទុកគុកទួលស្លែងជាគុកសិប្បនិម្មិត។
ពាក់ព័ន្ធនឹងគម្រោងធ្វើបាតុកម្មរបស់លោក ជុំ ម៉ី នៅថ្ងៃទី៩ ខែមិថុនា ខាងមុខនេះដែរ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានអត្ថាធិប្បាយប្រាប់គេហទំព័រថ្មីៗនៅរសៀលថ្ងៃទី៤ ខែមិថុនានេះថា គណបក្សសង្គ្រោះជាតិមិនដែលខ្វល់ជាមួយការធ្វើបាតុកម្មរបស់លោក ជុំ ម៉ី នោះទេ ហើយថា គ្មានអ្វីប្រែប្រួលនោះទេ ពោលគឺលោក កឹម សុខា នៅតែរក្សាជំហរដាច់ខាតមិនសុំទោសដល់ក្រុមជនរងគ្រោះ។
អ្នកនាំពាក្យរូបនេះ បានលើកឡើងថា ការសម្រេចចិត្តរបស់លោក ប៊ូ ម៉េង ក្នុងការមិនចូលរួមបាតុកម្មជាមួយលោក ជុំ ម៉ី ជាការសម្រេចចិត្តដ៏ត្រឹមត្រូវមួយ ដោយលោក ប៊ូ ម៉េង មិនធ្លាក់ខ្លួនក្រោមការអូសទាញពីសំណាក់អ្នកនយោបាយ៕
បើតាមលោក ជុំ ម៉ី បាតុកម្មដែលលោកគ្រោងដឹកនាំនេះ អាចមានប្រជាពលរដ្ឋខ្មែរចូលរួមប្រហែលជាជាង២ម៉ឺននាក់ ហើយថាចំនួននេះនឹងអាចកើនឡើងលើសការគ្រោងទុក។
គួរបញ្ជាក់ថា ការប្រកាសធ្វើបាតុកម្មរបស់លោក ជុំ ម៉ី ប្រធានសមាគមជនរងគ្រោះនៃរបបខ្មែរក្រហម ទៅកាន់លោក កឹម សុខា នាពេលនេះធ្វើឡើងបន្ទាប់ពីលោក កឹម សុខា នៅតែរក្សាជំហររបស់ខ្លួនបដិសេធដាច់ខាតក្នុងការសុំទោសទៅកាន់ជនរងគ្រោះនៃរបបខ្មែរក្រហម ចំពោះករណីដែលលោកត្រូវបានគេអះអាងថា បានចាត់ទុកគុកទួលស្លែងជាគុកសិប្បនិម្មិត។
ពាក់ព័ន្ធនឹងគម្រោងធ្វើបាតុកម្មរបស់លោក ជុំ ម៉ី នៅថ្ងៃទី៩ ខែមិថុនា ខាងមុខនេះដែរ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានអត្ថាធិប្បាយប្រាប់គេហទំព័រថ្មីៗនៅរសៀលថ្ងៃទី៤ ខែមិថុនានេះថា គណបក្សសង្គ្រោះជាតិមិនដែលខ្វល់ជាមួយការធ្វើបាតុកម្មរបស់លោក ជុំ ម៉ី នោះទេ ហើយថា គ្មានអ្វីប្រែប្រួលនោះទេ ពោលគឺលោក កឹម សុខា នៅតែរក្សាជំហរដាច់ខាតមិនសុំទោសដល់ក្រុមជនរងគ្រោះ។
អ្នកនាំពាក្យរូបនេះ បានលើកឡើងថា ការសម្រេចចិត្តរបស់លោក ប៊ូ ម៉េង ក្នុងការមិនចូលរួមបាតុកម្មជាមួយលោក ជុំ ម៉ី ជាការសម្រេចចិត្តដ៏ត្រឹមត្រូវមួយ ដោយលោក ប៊ូ ម៉េង មិនធ្លាក់ខ្លួនក្រោមការអូសទាញពីសំណាក់អ្នកនយោបាយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
31 នាទី
