ខ្មែរក្រហម
ជាតិ
ឌុច ត្រូវបានបញ្ជូនទៅពន្ធនាគារខេត្តកណ្តាលដើម្បីបន្តការអនុវត្តទោសរបស់ខ្លួន
×![]()
នៅព្រឹកថ្ងៃទី៦ ខែមិថុនា ឆ្នាំ២០១៣នេះ កាំង ហ្កេចអ៊ាវ ហៅ ឌុច ត្រូវបានបញ្ជូនទៅកាន់ពន្ធនាគារខេត្តកណ្តាលដើម្បីអនុវត្តទោសជាប់ពន្ធនាគារ បន្ទាប់ពីមានចំណារយល់ព្រមរបស់លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ ក្នុងការសម្របសម្រួលបញ្ជូនទណ្ឌិតរូបនេះពីមន្ទីរឃុំឃាំងសាលាក្តីខ្មែរក្រហម។
យោងតាមសេចក្តីប្រកាសព័ត៌មានរបស់ការិយាល័យសហព្រះរាជអាជ្ញា សាលាក្តីខ្មែរក្រហម (អ.វ.ត.ក) គឺជាតុលាការជាតិដែលស្ថិតនៅក្នុងប្រព័ន្ធច្បាប់របស់ប្រទេសកម្ពុជា ហើយអាជ្ញាធរកម្ពុជាជាអ្នកទទួលខុសត្រូវចុងក្រោយសម្រាប់ការដាក់ពន្ធនាគាររាល់បុគ្គលដែលត្រូវបានផ្តន្ទាទោស និងបានប្រកាសទោសនៅ អ.វ.ត.ក ចំពោះទោសត្រូវជាប់ពន្ធនាគារ។
ក្រោយបញ្ចប់ការផ្តល់សក្ខីកម្មរបស់គាត់ក្នុងសំណុំរឿង០០២ វាជាពេលវេលាក្នុងការបញ្ជូន ឌុច ទៅក្នុងប្រព័ន្ធពន្ធនាគារជាតិ។ សេចក្តីប្រកាសព័ត៌មាន បានបញ្ជាក់ថា ពន្ធនាគារខេត្តកណ្តាលគឺជាកន្លែងដ៏សមស្រប បន្ទាប់ពីបុគ្គលិកដែលជាសមាជិករបស់ការិយាល័យសហព្រះរាជអាជ្ញាបានទៅធ្វើទស្សនកិច្ចនៅទីនោះ កាលពីខែមិថុនា ឆ្នាំ២០១២ និងខែឧសភា ឆ្នាំ២០១៣ កន្លងមក។
សហព្រះរាជអាជ្ញា បានអះអាងថា ពន្ធនាគារខេត្តកណ្តាលដែលត្រូវបានស្នើសម្រាប់ ឌុច គឺជាពន្ធនាគារមួយដែលនឹងការពារផលប្រយោជន៍របស់គាត់បានល្អប្រសើរបំផុត។ ទន្ទឹមគ្នានេះផងដែរ សហព្រះរាជអាជ្ញា បានសម្របសម្រួលជាមួយអគ្គនាយកពន្ធនាគារថា ទីកន្លែង និងស្ថានភាពនៃការឃុំខ្លួន ឌុច នឹងមិនត្រូវប្រែប្រួលឡើយ ដោយរំពឹងទុកថា គណៈកម្មាធិការកាកបាទក្រហមអន្តរជាតិអាចចុះទៅធ្វើការត្រួតពិនិត្យពន្ធនាគារនានាទូទាំងប្រទេស រួមទាំងពន្ធនាគារខេត្តកណ្តាល។
សូមបញ្ជាក់ថា កាំង ហ្កេកអ៊ាវ ហៅ ឌុច វ័យ៧១ឆ្នាំ ដែលមានដើមកំណើតនៅស្រុកស្ទោង ខេត្តកំពង់ធំ ត្រូវបានផ្តន្ទាទោសដាក់ពន្ធនាគារអស់មួយជីវិតកាលពីថ្ងៃទី៣ ខែកុម្ភៈ ឆ្នាំ២០១២ ដោយអង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា។ បទចោទប្រកាន់លើ អតីតមេគុកទួលស្លែងរូបនេះ គឺឧក្រិដ្ឋកម្មប្រឆាំងនឹងមនុស្សជាតិ និងការរំលោភបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវឆ្នាំ១៩៤៩ ពោលគឺការធ្វើទារុណកម្ម និងសម្លាប់មនុស្សនៅគុកទួលស្លែងក្នុងសម័យខ្មែរក្រហម៕
យោងតាមសេចក្តីប្រកាសព័ត៌មានរបស់ការិយាល័យសហព្រះរាជអាជ្ញា សាលាក្តីខ្មែរក្រហម (អ.វ.ត.ក) គឺជាតុលាការជាតិដែលស្ថិតនៅក្នុងប្រព័ន្ធច្បាប់របស់ប្រទេសកម្ពុជា ហើយអាជ្ញាធរកម្ពុជាជាអ្នកទទួលខុសត្រូវចុងក្រោយសម្រាប់ការដាក់ពន្ធនាគាររាល់បុគ្គលដែលត្រូវបានផ្តន្ទាទោស និងបានប្រកាសទោសនៅ អ.វ.ត.ក ចំពោះទោសត្រូវជាប់ពន្ធនាគារ។
ក្រោយបញ្ចប់ការផ្តល់សក្ខីកម្មរបស់គាត់ក្នុងសំណុំរឿង០០២ វាជាពេលវេលាក្នុងការបញ្ជូន ឌុច ទៅក្នុងប្រព័ន្ធពន្ធនាគារជាតិ។ សេចក្តីប្រកាសព័ត៌មាន បានបញ្ជាក់ថា ពន្ធនាគារខេត្តកណ្តាលគឺជាកន្លែងដ៏សមស្រប បន្ទាប់ពីបុគ្គលិកដែលជាសមាជិករបស់ការិយាល័យសហព្រះរាជអាជ្ញាបានទៅធ្វើទស្សនកិច្ចនៅទីនោះ កាលពីខែមិថុនា ឆ្នាំ២០១២ និងខែឧសភា ឆ្នាំ២០១៣ កន្លងមក។
សហព្រះរាជអាជ្ញា បានអះអាងថា ពន្ធនាគារខេត្តកណ្តាលដែលត្រូវបានស្នើសម្រាប់ ឌុច គឺជាពន្ធនាគារមួយដែលនឹងការពារផលប្រយោជន៍របស់គាត់បានល្អប្រសើរបំផុត។ ទន្ទឹមគ្នានេះផងដែរ សហព្រះរាជអាជ្ញា បានសម្របសម្រួលជាមួយអគ្គនាយកពន្ធនាគារថា ទីកន្លែង និងស្ថានភាពនៃការឃុំខ្លួន ឌុច នឹងមិនត្រូវប្រែប្រួលឡើយ ដោយរំពឹងទុកថា គណៈកម្មាធិការកាកបាទក្រហមអន្តរជាតិអាចចុះទៅធ្វើការត្រួតពិនិត្យពន្ធនាគារនានាទូទាំងប្រទេស រួមទាំងពន្ធនាគារខេត្តកណ្តាល។
សូមបញ្ជាក់ថា កាំង ហ្កេកអ៊ាវ ហៅ ឌុច វ័យ៧១ឆ្នាំ ដែលមានដើមកំណើតនៅស្រុកស្ទោង ខេត្តកំពង់ធំ ត្រូវបានផ្តន្ទាទោសដាក់ពន្ធនាគារអស់មួយជីវិតកាលពីថ្ងៃទី៣ ខែកុម្ភៈ ឆ្នាំ២០១២ ដោយអង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា។ បទចោទប្រកាន់លើ អតីតមេគុកទួលស្លែងរូបនេះ គឺឧក្រិដ្ឋកម្មប្រឆាំងនឹងមនុស្សជាតិ និងការរំលោភបំពានយ៉ាងធ្ងន់ធ្ងរលើអនុសញ្ញាទីក្រុងហ្សឺណែវឆ្នាំ១៩៤៩ ពោលគឺការធ្វើទារុណកម្ម និងសម្លាប់មនុស្សនៅគុកទួលស្លែងក្នុងសម័យខ្មែរក្រហម៕
© រក្សាសិទ្ធិដោយ thmeythmey.com
