អន្តរជាតិ
នាយករដ្ឋមន្ត្រីថៃ គ្រោងបំពេញទស្សនកិច្ចនៅអឺរ៉ុបដើម្បីផ្សារភ្ជាប់ទំនាក់ទំនងល្អឡើងវិញ
×![]()
លោកនាយករដ្ឋមន្ត្រីប្រាយុទ្ធ ចន្ទ អូចា គ្រោងបំពេញទស្សនកិច្ចទៅកាន់បណ្តាប្រទេសដៃគូនៅតំបន់អឺរ៉ុបដើម្បីផ្សារភ្ជាប់ទំនាក់ទំនងល្អប្រសើរឡើងវិញ ក្រោយពីមានរឿងល្អក់កករជាមួយនឹងគ្នាអស់មួយរយៈពេលយូរមកហើយនោះ ។
បើមិនមានអ្វីប្រែប្រួលនោះទេ នៅខែក្រោយនេះ លោកនាយករដ្ឋមន្ត្រីថៃ ប្រាយុទ្ធ ចន្ទ អូចានឹងបំពេញទស្សនកិច្ចទៅបណ្តាសមាជិកសហភាពអឺរ៉ុប ដែលរួមមានបារាំង អ៊ីតាលី និងអង់គ្លេសដើម្បីពង្រឹងកិច្ចសហប្រតិបត្តិការស៊ីជម្រៅជាច្រើនវិស័យ។ នេះបើយោងតាមការអះអាងរបស់រដ្ឋមន្ត្រីការបរទេសថៃលោក Don Pramudwinai ដែលត្រូវបានចុះផ្សាយដោយសារព័ត៌មាន The Nation ដើមសប្តាហ៍នេះ។
បើតាមប្រភពព័ត៌មានដដែលនោះ លោកប្រមុខការទូតថៃបានអះអាងផងដែរថា គិតចាប់ពីខែកុម្ភៈមក រដ្ឋមន្ត្រីប្រទេសតំបន់អឺរ៉ុបជាច្រើនរូបមកហើយបានបំពេញទស្សនកិច្ចមកកាន់រាជាណាចក្រថៃដើម្បីពង្រឹងទំនាក់ទំនងនយោបាយ និងចំណងសេដ្ឋកិច្ចជាមួយថៃ។
អ្វីដែលគួរកត់សម្គាល់ ចេតនារបស់ប្រមុខរបបសឹកលោកនាយករដ្ឋមន្ត្រី ប្រាយុទ្ធ ចន្ទ អូចា អាចជាការព្យាយាមយកចិត្តប្រទេសដៃគូតំបន់អឺរ៉ុបឡើងវិញ ក្រោយពីលោកនាយករដ្ឋមន្ត្រី បានធ្វើឲ្យទំនាក់ទំនងថៃ និង សហភាពអឺរ៉ុប ជួបរឿងប្រទាំងប្រទើសគ្នា ដោយសារតែរដ្ឋប្រហារយោធា និងធ្វើឲ្យប្រជាធិបតេយ្យរបស់រាជាណាចក្រថៃធ្លាក់ដល់ចំណុចសូន្យនោះ ។
សូមរម្លឹកផងដែរ លោកនាយករដ្ឋមន្ត្រី ប្រាយុទ្ធ ចន្ទ អូចា នៅថ្ងៃ២២ ឧសភា ឆ្នាំ ២០១៤ បានដឹកនាំរដ្ឋប្រហារទម្លាក់អតីតនាយករដ្ឋមន្ត្រីថៃ លោកស្រី យីងឡាក់ ស៊ីនណាវ៉ាត់។ រដ្ឋប្រហារនេះបានធ្វើឲ្យបណ្តាប្រទេសដៃគូជិតស្និទ្ធ ដែលរួមមានទាំងសហភាពអឺរ៉ុបចេញមុខថ្កោលទោស និងថែមទាំងព្យួរទំនាក់ទំនងជាមួយថៃទៀតផង។
យ៉ាងណាមិញ នៅចុងឆ្នាំ២០១៧កន្លងទៅ សហភាពអឺរ៉ុប ក៏បានសម្រេចស្តារទំនាក់ទំនងនយោបាយជាមួយប្រទេសថៃឡើងវិញ ក្រោយពីរបបសឹកថៃរបស់លោកនាយករដ្ឋមន្ត្រី ប្រាយុទ្ធ ចេញប្រកាសពីការរៀបចំការបោះឆ្នោត ដែលជាមធ្យោបាយមួយក្នុងការនាំប្រជាធិបតេយ្យត្រឡប់មកថៃវិញ៕
បើមិនមានអ្វីប្រែប្រួលនោះទេ នៅខែក្រោយនេះ លោកនាយករដ្ឋមន្ត្រីថៃ ប្រាយុទ្ធ ចន្ទ អូចានឹងបំពេញទស្សនកិច្ចទៅបណ្តាសមាជិកសហភាពអឺរ៉ុប ដែលរួមមានបារាំង អ៊ីតាលី និងអង់គ្លេសដើម្បីពង្រឹងកិច្ចសហប្រតិបត្តិការស៊ីជម្រៅជាច្រើនវិស័យ។ នេះបើយោងតាមការអះអាងរបស់រដ្ឋមន្ត្រីការបរទេសថៃលោក Don Pramudwinai ដែលត្រូវបានចុះផ្សាយដោយសារព័ត៌មាន The Nation ដើមសប្តាហ៍នេះ។
បើតាមប្រភពព័ត៌មានដដែលនោះ លោកប្រមុខការទូតថៃបានអះអាងផងដែរថា គិតចាប់ពីខែកុម្ភៈមក រដ្ឋមន្ត្រីប្រទេសតំបន់អឺរ៉ុបជាច្រើនរូបមកហើយបានបំពេញទស្សនកិច្ចមកកាន់រាជាណាចក្រថៃដើម្បីពង្រឹងទំនាក់ទំនងនយោបាយ និងចំណងសេដ្ឋកិច្ចជាមួយថៃ។
អ្វីដែលគួរកត់សម្គាល់ ចេតនារបស់ប្រមុខរបបសឹកលោកនាយករដ្ឋមន្ត្រី ប្រាយុទ្ធ ចន្ទ អូចា អាចជាការព្យាយាមយកចិត្តប្រទេសដៃគូតំបន់អឺរ៉ុបឡើងវិញ ក្រោយពីលោកនាយករដ្ឋមន្ត្រី បានធ្វើឲ្យទំនាក់ទំនងថៃ និង សហភាពអឺរ៉ុប ជួបរឿងប្រទាំងប្រទើសគ្នា ដោយសារតែរដ្ឋប្រហារយោធា និងធ្វើឲ្យប្រជាធិបតេយ្យរបស់រាជាណាចក្រថៃធ្លាក់ដល់ចំណុចសូន្យនោះ ។
សូមរម្លឹកផងដែរ លោកនាយករដ្ឋមន្ត្រី ប្រាយុទ្ធ ចន្ទ អូចា នៅថ្ងៃ២២ ឧសភា ឆ្នាំ ២០១៤ បានដឹកនាំរដ្ឋប្រហារទម្លាក់អតីតនាយករដ្ឋមន្ត្រីថៃ លោកស្រី យីងឡាក់ ស៊ីនណាវ៉ាត់។ រដ្ឋប្រហារនេះបានធ្វើឲ្យបណ្តាប្រទេសដៃគូជិតស្និទ្ធ ដែលរួមមានទាំងសហភាពអឺរ៉ុបចេញមុខថ្កោលទោស និងថែមទាំងព្យួរទំនាក់ទំនងជាមួយថៃទៀតផង។
យ៉ាងណាមិញ នៅចុងឆ្នាំ២០១៧កន្លងទៅ សហភាពអឺរ៉ុប ក៏បានសម្រេចស្តារទំនាក់ទំនងនយោបាយជាមួយប្រទេសថៃឡើងវិញ ក្រោយពីរបបសឹកថៃរបស់លោកនាយករដ្ឋមន្ត្រី ប្រាយុទ្ធ ចេញប្រកាសពីការរៀបចំការបោះឆ្នោត ដែលជាមធ្យោបាយមួយក្នុងការនាំប្រជាធិបតេយ្យត្រឡប់មកថៃវិញ៕
Tag:
ថៃ
អាស៊ាន
នយោបាយ
© រក្សាសិទ្ធិដោយ thmeythmey.com
