តំណាងសង្គ្រោះជាតិពិភាក្សាលើករណីលោក កឹម សុខា នៅក្រសួងមហាផ្ទៃ

ខ្មែរក្រហម

ជាតិ

នយោបាយជាតិ

តំណាងសង្គ្រោះជាតិពិភាក្សាលើករណីលោក កឹម សុខា នៅក្រសួងមហាផ្ទៃ

08, Jun 2013 , 10:56 am

រូបភាព

លោក ឆាយ ស៊ីណារិទ្ធ (ឆ្វេង) ជួបពិភាក្សាជាមួយតំណាងគណបក្សសង្គ្រោះជាតិ

ដោយ: ថ្មីៗ

នាព្រឹកថ្ងៃសៅរ៍នេះ តំណាងគណបក្សសង្គ្រោះជាតិបីរូប គឺលោក គួយ ប៊ុនរឿន លោក ឡុង រី និងលោក គង់ បូរ៉ា ដែលជំនួសមុខឲ្យលោក កឹម សុខា បានជួបពិភាក្សាជាមួយលោក ឆាយ ស៊ីណារិទ្ធ ប្រធាននាយកដ្ឋានសន្តិសុខផ្ទៃក្នុងនៅអគ្គស្នងការដ្ឋាននគរបាលជាតិ ទាក់ទងនឹងបញ្ហាសុវត្ថិភាពលោក កឹម សុខា ប្រធានស្តីទីគណបក្សសង្គ្រោះជាតិ។

នេះជាការចូលរួមតាមការអញ្ជើញរបស់ក្រសួងមហាផ្ទៃ ស្តីពីការការពារសន្តិសុខ សុវត្ថិភាព ប្រធានស្តីទីគណបក្សសង្គ្រោះជាតិ ដែលជាគោលដៅនៃមហាបាតុកម្មនាថ្ងៃទី៩ ខែមិថុនា ស្អែកនេះ ពីសំណាក់ក្រុមជនរងគ្រោះដោយរបបខ្មែរក្រហមក្រោមការដឹកនាំរបស់លោក ជុំ ម៉ី ដើម្បីទាមទារឲ្យលោក កឹម សុខា អុជធូបសុំទោសចំពោះការនិយាយថា គុកទួលស្លែងជាសិប្បនិម្មិត។

មហាបាតុកម្មនេះនឹងរៀបចំនៅទីលានប្រជាធិបតេយ្យ ហើយគ្រោងនឹងមានមនុស្សមួយម៉ឺននាក់ចូលរួមផងដែរ។ ក្នុងលិខិតរបស់ក្រសួងមហាផ្ទៃ លោកឧបនាយករដ្ឋមន្ត្រី ស ខេង បានអនុញ្ញាតឲ្យមនុស្ស ៥០០នាក់ ហែរក្បួននៅតាមដងផ្លូវ ដើម្បីយកញ្ញតិ្តទៅការិយាល័យរបស់គណបក្សសង្គ្រោះជាតិ។

តំណាងរាស្ត្រគណបក្សប្រជាជនកម្ពុជា ដែលក្នុងនោះមាន លោក ជាម យៀប លោក ឈាង វុន បានប្រកាសចូលក្នុងក្បួនបាតុកម្មដែលជាការផ្តួចផ្តើមគំនិតរបស់លោក ជុំ ម៉ី តំណាងអតីតអ្នករងគ្រោះនៅសម័យខ្មែរក្រហមផងដែរ។

ទោះបីជាយ៉ាងណាក៏ដោយ ការសុំទោសដែលចេញពីមាត់របស់លោក កឹម សុខា នឹងមិនអាចកើតមានឡើយ ពីព្រោះលោក កឹម សុខា មិនបាននិយាយអ្វីខុសឡើយ នេះបើតាមការអះអាងរបស់មន្ត្រីជាន់ខ្ពស់គណបក្សសង្គ្រោះជាតិ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រទានកម្ម»មានន័យដូចម្តេច?

2 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

1 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម