Vivo X 21 គឺជាស្មាតហ្វូនដែលមានបច្ចេកវិទ្យាស្កេនក្រយៅដៃលើអេក្រង់មុនដំបូងគេបង្អស់លើពិភពលោក ដោយវាបានប្រកាសចេញកាលពីត្រីមាសទី ១ កន្លងទៅ និងមានការចាប់អារម្មណ៍យ៉ាងខ្លាំង នៅទូទាំងពិភពលោក ក៏ដូចជានៅក្នុងប្រទេសកម្ពុជា។ នៅពេលនេះសម្រាប់អតិថិជនដែលចូលចិត្តប្រើប្រាស់ទូរស័ព្ទ អេក្រង់លាតធំ លោកអ្នកអាចរកជាវបាននៅតាមបណ្ដាហាងចែកចាយផលិតផល Vivo ដែលនៅជិតលោកអ្នកបំផុត។
កាន់តែពិសេសទៅទៀតនោះ Vivo X21 មានតម្លៃ ត្រឹមតែ ៥៩៩ ដុល្លារ លោកអ្នកនឹងទទួលកញ្ចប់កាដូបាល់ទាត់មួយ ដែលមានស្លាកសញ្ញា Vivo ពិសេសបំផុតសម្រាប់រដូវកាល FIFA World Cup 2018 នេះ និងកញ្ចប់ស៊ីមស្មាតធំហ្មង៎ពីក្រុមហ៊ុនស្មាត រយៈពេល ១៦ សប្ដាហ៍ដោយឥតគិតថ្លៃផងដែរចាប់ពីថ្ងៃនេះតទៅ ។
គួរបញ្ជាក់ផងដែរថា Vivo X21 ជាស្មាតហ្វូនដែលមានរូបរាងទាន់សម័យ ប្រើប្រាស់អេក្រង់លាតធំជាប្រភេទ Super AMOLED ទំហំ ៦.២៨ អ៊ីញ និងមានកម្រិតបង្ហាញរូបភាព Full HD+ (១០៨០ x ២២៨០ ភិចស៊ែល) និងអាចស្កេនក្រយៅដៃលើអេក្រង់តែម្ដង ដែលមានដំណើរដូចជាស្កេនតាមរយៈស៊េនស័រ ខាងក្រោយ ឬ នៅលើប៊ូតុង Home អ៊ីចឹងដែរ។ សម្រាប់ផ្នែកខាងក្រោយ របស់វាក៏ទាន់សម័យផងដែរ ដោយត្រូវប្រើប្រាស់សារធាតុអាលុយមីញ៉ូមពេញមួយតួខ្លួន មានកាមេរ៉ាទម្រង់បញ្ឈរ ប្រើប្រាស់លេនទំហំ ១២x២ មេហ្គាភិចស៊ែល (24M Photosensitive Units) Aperture f/1.8 និងកាមេរ៉ាជំនួយមួយគ្រាប់ទៀតទំហំ ៥ មេហ្គាភិចស៊ែល ដើម្បីបង្កើតជាមុខងារថត AI Portrait, ថតពង្រីក និង Wide Aperture ជាដើម។ ចំណែកកាមេរ៉ាខាងមុខវិញ មានទំហំ ១២x២មេហ្គាភិចស៊ែល (24M Photosensitive Units) Aperture f/2.0 និងមានមុខងារ AI Beauty និង Portrait ថែមទាំងប្រើប្រាស់ដោះសោរ ដោយស្កេនទម្រង់មុខលឿនផងដែរ។