អត្ថបទពាណិជ្ជកម្ម
ឈុតស៊ុបមាន់ខ្មៅអាហារសុខភាព ពិសេសល្អបំផុតសម្រាប់រដូវភ្លៀង
× ជារឿយៗ ឲ្យតែរដូវភ្លៀងចូលមកដល់ភ្លាម គេសង្កេតឃើញថាសុខភាពប្រជាពលរដ្ឋមួយចំនួន ក៏ប្រែប្រួលដែរ ដូចជាការកើតអាការផ្តាសាយ គ្រុនក្តៅ ឈឺបំពង់កជាដើម។ អាការទាំងនេះ កើតឡើងដោយសារប៉ះពាល់ផ្ទាល់នឹងទឹកភ្លៀង ខ្យល់កខ្វក់ ចំហាយដី ដែលសាយភាយឡើងបន្ទាប់ពីភ្លៀងរួច។
ដើម្បីការពារពីអាការទាំងអស់នេះ ភោជនីយដ្ឋានផាកកាហ្វេ សូមណែនាំលោកអ្នក នូវស៊ុបបំប៉នសុខភាពមួយមុខ ដែលមានរសជាតិឈ្ងុយឆ្ងាញ់ និងសម្បូរដោយអត្ថប្រយោជន៍សម្រាប់សុខភាពរបស់លោកអ្នក នោះគឺ «ស៊ុបមាន់ខ្មៅ» ។ បើតាមសំដីអ្នកជំនាញខាងផ្នែកម្ហូបសុខភាពប្រចាំភោជនីយដ្ឋានផាកកាហ្វេ រូបមន្តដ៏ពិសេសនៃស៊ុបមាន់ខ្មៅមួយប្រភេទនេះ គឺត្រូវយកមាន់ខ្មៅស្រស់ៗ ពីកសិដ្ឋានរបស់ប្រជាពលរដ្ឋក្នុងខេត្តកណ្តាល និងលាងសំអាតឲ្យស្អាត មកដាក់រម្ងាស់ចូលគ្នា ជាមួយថ្នាំចិនបុរាណចំនួនប្រាំបីមុខផ្សេងៗគ្នា។ ការរម្ងាស់នេះ ក៏ត្រូវបានកំណត់កម្រិតភ្លើងយ៉ាងម៉ត់ចត់បំផុត និងប្រើពេលរម្ងាស់ជាងបីម៉ោងយ៉ាងតិច ដើម្បីបានស៊ុបមាន់ខ្មៅមួយចាន ប្រកបដោយរសជាតិឈ្ងុយឆ្ងាញ់ និងជាទឹកថ្នាំបុរាណយ៉ាងល្អបំផុតដែលអាចជួយព្យាបាលជំងឺផ្តាសាយ គ្រុនក្តៅ ឈឺបំពង់ក និងរោគចាញ់អាកាសធាតុផ្សេងៗទៀតយ៉ាងមានប្រសិទ្ធភាពល្អបំផុត។
លោកអ្នកអាចរកបរិភោគ «ស៊ុបមាន់ខ្មៅ» បានគ្រប់ពេលវេលា នៅគ្រប់សាខារបស់ផាកកាហ្វេ។ លើសពីនេះទៀត ផាកកាហ្វេ នឹងផ្តល់ជូនយ៉ាងពិសេស សម្រាប់ឈុតស៊ុបមាន់ខ្មៅ គឺរាល់ការទិញឈុតស៊ុបមាន់ខ្មៅអាហារសុខភាព លោកអ្នកនឹងទទួលបាន កាហ្វេភ្នំពេញពិសេស ១កែវ ដ៏ឈ្ងុយឆ្ងាញ់ ដោយឥតគិតថ្លៃ (Free) ភ្លាមៗ សម្រាប់ឈុតស៊ុបមាន់ខ្មៅអាហារសុខភាព រួមមានដូចជា៖ បាយឆ្អឹងជំនីជ្រូកចៀនពិសេស បូកនឹងស៊ុបមាន់ខ្មៅថ្នាំចិន រួមទាំងថែមជូនឥតគិតថ្លៃនូវកាហ្វេភ្នំពេញពិសេស។ កាន់តែពិសេសទៀតនោះ លោកអ្នកអាចជ្រើសរើសរសជាតិកាហ្វេ បានតាមចំណូលចិត្តផងដែរ។ ការផ្តល់ជូននេះ គឺរហូតដល់អស់ពីស្តុក និងនៅគ្រប់សាខាផាកកាហ្វេ។
ក្រៅពីនេះលោកអ្នកពិតជាបានជ្រាបហើយថា ភោជនីយដ្ឋានផាកកាហ្វេ គឺជាភោជនីយដ្ឋានក្នុងស្រុកមួយ ដែលមានសាខាច្រើនជាងគេ បើធៀបជាមួយភោជនីយដ្ឋានក្នុងស្រុកមួយចំនួន និងមានអាយុកាលលើសមួយទសវត្ស។ ភោជនីយដ្ឋានផាកកាហ្វេ មានទីកន្លែងស្អាត ពោរពេញដោយផាសុកភាព និងប្រកបដោយអនាម័យ សេវាកម្មរហ័សទាន់ចិត្ត បុគ្គលិកមានស្នាមញញឹមទទួលស្វាគមន៍ ពិសេសជាភោជនីយដ្ឋានគំរូមួយ ដែលបម្រើជូនអាហារគ្មានប៊ីចេងមុនដំបូងគេបង្អស់នៅកម្ពុជាផងដែរ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com