កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
គណៈប្រតិភូជាន់ខ្ពស់កូរ៉េខាងត្បូងនៅថ្ងៃទី៣ ខែកក្កដា បានទៅដល់ក្រុងព្យុងយ៉ាងជាមួយកីឡាករកីឡាការិនីបាល់បោះរាប់សិបនាក់ ដែលជាប្រភេទកីឡាសំណព្វចិត្តរបស់មេដឹកនាំកូរ៉េខាងជើង គីម ជុងអ៊ុន ដើម្បីជាកិច្ចខិតខំប្រឹងប្រែងក្នុងវិស័យការទូតរវាងប្រទេសជិតខាងទាំងពីរ។ នេះបើតាមការផ្សាយរបស់ទីភ្នាក់ងារព័ត៌មាន AFP។
រដ្ឋមន្ត្រីក្រសួងបង្រួបបង្រួមកូរ៉េ Cho Myoung-gyon បានដឹកនាំក្រុមកីឡាបាល់បោះបុរសនិងនារីចំនួន ៥០ នាក់នៅក្នុងដំណើរទស្សនកិច្ចជាលើកដំបូងទៅកាន់ទីក្រុងព្យុងយ៉ាង ប្រទេសកូរ៉េខាងជើង និងដើម្បីប្រកួតមិត្តភាពរវាងក្រុមប្រទេសទាំងពីរ។ លោក Myoung-gyon ជាមន្ត្រីពីកូរ៉េខាងត្បូងដំបូងគេដែលអាចមានវត្តមាននៅកូរ៉េខាងជើង ចាប់តាំងពីលោកគីម បានជួបប្រជុំកំពូលជាមួយប្រធានាធិបតីអាមេរិក ដូណាល់ ត្រាំ នៅសិង្ហបុរីកាលពីខែមុន។
លោក Won Kil U អនុប្រធានផ្នែកកីឡារបស់កូរ៉េខាងជើងបាននិយាយថា លោកមានមោទនភាពណាស់ដែលកីឡាកំពុងចាប់ផ្តើមបើកផ្លូវសម្រាប់ ... សន្តិភាពរវាងប្រទេសទាំងពីរ និងពិភពលោក។
កិច្ចសហប្រតិបត្តិការផ្នែកកីឡាក៏បានជួយជំរុញឲ្យបញ្ចប់កម្មវិធីនុយក្លេអ៊ែរបច្ចុប្បន្នរបស់កូរ៉េខាងជើងផងដែរបន្ទាប់ពីប្រទេសបានបញ្ជូនគណៈប្រតិភូជាន់ខ្ពស់និងអត្តពលិកទៅចូលរួមប្រកួតកីឡាអូឡាំពិករដូវរងានៅទីក្រុងព្យុងឆាង ប្រទេសកូរ៉េខាងត្បូងកាលពីខែកុម្ភៈកន្លងទៅ។
មេដឹកនាំកូរ៉េខាងជើងជាអ្នកគាំទ្រកីឡាបាល់បោះម្នាក់ហើយក៏មានមិត្តជាអតីតកំពូលកីឡាករបាល់បោះ NBA លោក Dennis Rodman ទៀតផង។ អតីតកីឡាករក្រុមបាល់បោះ Chicago Bulls នៃក្របខណ្ឌ NBA អាមេរិករូបនេះ តែងតែទៅកាន់ទីក្រុងព្យុងយ៉ាងជាច្រើនលើកច្រើនសារ ហើយក៏មានវត្តមានជាមួយ គីម ជុងអ៊ុន ក្នុងជំនួបជាមួយត្រាំផងដែរ៕
រដ្ឋមន្ត្រីក្រសួងបង្រួបបង្រួមកូរ៉េ Cho Myoung-gyon បានដឹកនាំក្រុមកីឡាបាល់បោះបុរសនិងនារីចំនួន ៥០ នាក់នៅក្នុងដំណើរទស្សនកិច្ចជាលើកដំបូងទៅកាន់ទីក្រុងព្យុងយ៉ាង ប្រទេសកូរ៉េខាងជើង និងដើម្បីប្រកួតមិត្តភាពរវាងក្រុមប្រទេសទាំងពីរ។ លោក Myoung-gyon ជាមន្ត្រីពីកូរ៉េខាងត្បូងដំបូងគេដែលអាចមានវត្តមាននៅកូរ៉េខាងជើង ចាប់តាំងពីលោកគីម បានជួបប្រជុំកំពូលជាមួយប្រធានាធិបតីអាមេរិក ដូណាល់ ត្រាំ នៅសិង្ហបុរីកាលពីខែមុន។
លោក Won Kil U អនុប្រធានផ្នែកកីឡារបស់កូរ៉េខាងជើងបាននិយាយថា លោកមានមោទនភាពណាស់ដែលកីឡាកំពុងចាប់ផ្តើមបើកផ្លូវសម្រាប់ ... សន្តិភាពរវាងប្រទេសទាំងពីរ និងពិភពលោក។
កិច្ចសហប្រតិបត្តិការផ្នែកកីឡាក៏បានជួយជំរុញឲ្យបញ្ចប់កម្មវិធីនុយក្លេអ៊ែរបច្ចុប្បន្នរបស់កូរ៉េខាងជើងផងដែរបន្ទាប់ពីប្រទេសបានបញ្ជូនគណៈប្រតិភូជាន់ខ្ពស់និងអត្តពលិកទៅចូលរួមប្រកួតកីឡាអូឡាំពិករដូវរងានៅទីក្រុងព្យុងឆាង ប្រទេសកូរ៉េខាងត្បូងកាលពីខែកុម្ភៈកន្លងទៅ។
មេដឹកនាំកូរ៉េខាងជើងជាអ្នកគាំទ្រកីឡាបាល់បោះម្នាក់ហើយក៏មានមិត្តជាអតីតកំពូលកីឡាករបាល់បោះ NBA លោក Dennis Rodman ទៀតផង។ អតីតកីឡាករក្រុមបាល់បោះ Chicago Bulls នៃក្របខណ្ឌ NBA អាមេរិករូបនេះ តែងតែទៅកាន់ទីក្រុងព្យុងយ៉ាងជាច្រើនលើកច្រើនសារ ហើយក៏មានវត្តមានជាមួយ គីម ជុងអ៊ុន ក្នុងជំនួបជាមួយត្រាំផងដែរ៕
Tag:
បាល់បោះ
កូរ៉េខាងជើង
កូរ៉េខាងត្បូង
Dennis Rodman
© រក្សាសិទ្ធិដោយ thmeythmey.com
