ខ្មែរក្រហម
ជាតិ
នយោបាយជាតិ
លោក ជុំ ម៉ី ៖ ការអំពាវនាវរបស់សម្ដេចគឺជារឿងរដ្ឋាភិបាល បាតុកម្មនៅតែបន្តធ្វើ
×![]()
មិនប៉ុន្មានម៉ោងក្រោយការប្រកាសអំពាវនាវផ្ទាល់មាត់របស់សម្ដេចនាយករដ្ឋមន្ត្រី ហ៊ុន សែន ទៅកាន់លោក ជុំ ម៉ី ដើម្បីសុំឲ្យក្រុមអ្នករងគ្រោះផ្អាកជាបណ្ដោះអាសន្ននូវការបន្តធ្វើបាតុកម្មប្រឆាំងលោក កឹម សុខានោះ នៅរសៀលថ្ងៃទី១៣ ខែមិថុនានេះ លោក ជុំ ម៉ី អតីតអ្នកជាប់គុកនៅមន្ទីស២១ (គុកទួលស្លែង) បានប្រកាសជំហរដ៏រឹងមាំរបស់លោក ក៏ដូចជាតាងនាមឲ្យអ្នករងគ្រោះផ្សេងទៀតថា លោកមិនអាចធ្វើតាមការអំពាវនាវរបស់សម្ដេចបានទេ។ បើតាមការបញ្ជាក់របស់លោក ការបញ្ឈប់ ឬផ្អាកធ្វើបាតុកម្មនឹងមិនអាចទៅរួចឡើយសម្រាប់អ្នករងគ្រោះ ប្រសិនបើលោក កឹម សុខា នៅតែរក្សាចំហររឹងរុះ មិនសុំទោសចំពោះពាក្យសម្ដីរបស់លោក ដែលចាត់ទុកគុកទួលស្លែងជាគុកសិប្បនិម្មិត។
ថ្លែងប្រាប់គេហទំព័រថ្មីៗតាមទូរស័ព្ទនៅរសៀលថ្ងៃទី១៣ ខែមិថុនានេះ លោក ជុំ ម៉ី បានអត្ថាធិប្បាយថា ចលនាបាតុកម្មប្រឆាំងបុគ្គល កឹម សុខា លោកមិនអាចផ្អាកជាបណ្ដោះសន្ន ដើម្បីឆ្លើយតបតាមការអំពាវនាវរបស់ប្រមុខរដ្ឋាភិបាលកម្ពុជាបាននោះទេ ព្រោះការឈឺចាប់របស់លោក ក៏ដូចជាក្រុមជនរងគ្រោះផ្សេងទៀតនៅតែដិតជាប់ក្នុងចិត្តជានិច្ច។
បើតាមលោក ជុំ ម៉ី គិតមកដល់ពេលនេះ ការទាមទារគ្រប់រូបភាពដើម្បីឲ្យលោក កឹម សុខា ចេញមុខទទួលកំហុស និងសុំទោសជនរងគ្រោះ គឺនៅតែបន្តធ្វើគ្រប់ទីកន្លែង ហើយថា លោកនឹងរៀបចំសំណុំឯកសារដាក់ពាក្យប្ដឹងលោក កឹម សុខា ទៅកាន់តុលាការឲ្យបានមុនការបោះឆ្នោតឆ្នាំ២០១៣ ។
លោកតា ជុំ ម៉ី បញ្ជាក់យ៉ាងដូច្នេះ ៖ « ការធ្វើបាតុកម្មនៅតែបន្តគ្រប់ទីកន្លែង ហើយបាតុកម្មជាទ្រង់ទ្រាយធំ នឹង អាចត្រូវបានរៀបចំឡើងជាថ្មីម្ដងទៀត ដើម្បីទាមទារឲ្យ លោក កឹម សុខា សុំទោសចំពោះពាក្យសម្ដីប្រមាថរបស់លោក មកលើជនរងគ្រោះទាំងអ្នកដែលបានស្លាប់ និងអ្នកដែលនៅសេសសល់ជីវិត។ អ្វីដែលខ្ញុំត្រូវធ្វើជាបន្តទៀតនោះគឺ មុនការបោះឆ្នោតឈានចូលមកដល់ខ្ញុំ នឹងដាក់ពាក្យទៅកាន់តុលាការ ដើម្បីប្ដឹងលោក កឹម សុខា។ បាតុកម្មមិនអាចបញ្ឈប់ឡើយ ដរាបណាលោក កឹម សុខានៅតែរឹងរូសមិនសុំទោសជនរងគ្រោះ»។
យ៉ាងណាក៏ដោយការថ្លែងរបស់លោកតា ជុំ ម៉ី នៅរសៀលថ្ងៃទី១៣ ខែមិថុនានេះ ត្រូវបានគេមើលឃើញថា ហាក់មិនមានការប្រាកដប្រជានោះទេ។ បើតាមការថ្លែងរបស់លោក ប្រាប់វិទ្យុបារាំងអន្តរជាតិជាខេមរភាសារនៅព្រឹកមិញនេះ លោក បានបង្ហាញជំហររបស់ខ្លួនថា លោក នឹងធ្វើតាមការអំពាវនាវរបស់សម្ដេច ហ៊ុន សែន ពោលគឺលោក នឹងបញ្ឈប់ការធ្វើបាតុកម្មប្រឆាំងលោក កឹម សុខា ជាបណ្ដោះអាសន្នសិន៕
ថ្លែងប្រាប់គេហទំព័រថ្មីៗតាមទូរស័ព្ទនៅរសៀលថ្ងៃទី១៣ ខែមិថុនានេះ លោក ជុំ ម៉ី បានអត្ថាធិប្បាយថា ចលនាបាតុកម្មប្រឆាំងបុគ្គល កឹម សុខា លោកមិនអាចផ្អាកជាបណ្ដោះសន្ន ដើម្បីឆ្លើយតបតាមការអំពាវនាវរបស់ប្រមុខរដ្ឋាភិបាលកម្ពុជាបាននោះទេ ព្រោះការឈឺចាប់របស់លោក ក៏ដូចជាក្រុមជនរងគ្រោះផ្សេងទៀតនៅតែដិតជាប់ក្នុងចិត្តជានិច្ច។
បើតាមលោក ជុំ ម៉ី គិតមកដល់ពេលនេះ ការទាមទារគ្រប់រូបភាពដើម្បីឲ្យលោក កឹម សុខា ចេញមុខទទួលកំហុស និងសុំទោសជនរងគ្រោះ គឺនៅតែបន្តធ្វើគ្រប់ទីកន្លែង ហើយថា លោកនឹងរៀបចំសំណុំឯកសារដាក់ពាក្យប្ដឹងលោក កឹម សុខា ទៅកាន់តុលាការឲ្យបានមុនការបោះឆ្នោតឆ្នាំ២០១៣ ។
លោកតា ជុំ ម៉ី បញ្ជាក់យ៉ាងដូច្នេះ ៖ « ការធ្វើបាតុកម្មនៅតែបន្តគ្រប់ទីកន្លែង ហើយបាតុកម្មជាទ្រង់ទ្រាយធំ នឹង អាចត្រូវបានរៀបចំឡើងជាថ្មីម្ដងទៀត ដើម្បីទាមទារឲ្យ លោក កឹម សុខា សុំទោសចំពោះពាក្យសម្ដីប្រមាថរបស់លោក មកលើជនរងគ្រោះទាំងអ្នកដែលបានស្លាប់ និងអ្នកដែលនៅសេសសល់ជីវិត។ អ្វីដែលខ្ញុំត្រូវធ្វើជាបន្តទៀតនោះគឺ មុនការបោះឆ្នោតឈានចូលមកដល់ខ្ញុំ នឹងដាក់ពាក្យទៅកាន់តុលាការ ដើម្បីប្ដឹងលោក កឹម សុខា។ បាតុកម្មមិនអាចបញ្ឈប់ឡើយ ដរាបណាលោក កឹម សុខានៅតែរឹងរូសមិនសុំទោសជនរងគ្រោះ»។
យ៉ាងណាក៏ដោយការថ្លែងរបស់លោកតា ជុំ ម៉ី នៅរសៀលថ្ងៃទី១៣ ខែមិថុនានេះ ត្រូវបានគេមើលឃើញថា ហាក់មិនមានការប្រាកដប្រជានោះទេ។ បើតាមការថ្លែងរបស់លោក ប្រាប់វិទ្យុបារាំងអន្តរជាតិជាខេមរភាសារនៅព្រឹកមិញនេះ លោក បានបង្ហាញជំហររបស់ខ្លួនថា លោក នឹងធ្វើតាមការអំពាវនាវរបស់សម្ដេច ហ៊ុន សែន ពោលគឺលោក នឹងបញ្ឈប់ការធ្វើបាតុកម្មប្រឆាំងលោក កឹម សុខា ជាបណ្ដោះអាសន្នសិន៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
