ជាតិ
សេដ្ឋកិច្ច
នៅតែបន្តឲ្យជិះឥតគិតថ្លៃ រថភ្លើងភ្នំពេញ-ប៉ោយប៉ែត!
× ភ្នំពេញ៖ សេវាកម្មដឹកអ្នកដំណើរតាមរថភ្លើងភ្នំពេញ-ប៉ោយប៉ែត នៅតែបន្តផ្ដល់ជូនដោយឥតគិតថ្លៃ ដល់សាធារណជន រហូតដល់ដំណាច់ឆ្នាំ២០១៨នេះ។ នេះបើតាមការប្រកាសរបស់ប្រមុខរដ្ឋាភិបាលសម្ដេច ហ៊ុន សែន នៅក្នុងពិធីសម្ពោធនាវាដឹកអ្នកដំណើរភ្នំពេញ-តាខ្មៅ នៅថ្ងៃទី១ខែសីហានេះ។
សម្ដេច ហ៊ុន សែន បានប្រកាសក្នុងពេលជាមួយគ្នា ដោយផ្ដល់ឲ្យប្រជាពលរដ្ឋធ្វើដំណើរតាមនាវាផ្លូវទឹក ភ្នំពេញ-តាខ្មៅ និងរថភ្លើងភ្នំពេញ-ប៉ោយប៉ែត ឥតបង់កម្រៃសេវាឡើយ រហូតដល់ដំណាច់ឆ្នាំនេះ។ តាមគម្រោងរបស់រដ្ឋាភិបាលកន្លងមក ការមិនយកកម្រៃចំពោះសេវាកម្មទាំងពីរនេះ ត្រូវផុតកំណត់ត្រឹមខែកក្កដា តែឥឡូវនេះការមិនយកកម្រៃនេះ ត្រូវពន្យារដល់ដាច់ឆ្នាំនេះ។
ខ្សែរថភ្លើងពីភាគខាងលិច ត្រូវបានដាក់ឲ្យដំណើរការសាកល្បងពីខេត្តមួយទៅខេត្តមួយជាបន្តបន្ទាប់ និងដំណើរការទាំងស្រុងប៉ោយប៉ែត-ភ្នំពេញ នៅថ្ងៃទី៤ខែកក្កដា។ ចំពោះការសម្ពោធផ្លូវការនូវខ្សែរថភ្លើងនេះ រដ្ឋាភិបាលមិនទាន់ប្រកាសឲ្យដឹងនៅឡើយ។
ចំពោះអ្នកចង់ធ្វើដំណើរតាមរថភ្លើង អាចចូលមើលកាលវិភាគរបស់ក្រុមហ៊ុន Royal Railway Cambodia ៕
© រក្សាសិទ្ធិដោយ thmeythmey.com