ជាតិ
អត្ថបទពាណិជ្ជកម្ម
ស្វែងយល់ពីការច្នៃប្រឌិតក្នុងយុគសម័យទំនើប៖ បរិបទថ្មីសម្រាប់ការវះកាត់ជំងឺដោយមានការឈឺចាប់តិចតួចបំផុត
×![]()
ដោយ: ជី ដាណា
រាជធានីភ្នំពេញ, ថ្ងៃទី១៨ ខែសីហា ឆ្នាំ២០១៨៖ ដោយសារតែភាពជឿនលឿន និងការវិវឌ្ឍយ៉ាងឆាប់រហ័សឥតឈប់ ឈរនៃបច្ចេកវិទ្យា និង វិទ្យាសាស្ត្រជាងមួយទសវត្សរ៍កន្លងទៅនេះបានជួយឲ្យយើងអាចសិក្សាស្វែងយល់បានច្រើន ទទួលបានបទពិសោធន៍ដ៏សម្បូរបែប និង ដឹងកាន់តែច្បាស់បន្ថែមទៀតអំពីជំងឺឆ្អឹងខ្នង និងបច្ចេកវិទ្យាក្នុងការ វះកាត់ដោយមានការឈឺចាប់តិចតួចបំផុត។
លោកវេជ្ជបណ្ឌិត Verapan Kuansongtham,¬ឯកទេសផ្នែកឆ្អឹងខ្នង និងលោកវេជ្ជបណ្ឌិត ¬-Anusak Yiengpruksawan, ឯកទេសផ្នែកវះកាត់នៃមន្ទីរពេទ្យ បំរុងរ៉ាត់ អន្តរជាតិ ប្រទេសថៃ បានអញ្ជើញមកទីក្រុងភ្នំពេញ ធ្វើបទបង្ហាញស្តីពីបច្ចេកវិទ្យាទំនើប និងភាពច្នៃប្រឌិតក្នុងការព្យាបាលជំងឺដោយការវះកាត់ នៅក្នុងសិក្ខាសាលាមួយស្តីអំពី "ស្វែង យល់ពីការច្នៃប្រឌិតក្នុងយុគសម័យទំនើប: បរិបទថ្មីសម្រាប់ការវះកាត់ជំងឺដោយមានការឈឺចាប់តិចតួចបំផុត" ។
មន្ទីរពេទ្យ បំរុងរ៉ាត់ បាននាំយកមកនូវបច្ចេកវិទ្យា នៃការវះកាត់ជំងឺឆ្អឹងខ្នងដោយប្រើវិធីដាក់វីស ប្រកបដោយសុវត្ថិភាពជាមួយការវះកាត់ជំងឺដោយមានការឈឺចាប់តិចតួចបំផុតចាប់តាំងពីឆ្នាំ២០១៣ មកម្ល៉េះ។ ក្នុងរយៈពេល ប្រាំឆ្នាំកន្លងទៅនេះ មានអ្នកជំងឺមិនតិចជាង ៦០០ នាក់នោះទេ ដែលបានទទួលការព្យាបាលពីមន្ទីរពេទ្យបំរុងរ៉ាត់ ។
បច្ចេកវិទ្យានេះ បានបង្ហាញពីលទ្ធផលគួរជាទីពេញចិត្ត និងមានប្រសិទ្ធភាពខ្ពស់បំផុត ដូច្នេះហើយ បានជាបច្ចេកវិទ្យានេះ ត្រូវបានទទួលស្គាល់ និងគាំទ្រយ៉ាងពេញទំហឹងពីសំណាក់ក្រុមគ្រូពេទ្យ និងអ្នកជំងឺទាំងអស់។
នៅឆ្នាំ២០១៨នេះ មន្ទីរពេទ្យ បំរុងរ៉ាត់ បានបោះជំហ៊ានថ្មីមួយទៀតក្នុងការនាំយកមកនូវបច្ចេកវិទ្យារ៉ូបូត (ដៃមនុស្សយន្ត) ដែលបានអនុញ្ញាតឱ្យគ្រូពេទ្យឯកទេសវះកាត់ឆ្អឹងខ្នង អាចធ្វើប្រតិបត្តិការជាមួយនឹងចក្ខុវិស័យកាន់តែប្រសើរឡើងមានភាពជាក់លាក់ និងមានការត្រួតពិនិត្យបានយ៉ាងម៉ត់ចត់ទៀតផង។
លោកវេជ្ជបណ្ឌិត Verapan Kuansongtham បានមានប្រសាសន៍ថា «ចំពោះលក្ខណៈពិសេសដ៏អស្ចារ្យនៃដៃមនុស្សយន្តដែលអាចជួយដល់ការវះកាត់ឆ្អឹងខ្នងនេះគឺថា វាអាចផ្តល់ឱ្យក្រុមគ្រូពេទ្យឯកទេសវះកាត់នូវទិន្នន័យច្បាស់លាស់នូវកន្លែងដាក់វីសនៅឆ្អឹងខ្នង។ លើសពីនេះទៅទៀតវាមានរូបភាពជាលក្ខណៈ 3D ដែលធ្វើឲ្យក្រុមវេជ្ជបណ្ឌិតអាចមើលឃើញរូបភាពបានយ៉ាងច្បាស់ល្អ ហើយដៃរបស់មនុស្សយន្តអាចពត់ បង្វិល និងផ្លាស់ទីបានដោយសេរី។បច្ចេកវិទ្យានេះ បានជួយកាត់បន្ថយពេលវេលានៃការវះកាត់ និងការបាត់បង់ឈាមរបស់អ្នកជំងឺ ធ្វើឲ្យអ្នកជំងឺឆាប់ជាសះស្បើយឡើងវិញ ដោយសារតែការវះកាត់នេះធ្វើឲ្យមានស្នាមរបួសតូច និងប៉ះពាល់ជាលិកាជុំវិញតិចតួចប៉ុណ្ណោះ។ ដូច្នេះហើយ វាធ្វើឲ្យអ្នកជំងឺឆាប់ជាសះស្បើយ ហើយអាចវិលត្រឡប់ទៅរកស្ថានភាពល្អប្រសើរដូចដើមវិញ បាន»។
បច្ចេកវិទ្យារ៉ូបូតនេះ ក៏ជួយឲ្យក្រុមគ្រូពេទ្យវះកាត់ធ្វើផែនការមុនការវះកាត់ចំពោះស្ថានភាពជំងឺនីមួយៗបានយ៉ាងល្អប្រសើរណាស់ដែរ ហើយគ្រូពេទ្យអាចធ្វើការវះកាត់ឆ្អឹងខ្នងបានប្រកបដោយប្រសិទ្ធភាពជាមួយនឹងសុវត្ថិភាពខ្ពស់ និងមានភាពជាក់លាក់ ដែលកាត់បន្ថយការព្រួយបារម្ភ និងការឈឺចាប់របស់អ្នកជំងឺបានក្នុងកម្រិតយ៉ាងល្អជាទី បំផុត។
លោកវេជ្ជបណ្ឌិតសាស្ត្រាចារ្យរង Somsak Chaovisitsaree នាយកប្រតិបត្តិ និងជានាយកឱសថនៃមន្ទីរពេទ្យ បំរុងរ៉ាត់ បានលើកឡើងថា «ការប្រើប្រាស់បច្ចេកវិទ្យាមនុស្សយន្តនេះ នឹងរីករាលដាលច្រើន ហើយវានឹងផ្តល់អត្ថ ប្រយោជន៍យ៉ាងសម្បូរបែបដល់វិស័យវេជ្ជសាស្ត្រ។ ក្នុងនាមជាមន្ទីរពេទ្យឯកជន និងជាអ្នកត្រួសត្រាយផ្លូវក្នុងការ ច្នៃប្រឌិតផ្នែកវេជ្ជសាស្ត្រឈានមុខគេមួយ យើងនៅតែបន្តប្តេជ្ញាលើកកម្ពស់គុណភាព នៃការព្យាបាល និងការរក្សាបានសុខសុវត្ថិភាពជូនដល់អ្នកជំងឺ ប្រកបដោយស្តង់ដារគុណភាពខ្ពស់ គឺជាអាទិភាពរបស់ពួកយើង។ យើងមានបំណងរួមបញ្ចូលជំនាញឯកទេសនៃអ្នកឯកទេសរបស់យើងទាំងអស់ជាមួយនឹងបច្ចេកវិទ្យាវេជ្ជសាស្ដ្រទំនើបៗ ក្នុងការលើកកម្ពស់គុណភាព និងសុវត្ថិភាពនៃការព្យាបាល និងការថែទាំជូនដល់អ្នកជំងឺទាំងអស់របស់យើង»។
តាមរយៈការទទួលស្គាល់ និងទទួលបានពានរង្វាន់ជាច្រើន ជាបន្តបន្ទាប់ពីបីស្ថាបន ដែលសុទ្ធសឹងតែជាស្ថាបនដែលមានកេរ្តិ៍ឈ្មោះល្បីល្បាញ និងមានការទទួលខុសត្រូវខ្ពស់ ការប្តេជ្ញាចិត្តភក្តីភាព និងការលះបង់គ្រប់បែបយ៉ាងរបស់មន្ទីរពេទ្យ បំរុងរ៉ាត់ ចំពោះការអភិវឌ្ឍ និងការថែទាំអ្នកជំងឺបានយ៉ាងល្អបំផុត ដោយបុគ្គលិកពេទ្យ និងបុគ្គលិកទូទៅរបស់មន្ទីរពេទ្យបានធ្វើឲ្យមន្ទីរពេទ្យ បំរុងរ៉ាត់ ត្រូវបានទទួលស្គាល់ និងទទួលបានការគាំទ្រយ៉ាងច្រើនលើសលប់ ពីសំណាក់អ្នកជំងឺគ្រប់ទិសទីទាំងអស់។
ការប្រើបច្ចេកវិទ្យាថ្មី ដែលមានលក្ខណៈទំនើបក្នុងការវះកាត់ជំងឺឆ្អឹងខ្នង រួមបញ្ចូលគ្នានូវផ្នែករឹង និងផ្នែកទន់ នៃបច្ចេកវិទ្យារ៉ូបូត គួបផ្សំនឹងក្រុមគ្រូពេទ្យដែលមានជំនាញច្បាស់លាស់ក្នុងការធ្វើផែនការ និងការព្យាបាល គឺជាការបរិបទថ្មីមួយទៀតនៅក្នុងវិស័យសុខាភិបាលរបស់ប្រទេសថៃ៕
###
អំពីមន្ទីរពេទ្យ បំរុងរ៉ាត់ អន្តរជាតិ
• ជាមន្ទីរពេទ្យពហុឯកទេសលំដាប់ពិភពលោកដ៏ពេញនិយមបំផុត ពិនិត្យ និងព្យាបាលអ្នកជំងឺបានចំនួន ១,១ លាននាក់ ដោយជាង ៥២០.០០០ នាក់ ជាអ្នកជំងឺបរទេស បានព្យាបាលនៅមន្ទីរពេទ្យ បំរុងរ៉ាត់ អន្តរជាតិ ក្នុងមួយឆ្នាំ។
• ជាមន្ទីរពេទ្យទីមួយនៅអាស៊ីដែលទទួលស្គាល់ដោយគណៈកម្មាការអន្ដរជាតិ មានមូលដ្ឋាននៅសហរដ្ឋអាមេរិក (JCI) នៅឆ្នាំ២០០២ និងត្រូវបានទទួលស្គាល់ជាបន្តបន្ទាប់ទៀតក្នុងឆ្នាំ២០០៥ ឆ្នាំ២០០៨ ឆ្នាំ ២០១១ និងឆ្នាំ២០១៤ ។
• ផ្តល់ភាពងាយស្រួលបំផុត ព្រោះមានវេជ្ជបណ្ឌិតឯកទេសជាង ១,៣០០ នាក់ ដែលតំណាងឲ្យស្ទើរតែ គ្រប់ជំនាញវេជ្ជសាស្ត្រ។
• មានគ្រែអ្នកជំងឺ ៥៨០គ្រែ រួមទាំងគ្រែថែទាំទារកដែលទើបនឹងកើតដ៏ពិសេសកម្រិត III
• មានបច្ចេកវិជ្ជាទាន់សម័យដូចជា មជ្ឈមណ្ឌលបេះដូង បន្ទប់វះកាត់ផ្លាស់ប្តូរសន្លាក់ដោយម៉ាស៊ីនរ៉ូបូទីក ការព្យាបាលដោយកាំរស្មីតាមរយៈរូបភាព និងមន្ទីរពិសោធន៍ស្វ័យប្រវត្តិ ដែលផ្តល់នូវលទ្ធផលរហ័សទាន់ចិត្តដែលអាចជឿទុកចិត្តបានថែមទៀត។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
