ជាតិ
ទឹកទន្លេចតុមុខ បានឡើងដល់កម្ពស់៩.៧ម៉ែត្រ រូបភាពបានពីរដ្ឋបាលរាជធានីភ្នំពេញ
× ភ្នំពេញ៖ ថ្ងៃទី២២ ខែសីហា ទន្លេចតុមុខ ក្នុងរាជធានីភ្នំពេញ ទឹកបានឡើងដល់កម្ពស់៩.៧ម៉ែត្រ ដែលជិតដល់ការប្រកាសប្រុងប្រយ័ត្ន (កម្ពស់១០.៥០ម៉ែត្រ)។ នេះបើយោងតាមរដ្ឋបាលរាជធានីភ្នំពេញ។
រដ្ឋបាលរាជធានីភ្នំពេញ បានឲ្យដឹងថា តំបន់ខ្លះនៃភូមិសាស្ត្ររាជធានីភ្នំពេញ គឺមានសណ្ឋានដីទាបជាងនីវ៉ូទឹកទន្លេ។ ទោះយ៉ាងនេះក្តី រាជធានីភ្នំពេញ មិនអាចទទួលរងការគំរាមកំហែងដោយទឹកជំនន់បានឡើយ។ រដ្ឋបាលរាជធានីភ្នំពេញ បានបញ្ជាក់ថា នៅភ្នំពេញ មានទំនប់ការពារទឹកជំនន់ដ៏រឹងមាំព័ទ្ឋជុំវិញ និងមានស្ថានីយ៍បូមទឹកចំនួន ១៣កន្លែង សម្រាប់រំដោះទឹកចេញពីភ្នំពេញ។
បច្ចុប្បន្ន កម្ពុជា កំពុងប្រឈមទឹកជំនន់ ៣ប្រភេទ គឺជំនន់ដោយទឹកភ្លៀង ជំនន់ដោយទឹកទន្លេ និងជំនន់ដោយទឹកស្ទឹងព្រែកត្នោត៕
© រក្សាសិទ្ធិដោយ thmeythmey.com