កីឡាជាតិ
ជាតិ
មេដាយសំរឹទ្ធ១ និងមាស១របស់សាលី អ៊ូមើត នៅថ្ងៃនេះ នាំកម្ពុជាឡើងទៅចំណាត់ថ្នាក់លេខ១៦បណ្តោះអាសន្ន
× សាលី អ៊ូមើត បានក្លាយជាកីឡាករដំបួូងបំផុតក្នុងប្រវត្តិសាស្ត្រកីឡាកម្ពុជា ក្នុងព្រឹត្តិការណ៍កីឡាអាស៊ី ដោយនៅថ្ងៃនេះ កីឡាករម៉ូតូទឹក (Jetski) រូបនេះ ដណ្តើម បានមេដាយ រហូតដល់ ទៅ២សម្រាប់កម្ពុជា ដែលក្នុងនោះមានមេដាយសំរឹទ្ធលើវិញ្ញាសា Runabout 100 Stock និងមេដាយមាសលើវិញ្ញាសា Ski-modified។
ជោគជ័យនេះ កើតឡើងបន្ទាប់ពីកីឡាការិនីជឺជិតស៊ូ ខាន់ ចេសា បានឈ្នះមេដាយមាសទីមួយ កាលពីថ្ងៃទី២៤ ខែសីហា។
ចំនួនសរុបដែលមានមេដាយមាស២ និងសំរឹទ្ធ១ នាំឲ្យកម្ពុជា ឡើងឈរចំណាត់ថ្នាក់លេខ១៦បណ្តោះអាសន្ន ក្នុងបញ្ជីមេដាយ ដោយគិតត្រឹមរសៀលថ្ងៃសៅរ៍នេះ។ ចិនបង្កើនការនាំមុខលើមេដាយសរុប ដែលតាមពីក្រោយដោយ ជប៉ុន កូរ៉េខាងត្បូង អ៊ីរ៉ង់ ម្ចាស់ផ្ទះឥណ្ឌូណេស៊ី កូរ៉េខាងជើង និងថៃ។
ពេលនេះ កម្ពុជារកបានមេដាយមាស២ដូច ហុងកុង អេមីរ៉ាតអារ៉ាប់រួម និងសិង្ហបុរី។ មេដាយមាស២នាំឲ្យកម្ពុជា ឈរពីលើវៀតណាម កៀហ្ស៊ីស្ថាន និងប្រទេសជាច្រើនទៀត បើទោះជាប្រទេសខ្លះមានចំនួនមេដាយសរុបច្រើនជាងក៏ដោយ៕
© រក្សាសិទ្ធិដោយ thmeythmey.com