ក្រុមហ៊ុន គូបូតា កម្ពុជា ជាប្រភពដ៏សំខាន់ក្នុងការអភិវឌ្ឍន៍ជំនាញសមត្ថភាព របស់ជាងសេវាកម្ម ក្នុងប្រទេសកម្ពុជា ជាបន្តបន្ទាប់ ដើម្បីបញ្ជូនការងារសេវាកម្ម ដែលមានគុណភាពនិងបង្កើតភាពជឿជាក់ ឲ្យទៅអតិថិជនរបស់គូបូតាគ្រប់រូប។ ដូច្នេះ ទើបកាលពីថ្ងៃទី២៨ ខែសីហាកន្លងទៅ ក្រុមហ៊ុនបានរៀបចំការប្រឡងប្រជែង ជំនាញជាងមេដាយមាសឡើង ដើម្បីជួយជ្រោមជ្រែង ឲ្យជាងសេវាកម្ម ខិតខំស្វែងរកចំណេះដឹង និងអភិវឌ្ឍន៍ខ្លួនឯងនៅគ្រប់ៗផ្នែក ដោយចាប់ដំណើរការតាំងពីឆ្នាំ ២០១៦មកម្ល៉េះ។
ពិធីនេះមានការចូលរួមក្រោម អធិបភាព ឯកឧត្តម ឡៅ ហ៊ីម ប្រតិភូរាជ រដ្ឋាភិបាល ទទួលបន្ទុកជាអគ្គនាយនៃអគ្គនាយកដ្ឋាន អប់រំបណ្តុះបណ្តាលបច្ចេកទេស និងវិជ្ជាជីវៈ និងឯកឧត្តម អ៊ុក ដាវ៉ានឌី នាយកវិទ្យាស្ថានបច្ចេកវិទ្យាបាត់ដំបង និងលោកនាយករង ស្វាយ ចំឫទ្ធិ (BIT) ព្រមទាំងថ្នាក់ដឹកនាំក្រុមហ៊ុនគូបូតាផងដែរ
លោក Waipoj Hamala ប្រធានផ្នែកសេវាកម្មអតិថិជន នៃក្រុមហ៊ុនស្យាមគូបូតា ខបភឺរ៉េសិន បានឲ្យដឹងថាឆ្នាំនេះ ជាឆ្នាំទី៣ដែលក្រុមហ៊ុនបានរៀបចំសកម្មភាពនេះឡើង ដោយមានជាងសេវាកម្មចូលរួមប្រឡង ក្នុងវគ្គទ្រឹស្តីទាំងអស់ចំនួន ៥៩នាក់ មកពីសេវាកម្មរបស់តំណាងចែកចាយ ចំនួន ៥៣នាក់ ហើយជាងសេវាកម្មរបស់ក្រុមហ៊ុនគូបូតាកម្ពុជាចំនួន៦នាក់។ ជាងដែលបានជាប់ក្នុងវគ្គទ្រឹស្តី ១០នាក់ ក្នុងចំណោមជាងទូទាំងប្រទេស បានចូលប្រឡងក្នុងវគ្គចុងក្រោយ ដែលរៀបចំឡើងថ្ងៃទី២៨ និងទី២៩ ខែសីហានេះ។
ឯកឧត្តម ឡៅ ហ៊ីម ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន អប់រំបណ្តុះបណ្តាលបច្ចេកទេស និងវិជ្ជាជីវៈ បានគូសបញ្ជាក់ថា បេក្ខជនដែលចូលរួមប្រឡងប្រជែងសមត្ថភាព ជាជាងសេវាកម្ម របស់ក្រុមហ៊ុនគូបូតាកម្ពុជា ត្រូវជំរុញចំណេះដឹង និងការអភិវឌ្ឍន៍ជំនាញសមត្ថភាព ដើម្បីផ្តល់ភាពជឿជាក់ ដល់អតិថិជនរបស់ខ្លួន និងជួយដល់ផ្នែកទីផ្សារលក់ផលិតផល គូបូតា ឲ្យកាន់តែទទួលបានជោគជ័យថែមមួយកម្រិតថែមទៀត។
គួរបញ្ជាប់ថា ការប្រឡងក្នុងចុងក្រោយនេះ និងមានការប្រឡងអនុវត្តន៍វិភាគ និងកែប្រែបញ្ហាដែលកើតឡើងជាក់ស្តែងរបស់ត្រាក់ទ័រគ្រប់ប្រព័ន្ធ របស់ផលិតផល មិនថាជាផលិតផលរបស់ប្រព័ន្ធម៉ាស៊ីន,អគ្គិសនី,ប្រព័ន្ធបញ្ជូនកម្លាំង,និងប្រព័ន្ធអ៊ីដ្រូលីក បេក្ខជនដែលបានទទួលតំណែង ជាជាងមេដាយមាស ចាំបាច់ត្រូវទទួលពិន្ទុ ដែលឆ្លងកាត់គោលការណ៍កំណត់ ៩១ភាគរយឡើងទៅ។
ជាងមេដាយមាសទាំងនេះ ជាកម្លាំងដ៏សំខាន់ របស់តំណាងចែកចាយគូបូតា ក្នុងការជួយដល់ការងារផ្តល់សេវាកម្ម ឲ្យតំណាងចែកចាយ និងជាគំរូជោគជ័យ ដល់ជាងសេវាកម្មគ្រប់រូប បានអភិវឌ្ឍន៍ខ្លួន និងមានសមត្ថភាពបម្រើសេវាកម្មជូនអតិថិជនដែលតែងតែគាំទ្រផលិតផលគូបូតាជារៀងរហូតមក៕
(អត្ថបទពាណិជ្ជកម្ម)